வட,கிழக்கு மாகாணத்துக்கு பொலிஸ் காணி அதிகாரங்கள் வழங்க முடியாது என கூறும் அரசாங்கம் தமிழ் தேசிய கூட்டமைப்பை பேச்சுவார்த்தைக்கு அழைத்துக் கொண்டிருப்பதானது சர்வதேசத்தை ஏமாற்ற முனையும் நடவடிக்கையென மட்டக்களப்பு மாவட்ட தமிழ் தேசிய கூட்டமைப்பு பாராளுமன்ற உறுப்பினர் பா. அரியநேத்திரன் தெரிவித்துள்ளார்.

அரசாங்கத்துடன் நடைபெற்று வரும் பேச்சுவார்த்தை தொடர்பில், விடுத்துள்ள அறிக்கையிலேயே அவர் இவ்வாறு தெரிவித்துள்ளார்.

அதில் மேலும் தெரிவிக்கப்பட்டுள்ளதாவது, தமிழ் தேசிய கூட்டமைப்பானது அரசாங்கத்துடன் பேச்சுவார்த்தைக்கு சென்றுள்ளதன் அடிப்படையே வடகிழக்கு காணி, பொலிஸ் காணி அதிகாரங்கள் வழங்கப்பட வேண்டும் என்பதாகும்.

ஆனால் அரசாங்கத்தில் உள்ள கெஹெலிய ரம்புக்வெல போன்ற அமைச்சர்கள் காணி, பொலிஸ் அதிகாரங்கள் வழங்க முடியாது என்கின்றனர். காணி பொலிஸ் அதிகாரங்கள் இல்லாமல் தமிழ் மக்களுக்கு எவ்வாறு அரசியல் தீர்வை அரசாங்கம் வழங்கப்போகின்றது என்பது கேள்விக்குறியே.

தற்போது அரசாங்கம் பாராளுமன்ற தெரிவுக் குழுவில் தமிழ்த் தேசியக் கூட்டமைப்பைக் கொண்டு வருவதற்கே இந்தப் பேச்சு வார்த்தை என்ற நாடகத்தை நடத்துகின்றது.

நிலவைக் காட்டி பிள்ளைக்கு சோறு போடுவது போல தமிழ் தேசிய கூட்டமைப்பை பாராளுமன்ற தெரிவுக்குழுவில் இணைத்து சர்வதேச நெருக்கடியில் இருந்து தன்னை பாதுகாத்துக் கொள்ளவே அரசாங்கம் முயற்சிகளை மேற்கொண்டு வருகின்றது.

இன்று தமிழ் மக்களுக்கு தீர்வுத் திட்டங்களை வழங்கி அவர்கள் தமது வாழ்க்கையை மேம்படுத்த உதவுமாறு சர்வதேச சமூகம் இலங்கை அரசாங்கத்துக்கு பல்வேறு அழுத்தங்களை பிரயோகித்து வருகின்றது.

இந்த நிலையில் பாராளுமன்ற தெரிவுக்குழுவை அரசாங்கம் அவசர அவசரமாக அமைக்க முனைந்துள்ளதுடன் அதற்கு தமிழ் தேசியக் கூட்டமைப்பை அச்சுறுத்தி உள் வாங்க முனைகின்றது.

இதற்கு தமிழ்த் தேசிய கூட்டமைப்பு ஒரு போதும் அடிபணியாது. அந்த பாராளுமன்ற தெரிவுக் குழுவானது ஒரு பீடாக்கடை போன்றது அதன் மூலம் எதுவித நன்மையும் ஏற்படப் போவதில்லை.

இந்த நிலையில் காணி, பொலிஸ் அதிகாரங்களை தமிழ் மக்களுக்கு வழங்குவது தொடர்பில் அரசாங்கம் சிந்திக்க வேண்டும்.

அத்துடன் பேச்சுவார்த்தைகள் தொடர்பில் அரசாங்க அமைச்சர்கள் கருத்துக்கள் வழங்கு வதை நிறுத்தி ஆக்கபூர்வமான விடயங்கள் தொடர்பில் சிந்திக்க வேண்டும்.

எனவே தமிழ்த் தேசிய கூட்டமைப்பு முன் வைத்துள்ள கோக்கைகள் தொடர்பில் அரசாங்கம் சிந்தித்து செயற்பட்டு தமிழ் மக்களின் மனங்களில் உள்ள நம்மிக்கையீனத்தை போக்க வேண்டும்.

http://akkinikkunchu.com/new/

இந்த நிலையில் பாராளுமன்ற தெரிவுக்குழுவை அரசாங்கம் அவசர அவசரமாக அமைக்க முனைந்துள்ளதுடன் அதற்கு தமிழ் தேசியக் கூட்டமைப்பை அச்சுறுத்தி உள் வாங்க முனைகின்றது.

சுமந்திரன் கிறிகெட் அடிப்பதை நிறுத்தினால்த்தான் இதை வெளிநாடுகள் நம்பும்.

Edited December 26, 201114 yr by மல்லையூரான்