ராஜா(விஜய்)வைத் தொடர்ந்து ரோஜாவும்

ஆந்திர முதல்வர் ஒய்.எஸ்.ராஜசேகரரெட்டி-நடிகை ரோஜா சந்திப்புதான் ஆந்திர அரசியலின் தற்போதைய ஹாட் டாபிக்! இந்த சந்திப்பு சந்திரபாபு நாயுடுவுக்கு பெரும் அதிர்ச்சியை கொடுத்திருக்கிறது. விரைவில் காங்கிரசில் சேர்கிறார் ரோஜா என்று ஒய்.எஸ்.ஆரே கூறியிருக்கும் நிலையில் நடிகை ரோஜாவுடன் பேசினோம்.

மேடைகளில் ஒய்.எஸ்.ஆரை கடுமையாக விமர்சனம் செய்தவர் நீங்கள். எப்படி இருந்தது உங்கள் சந்திப்பு?

ரோஜா : நீங்கள் சொல்வது உண்மைதான். கடந்த காலங் களில் அவரை கடுமையாக விமர்சனம் செய்து பேசியிருக் கிறேன். முதல்வரை சந்திக்க திருப்பதி தேவஸ்தான முன்னாள் அறங்காவலர் குழு தலைவரும், என்னுடைய உறவினருமான கருணாகர ரெட்டிதான் ஏற்பாடு செய்தவர். அவரிடம் முதலில் என்னுடைய தயக்கத்தை வெளிப்படுத்தினேன். அவர்தான்... "முதல்வர் உங்கள் மீது மிகுந்த மதிப்பு வைத் திருக்கிறார். உங்களை சந்திப்பதில் அவருக்கு எந்த பிரச்சனை யும் இருக்காது' என்று என்னை அழைத்துச் சென்றார்.

கருணாகர ரெட்டி சொன்னது போலவே, முதல்வர் ஒய்.எஸ்.ஆர். என்னை மிகுந்த அன்போடு வரவேற்றார். மதுக்கடைகள் ஒழிப்பு உள்ளிட்ட விஷயங்களுக்காக நான் நடத்திய ஆர்ப்பாட்டங்களைப் பற்றி பாராட்டி பேசினார். பெண்கள் முன்னேற்றத்துக்காக தொடர்ந்து குரல் கொடுக்கும் உங்கள் அரசியல் எனக்கு பிடிக்கும் என்றார். உங்களைப் போன்றவர்கள் காங்கிரஸ் கட்சியில் சேர்ந்தால் நன்றாக இருக்கும் என்று அவரே என்னை கட்சியில் இணையு மாறு அழைத்தார். பெண்கள் மீது அவர் வைத்தி ருக்கும் மதிப்பும், மரியாதையும் என்னை சிலிர்க்க வைத்தது. பெரிய அளவுக்கு எந்த அரசியல் அனுபவமும் இல்லாத கவிதா இந்திரா ரெட்டிக்கு உள்துறை அமைச்சர் பதவியை கொடுத்து கவுரவித்திருக்கிறார் ஒய்.எஸ்.ஆர். என்னை அவருடைய தங்கையாக பாவிக்கிறார். அந்த சந்திப்புக்கு பிறகு அவர் மீதான மதிப்பு உயர்ந்துவிட்டது. ஆட்சியில் இருப்பதால் என்னால் அவர்களுக்கு உடனடி பலன் எதுவும் இருக்கப்போவதில்லை. ஆனாலும் கூட என்னை வரவேற்கிறார்கள்.

குறுகிய காலத்தில் மாநில மகளிரணித் தலைவி பதவியெல்லாம் கொடுத்து ஆந்திர அரசியலில் உங்களை உயர்த்திய சந்திரபாபு நாயுடுவுக்கு துரோகம் செய்யப்போகிறீர்களா?

ரோஜா : சந்திரபாபு நாயுடு மீது எனக்கு எந்த கோபமும் கிடையாது. ஆனால் உட் கட்சி துரோகத்தை அவரால் தடுக்க முடிய வில்லை. 2 முறை நான் தெலுங்கு தேசம் கட்சியினராலேயே தோற்கடிக்கப்பட்டேன். தெலுங்கு தேசத்துக்காக என்னுடைய மொத்த நேரத்தையும் செலவிட்டிருக்கிறேன். எதிர்க்கட்சியாக இருக்கும்போது வேறு யாரும் இவ்வளவு தூரம் கட்சிக்காக உழைக்க முடியாது. சந்திரபாபுவுக்கு நிகராக அதிக அளவு கூட்டங்களில் கலந்துகொண்டிருக் கிறேன். கடந்த 5 வருடங்களில் ஆயிரம் கூட் டங்களுக்கு மேல் பேசியிருக்கிறேன். ஒரு லட்சம் கிலோமீட்டர் பயணம் செய்து 2 கோடி மக்களை சந்தித்திருக்கிறேன். முதல்வ ராக இருந்த ஒய்.எஸ்.ஆரை பெரிய பணக் காரர்களும், சீனியர் லீடர்களுமே விமர்சிக்க பயந்த காலத்தில் சந்திரபாபு நாயுடு முதல்வ ராக வேண்டும் என்ற ஒரே குறிக்கோளுடன் தைரியமாக விமர்சித்து வந்தேன்.

