உயர் பாதுகாப்பு வலையங்கள் குடா நாட்டில் இல்லை என்ற அரச அதிபரின் கூற்றுக்கு மாவை கண்டனம்

திங்கட்கிழமை, நவம்பர் 1, 2010

யாழ்.மாவட்டத்தில் உயர் பாதுகாப்பு வலயங்கள் எவையும் இல்லை என்ற யாழ். அரசாங்க அதிபரின் கூற்றை இலங்கைத் தமிழரசுக் கட்சியின் காங்கேசன் துறைக்கிளை வன்மையாகக் கண்டித்துள்ளது.

இது தொடர்பாக கண்டனத் தீர்மானம் ஒன்றும் தமிழ்த் தேசி யக் கூட்டமைப்பு நாடாளுமன்ற உறுப்பினர் மாவை சேனாதிராஜா தலைமையில் நிறைவேற்றப் பட்டது.

இந்த விடயம் தொடர்பாக நாடாளுமன்ற உறுப்பினர் மாவை சேனாதிராஜா தெரிவித்த விவரம் வருமாறு:

யாழ். மாவட்ட அரசாங்க அதிபர் திருமதி இமெல்டா சுகுமார் ”யாழ்ப்பாணத்தில் உயர் பாது காப்பு வலயங்கள் எவையும் இல்லை'' என்று கூறியதாகப் பத்தி ரிகைகளில் செய்தி வெளிவந்துள்ளது. அவர் அவ்வாறு கூறியிருந்தால் அவரது கூற்று வன்மை யாகக் கண்டிக்கப்பட வேண்டியதொன்று.

வலிகாமம் வடக்கு மக்கள் கடந்த இருபது வருடங்களாக இடம்பெயர்ந்து பல்வேறு துன்ப, துயரங்களை அனுபவித்து வருகின்றனர். வலி.வடக்கு மக்களை மீளக் குடியமர அனுமதிக்குமாறு கோரி நான் உயர்நீதி மன்றத்தில் வழக்கு ஒன்றைத் தாக்கல் செய்திருந்தேன்.

இந்த வழக்கை விசாரித்த உயர் நீதிமன்றம் இடைக்கால உத்தரவை வழங்கியுள்ளது. இராணுவத்தினருடன் கலந்தாலோசித்து மக்களை மீளக்குடிய மர்த்துமாறு அந்த இடைக்காலத் தீர்ப்பில் உயர் நீதிமன்றம் தெரிவித்துள்ளது.

மேல் நீதிமன்ற நீதிபதி இ.த. விக்னராஜா தலைமையில் இதற்கென குழுவொன்றும் நியமிக்கப் பட்டது. இந்தக் குழு மீள்குடியமர்வு தொடர்பாக எடுத்த தீர் மானங்கள் எவையும் இதுவரை நடை முறைப்படுத்தப்படவில்லை.

இந்த நிலையில் அரசாங்க அதிபர்”உயர்பாதுகாப்பு வலயங்கள் எவையும் யாழ். மாவட்டத் தில் இல்லை'' என்று கூறியிருந் தால் அதனை நாங்கள் வன்மை யாகக் கண்டிக்கிறோம்.

நான் நேற்று முன்தினம் அரசாங்க அதிபரைச் சந்திக்க முயற்சித்தேன். ஆனால் சந்திக்க முடியவில்லை. அரசாங்க அதிபரின் கூற்றைக் கண்டித்து தமிழரசுக் கட்சியின் காங்கேசன்துறைக் கிளை எனது தலைமையில் தீர்மானம் நிறைவேற்றியுள்ளது.

எமது கண்டனத்தீர்மானத்தை நான் அரசாங்க அதிபரிடம் நேரில் கையளிக்கவுள்ளேன் என மாவை சேனாதிராஜா மேலும் தெரிவித்தார்.

My link

Edited November 1, 201015 yr by உமை