மீள்குடியேற்றத்தின் பின்னரே இந்தியாவிலுள்ள இலங்கை அகதிகள் அழைக்கப்படுவர்: அமைச்சர் ரிசாட்

மோதல்களால் இடம்பெயர்ந்து வடக்கு, கிழக்கிலுள்ள நலன்புரி நிலையங்களிலுள்ள ஆயிரக்கணக்கானவர்கள் மீளக்குடியமர்த்தப்பட்ட பின்னரே தமிழகத்திலுள்ள ஈழத் தமிழ் அகதிகள் இலங்கைக்குத் திரும்புவார்கள் என அரசாங்கம் தெரிவித்துள்ளது.

இலங்கையில் 26 வருடங்களாகத் தொடர்ந்த மோதல்கள் காரணமாக இடம்பெயர்ந்த ஒரு இலட்சத்துக்கும் அதிகமான ஈழத் தமிழர்கள் தமிழகத்திலுள்ள பல்வேறு முகாம்களில் வாழ்ந்து வருவதாக மீள்குடியேற்ற மற்றும் அனர்த்த நிவாரண சேவைகள் அமைச்சர் ரிசாட் பதியூதீன் தெரிவித்தார்.

“அங்குள்ளவர்களை நாட்டுக்குத் திரும்பியழைப்பது பற்றி நாம் தீர்மானித்துவருகிறோம். ஆனாலும், இடம்பெயர்ந்து வடக்கு, கிழக்கிலுள்ளவர்கள் மீள்குடியமர்த்தப்பட்ட பின்னரே அவர்கள் அழைத்துவரப்படுவார்கள்” என்றார் அமைச்சர்.

இடம்பெயர்ந்த மக்களைக் கூடிய விரைவில் மீளக்குடியமர்த்துவதற்கு ஜனாதிபதியின் சிரேஷ்ட ஆலோசகர் பசில் ராஜபக்ஷ தலைமையிலான ஜனாதிபதியின் விசேட செயலனிக் குழு எதிர்பார்த்திருப்பதாக அமைச்சர் கூறினார்.

“மன்னார் மாவட்டத்தில் ஏற்கனவே 350 குடும்பங்கள் மீளக்குடியமர்த்தப்பட்டுள்ள