2009 ஆம் ஆண்டு டிசம்பர் மாதம் எனது பதவிக்காலம் முடிவடையும். அதற்குள்ளாகவே நான் இந்த யுத்தத்துக்கு முடிவுகட்டிவிடுவேன். கடந்த காலங்களில் 50 வரைபடங்களை வைத்து

இராணுவ வியூகங்களை வகுப்பதுண்டு. ஆனால் இப்போதெல்லாம் ஒரே ஒரு வரைபடத்தை கொண்டு தான் இராணுவ நடவடிக்கைகளை மேற்கொண்டு வருவதாகஇராணுவ தளபதி லெப். ஜெனரல் சரத்பொன்சேகா தெரிவித்துள்ளார்.

கொழும்பு பௌத்தாலோக மாவத்தையிலுள்ள இராணுவத் தளபதியின் உத்தியோகபூர்வ வாசஸ்தலத்தில் நேற்று முன்தினம் நடைபெற்ற ஊடகவியலாளர்களுடனான விருந்துபசார நிகழ்வில் கலந்து கொண்டு பேசுகையிலேயே அவர் இவ்வாறு கூறினார்

உள்ளுர் மற்றும் வெளிநாட்டு ஊடகவியலாளர்கள் பலரும் கலந்து கொண்ட இந்த நிகழ்வில் இராணுவத் தளபதி மேலும் பேசுகையில் குறைந்த அளவிலான ஊடகவியலாளர்களையே இங்கு காணமுடிகின்றது. எதிர்வரும் காலங்களில் இதுமேலும் சுருங்கிவிடும். தனது பதவிக்காலத்தில் மூன்றாவது தடவையாக உங்களைச் சந்திக்கிறேன் எனவும் தெரிவித்தார்.

யுத்தம் விரைவில் முடிவுக்கு வந்து விடும். எப்படியும் வரும் சித்திரைப் புத்தாண்டுக்கு முன்னர் அதனை முடிவுக்குக் கொண்டுவர வேண்டும் என்றே தான் விரும்புவதாகவும் இதன்காரணமாக ஊடகங்களில் பாதுகாப்பு தொடர்பான செய்திகளை எழுதுவோர் இனிமேல் வேறுவேலைகளைத் தேடத் தான் நேரிடும்.

நான் கடந்த வருடம் உங்கள் முன்னிலையில் பேசுகையில் புலிகளை அழித்து விடுவோம். எனது பதவிக்காலத்துக்குள் யுத்தம் முடிவுக்கு வரும். அடுத்துவரும் இராணுவத் தளபதி மிகவும் அதிர்ஸ்டசாலியாகத்தான் இருப்பார் என்று கூறினேன்.

இதனைப் பலர் விமர்சித்தார்கள் சில ஊடகங்கள் 2008க்குள் யுத்தம் முடிவுக்கு வந்து விடும் என நான் கூறியதாக திரிபுபடுத்தி பிரசுரித்தன. அத்துடன் சில ஊடகவியலாளர்கள் பதிலளிக்கமுடியாத கேள்விகளைக்கூட கேட்டனர். ஆனால் அன்று அவர்கள் கேட்ட கேள்விகளுக்கெல்லாம் இன்று நான் பதிலளித்து விட்டேன். இப்போது என்னிடம் வந்து கேட்கிறார்கள். பிரபாகரன் கடலில் பாய்ந்து ஓடித்தப்புவாரா? அல்லது காட்டுக்குள் ஓடிமறைவாரா? என்று. ஒருவகையில் யுத்தத்தையும் ஊடகவியலாளர்களையுமாக இரண்டு வெற்றிகளை அடைந்து விட்டேன்.

சில ஊடகங்கள் என்னைக் கடுமையாக விமர்சித்தன. மூன்று வருடகாலத்தில் எனது பெயரையே குறிப்பிடாத குறித்ததோர் ஆங்கில ஊடகம் இம்முறை மூன்று இடத்தில் எனது பெயரைக் குறிப்பிட்டுள்ளது. அப்படியே மற்றுமொரு ஆங்கில ஊடகம் பேட்டி ஒன்றுக்காக என்னிடம் நேரம் ஒதுக்கித் தருமாறு கோரியுள்ளது. அந்தவகையில் யுத்தத்தை மட்டுமல்ல. ஊடகவியலாளர்களையும் நான் வெற்றி கொண்டு விட்டேன்.

படையினர் வேகமாக முன்னேறி வருகின்றனர். புலிகளுக்கு பலத்த உயிர்ச்சேதம் ஏற்பட்டுள்ளது. முல்லைத்தீவை நோக்கிய நகர்வில் 17 நாட்களில் 17 கிலோ மீற்றர் தூரம் சென்றுள்ளனர். எவ்வாறெனினும் வருட இறுதிக்குள் இந்தப் பிரச்சினை முற்றாக முடிவுக்கு வந்து விடும் எனவும் தெரிவித்தார்.

அத்துடன் இப்போது ஓய்வுநேரமும் அதிகமாக இருப்பதனால் நீங்கள் எவ்வேளையும் என்னுடன் தொடர்பு கொண்டு பேசலாம் என்று கூறினார். தான் அணிந்திருந்த சட்டையைக் காட்டி (அந்தப் பற்றிக் சட்டையில் புலி ஒன்றை இராட்;சத விலங்கு (ட்ரகன்) சுழற்றி பிடித்து விழுங்குவதைப் போன்ற பெரிய படம் காணப்பட்டது.) இதனையே கடந்த வருடம் உங்களைச் சந்திக்கும் போதும் அணிந்திருந்தேன். இதனை இரண்டாவது தடவையாக அணிகிறேன். புலிகள் தற்போது இந்நிலையில் தான் தற்போது உள்ளனர். ட்ரகன் முழுமையாக விழுங்கியதுடன் இதுவும் தேவை அற்றதாகி விடும் புலிகளை முழுமையாக வெற்றி கொண்ட பின்னர் இதனை அணியமாட்டேன் என்றார்.

http://www.tamilskynews.com/ http://www.tamilskynews.com/ http://www.tamilskynews.com/

http://www.yarl.com/forum3/index.php?showtopic=50402