பிரித்தானியாவில் கடந்த மாதம் 29 ஆம் திகதி ஆரம்பமாகி மன்செஸ்டர் முதல் லண்டன் வரை தமிழர்களஅல் மேற்கொள்ளப்படும் நீதிக்கும் சமாதானத்துக்குமான நடைபயணம் இன்று எட்டாவது நாளாகவும் தொடர்கின்றது.

இந்த நடைபயணத்தில் திரு. ஜெயசங்கர், திரு. குமார், திரு. சிவச்சந்திரன், திரு, தேவன் ஆகியோரோடு வெள்ளை நிறத்தவரான பிரித்தானியாவைச் சேர்ந்த திரு. போல் என்பவரும் கடந்த எட்டு நாட்களாக இந்த நடைபயணத்தில் பங்குபற்றுகின்றனர்.

http://youtu.be/o8vKz_P_9is

ஏழாவது நாளான நேற்று மாலை மில்ரன்கீன்ஸ் பகுதியை வந்தடைந்த நடைபயணத்தை மேற்கொள்ளும் ஐவரையும் மில்ரன்கீன்ஸ் வாழ் தமிழ்மக்கள் 40 ற்கும் மேற்பட்டவர்கள் சென்று வரவேற்றனர்.

அதன் பின் அங்கு இரவு ஓய்வை எடுத்துக்கொண்டு மீண்டும் இன்று காலை 9:00 மணிக்கு மில்ரன்கீன்ஸ் பகுதியின் மத்திய பகுதியில் உள்ள பிரித்தானியப் படைவீரர்களை நினைவுகூரும் நினைவுத் தூபி அருகே இருந்து லூட்டன் நோக்கி பயனித்த இவர்களின் நடைபயணத்தை அப்பகுதி மேயர் மற்றும் கவுன்சிலர் ஆகியோர் வாழ்த்தி ஆரம்பித்து வைத்தனர்.

இவர்கள் இன்று சுமார் 22.4 மைல்கள் தூரம் நடந்து மாலை 5:20 மணியளவில் லூட்டனை சென்றடைந்துள்ளனர்.

இன்று இரவு லூட்டனில் தங்கியிருக்கும் இவர்கள் நாளை காலை 9:00 மணிக்கு லூட்டனில் இருந்து தமது நடைபயணத்தை ஆரம்பித்து மாலை சென்ஹோல்பன்ஸ் பகுதியை சென்றடையவுள்ளனர்.

http://www.seithy.co...&language=tamil