சந்திரபாபு என்னை கவுரவமாக நடத்தினார் என்பதை மறுக்கவில்லை. அதே நேரத்தில் கட்சியில் எனக்கு எதிராக துரோகம் செய்தவர்களை அவரால் தட்டிக்கேட்க முடியவில்லை. என்னுடைய சினிமா கிளாம ரால் மக்களை அதிகம் திரட்ட முடியும் என்றுதான் எனக்கு பதவி கொடுத்தார்கள். என்னுடைய பணம், கிளாமர் என்று எல்லா வற்றையும் கட்சிக்காக பயன்படுத்தினார்கள். சிரஞ்சீவி கட்சியினர், தேர்தல் நேரத்தில் என்னைப் பற்றி அபாண்டமான ஆபாசப் புகார்களை எழுப்பினார்கள். ஆனால் அந்த நேரத்தில்கூட கட்சி எனக்கு பயன்படவில்லை. நானே ஒற்றைப் பெண்ணாக எல்லாவற்றையும் எதிர் கொண்டேன். சிரஞ்சீவியை கடுமையாக தாக்கிப் பேசி னேன். கட்சிக்காக இவ்வளவும் செய்தும், கடந்த தேர் தலில் தோற்கடிக்கப்பட்டேன். கட்சிக்காக எதையும் செய்யாத நடிகை ஜெயசுதா வெற்றிபெற்றார். மக்களுக் காக எதையுமே செய்யாத நடிகை விஜயசாந்தி எம்.பி. யாகிறார். ஆனால் இவ்வளவு கஷ்டப்பட்ட நான் தோற் கடிக்கப்பட்டேன். இதனால் மனம் வெறுத்துப் போய் அரசியலில் இருந்தே ஒதுங்கி விடலாம் என்று நினைத் தேன். மீண்டும் சினிமாவில் கவனம் செலுத்தலாம் என்று முடிவெடுத்து "நாடோடிகள்' படத்தின் தெலுங்கு ரீமேக்கில் நடிக்க ஒப்புக்கொண்டேன். இந்த நிலையில்தான் காங்கிரஸ் என்னை அழைக்கிறது.

காங்கிரஸ் கட்சியில் உங்களுக்கு முக்கியத்துவம் கிடைக்குமா?

ரோஜா : காங்கிரசை வலுவாக்க வேண்டும் என்ற எண்ணத்தில் இருப்பதால்தான் என்னைப் போன்றவர் களை சந்திக்கிறார் ஒய்.எஸ்.ஆர். விரைவில் நடைபெற உள்ள உள்ளாட்சித் தேர்தல்களில் பெண்களுக்கு 50 சதவீத இடஒதுக்கீடு வழங்கவிருக்கிறார். பெண்களுக்கு முக்கியத்துவம் தரும் இடத்திற்கு போவதில் தவறில்லை என்று முடிவெடுத்துள்ளேன். மாநில அரசியலில் ஈடுபட்டால் ஒய்.எஸ்.ஆர். பற்றி நான் பேசியவற்றையே திரும்ப போட்டுக்காட்டி அரசியல் செய்வார்கள் என்பதை ஒய்.எஸ்.ஆரிடமே சொன்னேன். "நீங்கள் மாநில அரசியலில்தான் இருக்க வேண்டும் என்றில்லை. தென் இந்தியா முழுவதும் அறிந்த நடிகை என்பதால் தேசிய அரசியலில் உங்களுக்கு ஒரு இடத்தை காங்கிரஸ் தரும். தமிழகத்தில் காங்கிரஸ் கட்சியை மேலும் வலுப்படுத்த வேண்டும் என்று ராகுல்ஜி விரும்புவதால் நீங்கள் தமிழக அரசியலில் ஈடுபடலாம். தமிழகத்தில் உங்களுக்கு இருக்கும் பாப்புலாரிட்டியை காங்கிரஸ் கட்சிக்கு பயன்படுத்துங்கள்' என்று சொன்னார் முதல்வர் ஒய்.எஸ்.ஆர்.

அப்படியானால் ஆந்திராவை கலக்கியதுபோல் தமிழகத்தையும் கலக்கப் போகிறீர்களா?

ரோஜா : தமிழ்நாடு என்னை வளர்த்த நாடு. அந்த மக்களுக்காக உழைக்க நான் தயாராக இருக் கிறேன். அதற்கான தகுதியான இடத்தை காங்கிரஸ் எனக்கு கொடுக்கும் என்று நம்புகிறேன்.

-ச.கார்த்திகைச்செல்வன்

நக்கீரன்

Edited September 2, 200916 yr by Mullaimainthan