சண்டே லீடர் பத்திரிகையின் பிரதம ஆசிரியரும், சிரேஸ்ட ஊடகவியலாளருமான லசந்த விக்ரமதுங்கவின் படுகொலைச் சம்பவம் குறித்து அமைச்சர் கெஹலிய ரம்புக்வெல்லவிடம் விசாரணைகள் நடத்தப்பட வேண்டுமென லசந்தவின் மனைவி காவற்துறை மா அதிபரிடம் கோரிக்கை விடுத்துள்ளார்.

லசந்த விக்ரமதுங்கவை படுகொலைச் செய்த நபர்கள் தொடர்பில் கெஹலிய பகிரங்கமாக அறிக்கை வெளியிட்டிருந்ததாக திருமதி சொனாலி விக்ரமதுங்க தெரிவித்துள்ளார்.

வடமத்திய மற்றும் மத்திய மாகாணசபைத் தேர்தல்களின் போது அமைச்சர் கெஹலிய ரம்புக்வெல்ல பெப்ரவரி 15ம் திகதி லசந்தவின் படுகொலையைச் சூத்திரதாரிகளை நாட்டிற்கு அம்பலப்படுத்துவதாக பகிரங்க அறிக்கை விடுத்திருந்தார்.

அரசாங்கத்தின் மிக முக்கியமான அமைச்சர்களில் ஒருவரான கெஹலிய ரம்புக்வெல்லவின் பகிரங்க அறிக்கையை காவற்துறை கவனத்திற்கொள்ள வேண்டுமென அவர் சுட்டிக்காட்டியுள்ளார்.

லசந்தவின் படுகொலைச் சூத்திரதாரிகளை கெஹலிய அறிந்து வைத்துள்ளதாகவும், அவரிடம் விசாரணைகளை நடத்துவதன் மூலம் படுகொலையாளிகளை கண்டு பிடிக்க முடியும் எனவும் லசந்தவின் மனைவி குறிப்பிட்டுள்ளார்.

லசந்தவை யார் படுகொலை செய்தர்கள் என்பதனை நானும் ஜனாதிபதியும் அறிவோம் என கடந்த ஜனவரி 28ம் திகதி கொழும்பில் நடைபெற்ற ஊடகவயிலாளர் சந்திப்பின் போது கெஹலிய ரம்புக்வெல்ல தெரிவித்திருந்தார்.

தனது கணவர் படுகொலைச் செய்யப்பட்டு இரண்டு மாதங்கள் கடந்துள்ள நிலையிலும் இதுவரையில் எவ்விதமான ஆதாரங்களும் கிடைக்கப்பெறவில்லை என லசந்தவின் மனைவி தெரிவித்துள்ளார்.

இதேவேளை, அரசாங்க அமைச்சர் ஒருவரை விசாரணை செய்யும் அதிகாரம் தமக்கு இல்லை காவற்துறை மா அதிபர் ஜயந்த விக்ரமரட்ன தெரிவித்துள்ளார்.

ஊடகவியலாளர் சந்திப்பில் கலந்து கொண்டு நிகழ்த்திய உரையொன்றின் அடிப்படையில் அமைச்சர் ஒருவரிடம் விசாரணைகளை நடத்த முடியாது எனவும் அவர் குறிப்பிட்டுள்ளார்.

http://www.tamilskynews.com/ http://www.tamilskynews.com/ http://www.tamilskynews.com/

மறைந்த லசந்தவின் ஆவியும் மகிந்தவும் பேசிக் கொள்வது போல எழுத்தாளர் கிருஷ்ணா டாவின்ஷி ஒரு கற்பனைக் கதையினை இந்த வார ஆனந்த விகடன் இதழில் எழுதியுள்ளார்....

கற்பனைக் கதையென்றாலும் நெற்றிடிக் கதை...

நிச்சயமாக மொழிமாற்றம் செய்து மகிந்தவுக்கு அனுப்ப வேண்டிய கதையது...