தமிழர் படுகொலை காணொலி குறித்து சிறிலங்கா விசாரணை நடத்தாது: பீரிஸ்

சிங்களப் படையினரால் தமிழர்கள் படுகொலை செய்யப்படும் காட்சிகள் அடங்கிய காணொலி குறித்து அனைத்துலக விசாரணை நடத்தப்பட வேண்டும் என்பது தொடர்பில் சிறிலங்கா சிறிதளவு அழுத்தங்களையே எதிர்கொள்ளும். அது தொடர்பில் எந்தவித விசாரணைகளும் நடத்தப்படாது என அந்நாட்டின் வர்த்தகத்துறை அமைச்சர் ஜிஎல் பீரிஸ் தெரிவித்துள்ளார்.

தற்போதைய அரசியல் நிலைப்பாடுகள் குறித்து அனைத்துலக பிரான்ஸ் வானொலிக்கு வழங்கிய நோர்காணலில் அவர் தெரிவித்த விபரங்கள் வருமாறு:

அண்மையில் சிறிலங்காவுக்கான ஜனநாயக ஊடகவியலாளர்கள் என்று கூறிக்கொள்பவர்களால் வெளியிடப்பட்ட காணொலி விடுதலைப் புலிகளின் அனுதாபிகளால் போலியாகத் தயாரிக்கப்பட்டது. அது முற்றிலும் கற்பனையான ஒன்று.

சிறிலங்காவை மையப்படுத்தி எத்தனை அனைத்துலக விசாரணைகளைத்தான் நடத்துவது?

சிறிலங்காவில் மனித உரிமைகள் தொடர்பில் ஐரோப்பிய ஆணைக்குழுவினால் விசாரணைகளுக்கு உத்தரவிடப்பட்டுள்ளது. இந்தக் கணக்கில் போனால், சிறிலங்கா ஒரு இறைமை உள்ள அரசாக இருக்கும் போன்று தோன்றவில்லை.

படையினரால் கொல்லப்பட்ட பின்னர், புலிகளின் தலைவர் வேலுப்பிள்ளை பிரபாகரன் தனது உடலத்தை தானே முகத்தில் ஆரவாரமான சிரிப்புடன் பார்த்துக் கொண்டிருப்பது போன்று சில பொய்யான புனைவுகளைத் தயாரித்து தொலைக்காட்சியில் புலிகளின் அனுதாபிகள் ஏற்கனவே வெளியிட்டுள்ளார்கள்.

தற்போது வெளியாகி உள்ள காணொலி குறித்து சிறிலங்கா ஊடகங்களில் இருக்கும் தொழில்நுட்பவியலாளர்கள் சிலர் ஆய்வுகளை மேற்கொண்டிருக்கிறார்கள். அதில் பல தொழில்நுட்ப கோளாறுகள்/ திரிபுபடுத்தல்கள் இருப்பதாக அவர்கள் சுட்டிக்காட்டியுள்ளனர். அந்தக் காணொலி போலியானது என்பதை அந்த ஆய்வு தெளிவாக வெளிப்படுத்துகின்றது.

ஆனாலும், அரசு அது தொடர்பான ஆதாரங்கள் குறித்துக் கவனம் செலுத்தும்.

யாராலும் செய்ய முடியாத ஒன்றை தற்போது சிறிலங்கா தனக்கு இருக்கக்கூடிய குறைந்த வளங்களுடன் மேற்கொண்டுள்ளது. படைத்துறை அர்த்தத்தில் சொன்னால் பயங்கரவாதத்தைத் தோற்கடிப்பது என்பதே அதன் அர்த்தம்.

ஆனால், சில நாடுகள் இது தொடர்பில் எப்படி எதிர்வினை ஆற்றுகின்றன? அவர்கள் அதை வரவேற்கிறார்களா? சிறிலங்காவுடனான ஒருமைப்பாட்டை அவர்கள் வெளிப்படுத்துகிறார்களா? அவர்கள் அது முடிந்துள்ளதா? நட்பையும் நல்லெண்ணத்தையும் அவர்கள் முன்வைக்கிறார்களா? இல்லை. எப்போதுமே விமர்சனம் செய்ய வேண்டியது. நீதி வழங்குவது போன்ற பாவனை, எளியவர்களைக் கொடுமைப்படுத்துவது இதுதான் நடக்கிறது.

இடம்பெயர்ந்த மக்கள் தொடர்பில் நாம் அவசரமாக செய்யவேண்டிய பணிகள் இருக்கின்றன என்பது எமக்குத் தெரியும். அவர்கள் சொந்த இடங்களில் மீளக் குடியமர்த்தப்பட வேண்டும். பருவ மழை பெரும் பிரச்சினைகளை உருவாக்கப் போகின்றது.

கண்ணிவெடிகளை அகற்ற வேண்டும். அதுதான் இப்போதுள்ள சிக்கல். போர் முடிவடைந்த பின்னர் அந்தப் பகுதிகள் மனித நடமாட்டத்திற்கு ஆபத்தான இடங்களாக இருக்கின்றன.

முகாம்களில் குறிப்பிடத்தக்களவு விடுதலைப் புலிகள் இருப்பது அடையாளப்படுத்தப்பட்டிருக்க