யுத்த வெற்றிகளே அரசாங்கத்தின் குறிக்கோள் என்பதால் நாடு அழிவுப்பாதையை நோக்கி நகர்கிறது

சட்டத்தின் பிரகாரம் விளக்கமறியலில் வைக்கப்பட்ட பிக்கு ஒருவர் தொடர்பில் அரசாங்கம் காட்டிய கவலையும் கரிசனையும் ஒரு இனத்தின் பிரச்சினை மீது காட்டப்படாத நிலையினையே காண்கிறோம். இதனை விட சாபக் கேடானதும் வேதனையானதுமானதொரு நிலை இருக்க முடியாது.

முன்னைய எல்லா அரசாங்கங்கள் போலவே தேசிய இனப்பிரச்சினைக்கு அரசியல் தீர்வு காண்பதற்கு வக்கற்ற நிலையிலேயே மகிந்த ராஜபக்ஷ அரசாங்கமும் உள்ளது. ஆனால்இ பயங்கரவாதத்தை பூண்டோடு ஒழிப்பதற்கு யுத்தம் விடுதலைப் புலிகளுக்கு எதிராக நடத்தப்படுகிறதே தவிர அரசியல் தீர்வு காண்பதில் தாம் உறுதியாயிருப்பதாகவே அரசு தரப்பினர் குறிப்பாக சர்வதேச மட்டத்தில் பிரசாரம் செய்து வருகின்றனர். அண்மையில் கூட ""இந்து' நாளிதழுக்கு வெளிநாட்டமைச்சர் ரோகித்த போகொல்லாகம வழங்கிய செவ்வியில் கூட இவ்வாறு குறிப்பிட்டிருந்தார். உண்மையில் தனது இருப்பினைத் தக்க வைத்துக் கொள்வதற்காக யுத்தத்தை கோரமாக நடத்தி தென்னிலங்கை மக்களுக்கு வெற்றிகளை வெள்ளித்தட்டத்தில் வழங்குவதிலேயேஅரசாங்கம் முனைப்பாயிருக்கின்றது என்பது உள்ளங்கை நெல்லிக்கனி.

தமிழ் மக்கள் அழித்தொழிக்கப்படுகின்றனர். நாடும் அழிவுப் பாதையில்

இதன் பொருட்டு தமிழ் மக்கள் அழித்தொழிக்கப்படுவது பற்றியோ அதற்கப்பால் முழு நாடுமே அழிவுப் பாதையில் இட்டுச் செல்லப்படுவது பற்றியோ அரசாங்கம் கவலைப்படுவதாகத் தெரியவில்லை. அனைத்து இனஇ மத மக்களினதும் நலன் கருதி நீண்ட காலமாக உழைத்து வந்துள்ள எமக்கு இன்றைய நிலைமைகளை ஜீரணித்துக் கொள்ள முடியவில்லை. பயங்கரவாதம் ஒழித்துக்கட்டப்பட வேண்டுமெனக் கூறிவந்த எல்லா அரசாங்கங்களும் அதன் தோற்றுவாயான அரச பயங்கரவாதம் பற்றி கிஞ்சித்தும் சிந்தித்ததில்லை. மேலும்இ அரசியல் தீர்வு தான் பயங்கரவாதத்திற்கான உண்மையான பரிகாரம் என்பதும் கணக்கில் எடுக்கப்படுவதில்லை. நாட்டின் பொருளாதாரம் எவ்வளவு தான் குட்டிச்சுவராக்கப்பட்டாலும