அனுராதபுரம் சிறைச்சாலையில், நடந்ததாக கூறப்படும் சம்பவம் துரதிஷ்டவசமானது:-

அனுராதபுரம் சிறைச்சாலையில், நடந்ததாக கூறப்படும் சம்பவமானது அரசாங்கத்தின் தளர்வு போக்கால் ஏற்பட்ட துரதிஷ்டவசமான சம்பவம் என ஊடக மற்றும் தகவல் தொடர்த்துறை அமைச்சரும் அமைச்சரவைப் பேச்சாளருமான கெஹெலிய ரம்புக்வெல்ல தெரிவித்துள்ளார்.

அனுராதபுரம் சிறையில் உள்ள தமிழ் அரசியல் கைதிகள் புலம்பெயர் தமிழர்களுடன் நீண்டகாலமாக தகவல்களை பரிமாறிக்கொண்டு வந்துள்ளதாக தகவல்கள் கிடைத்துளளதாகவும் மேற்படி சம்பவம் தொடர்பான அறிக்கைக்கு அமைய, அரசாங்கத்தின் தளர்வான போக்கு காரணமாகவே, நிலைமை உக்கிரமடைந்தாகவும் அமைச்சர் கூறியுள்ளார்.

கைதிகளிடம் இருந்து கையடக்க தொலைபேசிகளில் புலிகளின் இலச்சினையும் இருந்துள்ளதாக, அரசாங்க தகவல் திணைக்களத்தில் இன்று நடைபெற்ற ஊடகவியலாளர் சந்திப்பில் எழுப்பட்ட கேள்விகளுக்கு பதிலளிக்கும் போது, அமைச்சர் ரம்புக்வெல்ல குறிப்பிட்டுள்ளார்.

முன்கூட்டியே தகவல்கள் கண்டறிப்பட்டிருந்தால், சிறைச்சாலைக்குள் கைதிகளுக்கு இப்படி செயற்பட சந்தர்ப்பம் கிடைத்திருக்காது எனவும் இந்த கைதிகள் 27 ஆம் திகதி சிறைச்சாலையில் மாவீரர் தினத்தை அனுஷ்டிப்பது பற்றியும் கலந்துரையாடியுள்ளனர் எனவும் அதற்கான முயற்சிகளையும் அவர்கள் மேற்கொண்டிருந்தனர் எனவும் அமைச்சர் கூறியுள்ளார்.

அனுராதபுரம் சிறைச்சாலையில், புனர்வாழை;வளிக்கப்பட்டு வரும் விடுதலைப்புலிகள் அமைப்பை சேர்ந்த அரசில் கைதிகள் மீது, கடந்த 27 ஆம் திகதி கண்மூடித்தனமாக தாக்குதல் நடத்தப்பட்டதாக சிறைச்சாலையின் உட்த்தரப்புத் தகவல்கள் தெரிவித்தன.

மதுபோதையில் சென்ற சிறைச்சாலை காவலர்கள், இன்று உங்களது மாவீரர் தினம் தானே, அதனை நாம் அனுஷ்டிப்பமா எனக் கூறி, தாக்குதலை ஆரம்பித்ததாகவும், இதன் பின்னர், மழைக்கு மத்தியிலும், கைதிகளை சிறைச்சாலையில் உள்ள மைதானத்திற்கு அழைத்துச் சென்று நிர்வாணப்படுத்தி, தாக்குதல் நடத்தியதாக நாம் இலங்கையர் அமைப்பின் நிறைவேற்றுக் குழு உறுப்பினர் உந்துல் பிரேமரட்ன தெரிவித்திருந்தார்.

சுமார் அரை மணி நேரம் கைதிகள் மீது தாக்குதல் நடத்தப்பட்டுள்ளது. இதன் பின்னரே கைதிகள் அவர்கள் தடுத்து வைக்கப்பட்டிருந்த சிறைக்கு அழைத்துச் செல்லப்பட்டுள்ளனர். சிறையில் இருந்த கைதிகளின் தலையணை உள்ளிட்ட உடமைகள் இனந்தெரியாதவர்களினால் கிழிக்கப்பட்டிருந்தன எனவும் பிரேமரட்ன தெரிவித்திருந்தார்.

http://www.globaltam...IN/article.aspx