[sunday, 2011-07-03 13:51:28]

மஹிந்த பாலசூரிய பொலிஸ்மா அதிபர் பதவிலிருந்து இராஜினாமாச் செய்திருந்த நிலையில் தொடர்ந்தும் அரசாங்க சலுகைகளைப் பயன்படுத்தி வெளிநாடுகளுக்குச் சென்று வந்துள்ளார் எனத் தகவல்கள் வெளிவந்துள்ளன.

பொலிஸ்மா அதிபர் பதவியிலிருந்து இராஜினாமாச் செய்ததனையடுத்து அனைத்து விசேட அரச சலுகைகளையும் இழந்த இவர் இவ்வாறு சட்டத்துக்கு முரணான வகையில் சலுகைகளைத் தொடர்ந்து அனுபவிப்பது தொடர்பில் தற்போது கேள்வி எழுப்பப்பட்டுள்ளது.

கடமையிலிருந்த போது அவருக்கு வழங்கப்பட்ட அரச விமானப் பயண அனுமதிப் பத்திரத்தைத் தொடர்ந்தும் வைத்துக்கொண்டே ஓய்பெற்ற பின்னரும் பல தடவைகள் வெளிநாடுகளுக்குச் சென்று வந்துள்ளார் என நம்பகமான தகவல்கள் தெரிவிக்கின்றன.

ஓய்வு பெற்றதன் பின்னர் இவர் இந்தியாவுக்கும் ரஷ்யாவுக்கும் பயணங்களை மேற்கொண்டிருந்தார். இந்தப் பயணங்கள் அனைத்தும் அரச விமானப் பயண அனுமதிப்பத்திரத்தின் ஊடாக மேற்கொள்ளப்பட்டுள்ளது எனத் தெரிய வந்துள்ளது.

http://www.seithy.com/breifNews.php?newsID=45864&category=TamilNews&language=tamil

முன்னாள் பொலிஸ் மா அதிபர் சட்டவிரோதமாக வெளிநாடு சென்றுள்ளார்

Monday, July 4, 2011, 18:09

சிறீலங்கா

முன்னாள் பொலிஸ் மா அதிபர் மகிந்த பாலசூரிய உத்தியோகபூர்வமாக அரச சேவையிலிருந்து ஓய்வுபெற்றிருந்த போதிலும் அவரிடமுள்ள உத்தியோகபூர்வ கடவுச் சீட்டைப் பயன்படுத்தி அண்மையில் சில தடவைகள் வெளிநாடு சென்றுள்ளது. கட்டுநாயக்க விமான நிலையத்தின் முக்கிய நபர்கள் வெளியேறும், உள்நுழையும் பச்சை நுழைவாயில் பகுதியைப் பயன்படுத்தியுள்ளார்.

எந்த நிலை அரச அதிகாரியாக இருந்தாலும் ஓய்வுபெற்ற பின்னர் அவரது கடவுச்சீட்டை மீள ஒப்படைத்து சாதாரண கடவுச் சீட்டைப் பெற்றுக்கொள்ள வேண்டும். அவ்வாறு இன்றி பணியாற்றிய போது வழங்கப்பட்ட கடவுச்சீட்டைப் பயன்படுத்தி வெளிநாடுகளுக்குச் செலவ்து சட்டவிரோதமானதாகும். ஓய்வுபெற்ற பாலசூரிய தனக்கு வழங்கப்பட்டுள்ள கடவுச்சீட்டைப் பயன்படுத்தி ரஷ்சிய மற்றும் இந்தியாவிற்கு விஜயம் செய்துள்ளார்.

http://www.tamilthai.com/?p=20935