1ஆவது இராணுவ நீதி மன்ற நீதிபதிகளின் நியமனத்தை சவாலுக்கு உட்படுத்திய மனு மீண்டும் ஒத்தி வைப்பு:-

18 அக்டோபர் 2011

முதலாவது இராணுவ நீதிமன்றத்திற்கான நீதிபதிகளின் நியமனத்தை சவாலுக்கு உட்படுத்தி, ஜனநாயக தேசிய முன்னணியின் தலைவரும் முன்னாள் நாடாளுமன்ற உறுப்பினருமான சரத் பொன்சேக்கா தாக்கல் செய்த மனுவை விசாரிப்பதை மேன்முறையீட்டு நீதிமன்றம் நேற்று ஒத்திவைத்ததது.

இந்த மனு மேன்முறையீட்டு நீதிமன்ற நீதியரசர்கள், ரஞ்சித் சில்வா, அனில் முனசிங்க ஆகியோர் முன்னிலையில் விசாரணைக்கு எடுத்துக்கொள்ளப்பட்டது. இந்த மனுவை எதிர்வரும் ஜனவரி மாதம் 18 ஆம் திகதி விசாரணைக்கு எடுத்துக்கொள்வது என நீதியரசர்கள் தீர்மானித்தனர். அன்றைய தினம் மனு சம்பந்தமாக இரண்டு தரப்பினரும் தமது தரப்பு வாதங்களை முன்வைக்குமாறு நீதியரசர்கள் உத்தரவிட்டனர்.

முதலாவது இராணுவ நீதிமன்றம் பக்கசார்பாக நடந்துகொண்டதன் மூலம் தனக்கு அநீதி இழைக்கப்பட்டுள்ளதாக பொன்சேக்கா தனது மனுவில் கூறியுள்ளார். இதனால், நீதிபதிகளின் நியமனத்தை இரத்துச் செய்து, முதலாவது இராணுவ நீதிமன்றத்தை கலைக்குமாறு உத்தரவிட வேண்டும் என அவர் மேன்முறையீட்டு நீதிமன்றத்திடம் கோரிக்கை விடுத்துள்ளார்.

http://www.globaltamilnews.net/GTMNEditorial/tabid/71/articleType/ArticleView/articleId/68805/language/ta-IN/article.aspx

எந்த நீதியரசரை போட்டு என்ன பிரயோசனம்?

யார் வந்தாலும் சர்வாதிகாரியின் சொல் பேச்சு கேட்டுதானே தீர்ப்பு கூறவேண்டும்? இல்லை தம்பி போட்டு தள்ளிவிடுவார்.

இந்த செய்திகள் எல்லாம் எதோ ஸ்ரீ லங்காவில் சன நாயக ஆட்சி நடப்பது போல் ஓர் பிரமையை ஏற்படுத்துகிறது.