இந்தியா மீது எதிர்ப்பலைகளைத் தீவிரப்படுத்த மஹிந்த அரசு திட்டம்

இலங்கை விவகாரத்தில் இந்தியா தலையிடுவது தொடர்பாக புதுடில்லி மீது எதிர்ப்பலைகளை உருவாக்கும் விதத்தில் நாடாளவிய ரீதியில் பிரசாரங்ளை முடுக்கிவிட இலங்கை அரசு தீர்மானித்திருக்கிறது.

இலங்கை நிலைமைகள் குறித்து இந்தியா தொடர்ச்சியாக கடும் கவலை தெரிவித்து, அதனைச் சீர் செய்யுமாறு இலங்கைக்கு அழுத்தம் கொடுத்து வரும் நிலையில், அதனை எதிர்கொள்வதற்காகாக இலங்கை அரசு இப்படியொரு தந்திரோபாயத்தை வகுத்துள்ளதாகத் தகவல்கள் வெளியாகியுள்ளன.

இந்தியாவில் தற்போது காணப்படும் நிலைமை குறித்தும் அதற்கு எவ்வாறு பதிலளிக்க வேண்டுமென்பது பற்றியும் அரச தரப்பு பல சுற்று இரகசிய ஆலோசனைகளை நடத்தி வருகின்றது.

பஷில் ராஜபக்ஷ் தலைமையில் புதுடில்லக்கு பிரதிநிதிகள் குழுவொன்று செல்லும் அதேவேளை, இலங்கையில் இந்தியாவின் தலையீடு குறித்த உணர்வலைகளை தீவிரப்படுத்த தீர்மானிக்கப்பட்டுள்ளதாக தகவல்கள் வெளியாகியுள்ளன.

அதன் பிரகாரம், முதலில் ஊடகங்களைப் பயன்படுத்தி இந்தியா மீது சொற்போர் நடத்துவதற்கும் இந்தியா அதனை எவ்வாறு கையாளுகின்றது என்பதை அவதானித்து பின்னர் இரண்டாம் கட்ட நடவடிக்கை எடுப்பதற்கும் தீர்மானிக்கப்பட்டிருப்பதாக ஒரு தகவல் கசிந்துள்ளது.

முன்னர் இந்திய இலங்கை ஒப்பந்தத்திற்கு எதிராக காணப்பட்டமை போன்ற எதிர்ப்பலைகளை தோற்றுவிப்பதே இந்தத் திட்டம்.

இலங்கையின் உயர்மட்டக் குழு புதுடில்லிக்குச் செல்வதற்கு முன்னா நாட்டில் இந்திய எதிர்ப்பு உணர்வலைளை அதிகரிக் வேண்டும் எனவும் இதன் மூலம் புதுடில்லி கடுமையான நிலைப்பாட்டை எடுப்பதை தடுக்கலாம் என்றும் அரசில் உள்ள சிலர் கருதுகின்றனர்.

இதன் காரணமாக, இலங்கைப் பிரதிநிதிகள் குழு புதுடில்லிக்குச் செல்வதற்கு முன்னர் இந்திய எதிர்ப்புப் பிரசாரங்களை இங்கு தீவிரமாக்கப்படும் என எதிர்பார்ககப்டுகின்றது.

நன்றி உதயன்