Feb 26, 2011 / பகுதி: செய்தி /

இந்திய பயணத்தை தொடர்ந்து 34 மக்கள் பிரதிநிதிகளை வெளியேற்றுகிறது நாடு கடந்த தமிழீழ அரசு

சனநாயக விழுமியங்களுக்கு மாறாக மக்களால் தெரிவுசெய்யப்பட்ட பிரதிநிதிகளை வெளியேற்றும் நடவடிக்கைகளில் நாடு கடந்த தமிழீழ அரசாங்கம் இறங்கியுள்ளதாக அதன் அவைத்தலைவர் என கூறிக்கொள்ளுபவர் தெரிவித்துள்ளதாக நாடு கடந்த அரசின் இணையங்கள் தெரிவித்திருக்கின்றன.

நாடு கடந்த தமிழீழ அரசு தமக்கான அரசமைப்பை முழுமைப்படுத்தாத காரணத்தால் நீண்ட காலம் தமிழீழ விடுதலைக்காக செயற்பட்ட செயற்பாட்டாளர் பலர் நாடு கடந்த அரசிற்கான உறுதிமொழி எடுக்க மறுத்துவந்துள்ளனர்.

நாடு கடந்த அரசின் அரசமைப்பை பெற்றுக்கொள்வதற்காக நாம் முயன்ற போது அரசமைப்பு இன்னும் முழுமையாக்கப்படவில்லை என்பதை தெரிந்துகொண்டோம்.

முழுமை பெறாத அரசமைப்பை ஏற்றுக்கொண்டு உறுதிமொழி எடுக்காதவர்களை தாம் இப்பொழுது வெளியேற்றப்போவதாக அவைத்தலைவர் தெரிவித்துள்ளார்.

அமெரிக்காவை தளமாகக் கொண்ட நாடுகடந்த தமிழீழ அரசாங்கத்தின் அமைச்சர்கள் சிலரின் இந்திய பயணத்தை தொடர்ந்தே இந்த முடிவுகள் எடுக்கப்பட்டுள்ளதாக தெரிவிக்கப்படும் இந்தவேளையில் நாடு கடந்த தமிழீழ அரசிற்கும் இந்திய புலனாய்வு அமைப்பிற்கும் தொடர்பு இருப்பதாக கொழும்பு ஊடகம் தெரிவித்திருந்தது.

இந்த மாத ஆரம்பத்தில் அண்மையில் இந்தியா சென்று வந்த நாடு கடந்த தமிழீழ அரசின் உள்ளக அமைச்சரென கூறப்படும் பாலச்சந்திரன் எமக்கு வழங்கிய செவ்வி ஒன்றில் டென்மார்க்கில் நாடு கடந்த தமிழீழ அரசிற்கு பிரதிநிதிகள் எவரும் இல்லை என தெரிவித்திருந்தார்.

ஆனால் அவைத்தலைவர் இப்பொழுது தான் உறுப்பினர்களுக்கு காலக்கெடு வழங்கியுள்ளார்.

வரும் மாதம் 5ம் நாள் வரை காலக்கெடு வழங்கியதுடன் காலக்கெடுவிற்குள் உறுதிமொழி எடுப்பவர்களை ஏழனமாகவும் கருத்து கூறப்பட்டுள்ளது.

உலக வரலாற்றிலேயே முழுமை பெறாத அரசமைப்புடன் இயங்கும் ஒரு அரசாங்கம் என்றதுடன் இப்பொழுது பெருந்தொகையான மக்கள் பிரதிநிதிகளை வெளியேற்றிய அரசாங்கம் என்ற பெயரையும் நாடு கடந்த தமிழீழ அரசாங்கம் பெற்றுள்ளது.

pathivu

நாடு கடந்த அரசு மீதான மரியாதை மேலும் ஒரு படி உயர்ந்துள்ளது.

மக்களாட்சி (சனநாயகம்) என்பன யாப்புக்களை, கொள்கைகளை அமுல்படுத்தும் பொழுதுதான் வெற்றிபெறும். அந்த வழியில் இந்த எங்கள் அரசுக்கு பாராட்டுக்கள்.