ஆட்சியும் இல்லை; மீட்சியும் இல்லை வெறும் காட்சியில் காலம் கழிகிறது

கோதுமை மாவிற்கு நாம் பழக்கப்பட்ட கதையை பெரியதொரு வரலாறாக எழுதமுடியும்.அந்த அளவிற்கு அதன் ஊடுருவல் பெரிய கதை.

காலையிலும்,மாலையிலும் அரிசி மாவை உணவாகக் கொண்டிருந்த நமக்கு கோதுமை மாவானது கடதாசிகளை ஒட்டுவதற்காக அறி முகமான பசைப் பொருளாகும். குறிப்பாக இறுதிச் சடங்கின் போது இறந்த வரை எடுத்துச் செல்லப் பயன்படும் ‘பாடைக்கு’ தாள்களை ஒட்டுவதற்காகவே கோதுமை மா பயன்படுத்தப்பட்டது.

அவ்வாறு கோதுமை மா பயன்படுத்தப்பட்ட பாத்திரங்களைக் கூட எவரும் மீளப்பயன்படுத்துவது கிடையாது. யாருக்கும் தெரியாத இடத்தில் அந்தப் பாத்திரம் எறியப்படும். இப்படியாக எங்களிடம் நுழைந்த கோதுமை மா இன்று,அரிசி மாவுக்குப் பாடை கட்டிவிட்டு அந்த இடத்தைத் தான் பிடித்துக் கொண்டது.

அந்தோ பரிதாபம்! இந்த மண்ணில் விளைந்து,எங்களோடு சீவியம் நடத்தி எங்கள் வீட்டு வளையில் ‘புதிர்’என்ற பெயரில் நிறை வாக காட்சி தந்து, எங்கள் நிகழ்வுகளின் போது எல்லாம் கும்பங்களைத் தாங்கி எங்கள் பண் பாட்டோடு இரண்டறக் கலந்திருந்த நெல்லும், அரிசியும்,மாவும் எங்கள் களஞ்சிய அறைகளில் இருந்து விடைபெற்றுச் செல்ல கோதுமை மா, அந்த இடத்தை பிடித்துக் கொண்டது.

உடல் ஊதவும்,பித்தம் பெருகவும்,சலரோகம் பற்றிப் பிடிக்கவும் நாங்கள் சாப்பிடும் கோதுமை மா எங்களை சாப்பிடுகின்றது. இது பற்றி எல்லாம் இவ்விடத்தில் எடுத்துரைப்பதன் மூலம் கோதுமை மாவை எங்கள் சமையலறை அரியாசனத்திலிருந்து அகற்றி விட முடியாதென்பது நிறுத்திட்டமான உண்மை. அப்படியானால் இது பற்றி ஏன் கூறினீர்கள் என நீங்கள் கேட்பதும் நியாயமானதே!

ஆம் கோதுமை மா எப்படி எங்கள் மண்ணில் நுழைந்ததோ அது போன்று இன்னும் பற்பல பொருள்கள் எங்களிடம் நுழையப் போகின்றன. அவற்றின் நுழைவுக்கான கால்கோள் விழாத் தான் யாழ்ப்பாணத்தில் நடைபெறும் சர்வதேச வர்த்தகக் கண்காட்சி. எங்களின் வசந்தத்தைப் பறித்து தங்களின் வசந்தத்தை கட்டியயழுப்ப காட்சி நடக்கிறது. ஆட்சியும் இல்லை,மீட்சியும் இல்லை.வெறும் காட்சியில் காலங் கழிப்பது தகுமோ தமிழா! உணர்க.

http://www.valampurii.com/online/viewnews.php?ID=15441

=============================================

தொடர்பு பட்ட செய்தி

ஊர் நோக்கிய திட்டம்: கால் நடை வளர்ப்பு

http://www.yarl.com/forum3/index.php?showtopic=80651