புதுடில்லி: "" தோனி தலைமையிலான இந்திய கிரிக்கெட் அணி, அடுத்த ஆண்டு உலககோப்பை தொடரை வெல்லும்,'' என நம்பிக்கை தெரிவித்துள்ளார், தோனியின் இளமை கால பயிற்சியாளர் கேசவ் ரஞ்சன் பானர்ஜி.

இந்திய அணியின் வெற்றிக் கேப்டன் தோனி. இவர் ராஞ்சியில் உள்ள டி.ஏ.வி., பள்ளியில் படித்தவர். இந்தப் பள்ளியின் விளையாட்டு பயிற்சியாளராக இருந்தவர், கேசவ் ரஞ்சன் பானர்ஜி. தோனி குறித்து இவர் கூறியது: எங்கள் பள்ளியில் படித்த போது, தோனி பாட்மின்டன் மற்றும் கால்பந்து விளையாட்டில் விருப்பம் உள்ளவராக திகழ்ந்தார். பள்ளி கால்பந்து அணியின் கோல்கீப்பராக செயல்பட்டார். இவரது கோல்கீப்பிங் திறமையை பார்த்த நான், கிரிக்கெட் அணியில் சேர்த்துக் கொண்டேன். அதற்குப் பின் கிரிக்கெட் மீது அவரது ஆர்வம் திரும்பியது. கிடைத்த வாய்ப்பை பயன்படுத்திக் கொண்டு, இன்று இந்திய அணியின் கேப்டனாக உயர்ந்து விட்டார். சிறு வயது முதலே எப்போதும் "ரிலாக்சாக' இருப்பார். எதற்காகவும், "டென்ஷன்' ஆக மாட்டார். இந்தக் குணம் தான், அவரை கேப்டனாக உயர்த்தி இருக்கிறது. இந்திய அணியின் கேப்டனாக அவர் உயர்ந்தாலும், இன்றும் பழைய தோனியாகவே உள்ளார். இது பாராட்டத்தக்கது. அவர் படித்த பள்ளியை இன்றும் மறக்காமல் உள்ளார். ஆண்டு தோறும் விளையாட்டுப் போட்டிகளில் சிறந்து விளங்கும் வீரர்களுக்கு, பரிசுகளை அளிக்க அவர் மறப்பது இல்லை.

ஒழுக்கமானவர்:

பள்ளிப் பருவத்திலேயே எதையும் முழு முயற்சியுடன் செய்பவர். இன்று இந்த அளவுக்கு உயர்ந்திருக்கிறார் என்றால், அதற்கு காரணம் அவரது கடும் உழைப்பு தான். அதிர்ஷ்டத்தால் அவர் முன்னுக்கு வரவில்லை. படிப்பில் சிறந்த மாணவராக வரவேண்டும் என, தோனியின் தந்தை விரும்பினார். தோனியும் படிப்பில் திறமை மிக்கவராகவே திகழ்ந்தார். இன்று பாலிவுட் நடிகைகளுடன், அவ்வப்போது தோனியை இணைத்து செய்திகள் வெளியாகின்றன. ஆனால் தோனி ஒழுக்கமானவர். எங்கள் பள்ளி இருபாலரும் இணைந்து படிக்கும் பள்ளி. ஆனால் பெண்களால் தோனியின் கவனம் ஒரு போதும் சிதறியது கிடையாது. எந்தப் பெண்ணுடனும் அவர் சுற்றியது இல்லை.

கனவு நனவாகும்:

தோனியின் தலைமையில் இந்திய அணி பல்வேறு சாதனைகளை படைத்துள்ளது. "டுவென்டி-20' உலககோப்பை (2007) வென்றது. டெஸ்ட் ரேங்கிங் பட்டியலில் முதலிடத்தை பெற்றுள்ளது. அடுத்த ஆண்டு நடக்க உள்ள உலககோப்பை (50 ஓவர்) தொடரில், சாம்பியன் பட்டம் வெல்ல வேண்டும் என்பதே எனது விருப்பம். அப்போது தான் எனது கனவு முழுமை பெறும். கடந்த 1983 ம் ஆண்டு கபில்தேவ் தலைமையில் இந்திய அணி உலககோப்பை கைப்பற்றியது. 27 ஆண்டுகளுக்குப் பின், இப்பெருமையை மீண்டும் தோனி எட்டுவார் என எதிர்பார்க்கிறேன். தற்போது தென் ஆப்ரிக்கா சுற்றுப்பயணம் சென்றுள்ள இந்திய அணி, அந்த மண்ணில் முதல் முறையாக டெஸ்ட் தொடரை கைப்பற்றும் என எதிர்பார்க்கிறேன்.

இவ்வாறு பானர்ஜி தெரிவித்தார்.

இந்தியா தென் ஆபிரிக்கா டெஸ்ட் போட்டி நடக்கின்றது. ஓட்டவிபரம் பார்த்தீர்களோ பையா? ஆபிரிக்கா சாத்துகின்றது. Amla, Kallis செஞ்சுரிகள்.

ஒம் ஆட்ட விபரம் பார்த்தேன் , 140 ரன்ஸ்சுக்குள்ள மடக்கி போட்டினம் இந்தியாவை ,

வெற்றியை நோக்கி சவுத்தாபிரிக்கா,

மற்ற விளையாட்டில் அவுஸ்ரேலியா நல்லா விளையாடுது ,

மச்சான் ஸ்கோர் பார்த்திங்களா சச்சின் 50 தரம் 100 செஞ்சரி அடிச்சு இருக்கிரார் ,

நான் அவர் 50தாவது செஞ்சரி அடிக்கேக்க விளையாட்டை ரிவில பார்த்தேன் , பொறுமையா நின்டு விளையாடி அந்த சதம் அடிச்சார்

சச்சினுக்கு எனது வாழ்த்துக்கள்

Edited December 19, 201015 yr by பையன்26