இரும்புக்காக வன்னி மக்களின் 200 வாகனங்களை எரித்தழித்தது படைத்தரப்பு!

March 29th, 2012 அன்று வெளியிடப்பட்டது -

வன்னி மக்களுக்குச் சொந்தமான 200ற்கும் மேற்பட்ட நல்ல நிலையில் இருந்த வாகனங்கள் இராணுவத்தினரின் துணையுடன் இரும்புக்காக எரித்து அழிக்கப்பட்டிருக்கின்றன.

இது குறித்து மேலும் தெரியவருவதாவது,வன்னியில் நடைபெற்ற போரின் போது மக்களால் கைவிடப்பட்ட வாகனங்கள் புதுமாத்தளனில் இருந்து வட்டுவாகல் வரையான கரையோரப் பகுதிகளில் தரித்து நின்றிருந்தன. குறித்த பகுதிகளுக்கு மக்களைச் செல்ல அனுமதிக்காத நிலையில் அங்கு விடப்பட்டிருந்த 400ற்கும் மேற்பட்ட வாகனங்களின் இலக்களைக் குறிப்பிட்டு அவற்றினை உரியவர்கள் ஆவணைக்களைச் சமர்த்துப் பெற்றுக்கொள்ளலாம் என்று அறிவித்தல் விடுத்திருக்கின்றது.

இந் நிலையில் கடந்த வாரம் வாகனங்களின் உரிமையாளர்கள் பலர் தமது வாகனங்களைச் சென்று பார்வையிட்டும் சென்றிருக்கின்றர். மீளவும் அவர்கள் சென்ற போது அங்கு நல்ல நிலையில் நின்றிருந்த 200ற்கும் மேற்பட்ட வாகனங்கள் தீவைத்து எரித்தழிக்கப்பட்டிருப்பதாகவும் அவற்றினை பாரம் தூக்கிகள் மூலம் இரும்புகள் கொள்வனவு செய்யும் பகுதிகளுக்கு கொண்டுசெல்லப்பட்டு வருவதாகவும் பாதிக்கப்பட்ட மக்கள் கண்ணீர் மல்க தெரிவித்துள்ளனர்.

தென்பகுதிக்கு இரும்புகள் ஏற்றும் நபர்களும் இராணுவத்தினரும் இணைந்து இரும்புக்கு ஏற்றுவதற்காகவே வாகனங்களை எரித்ததாக பாதிக்கப்பட்டவர்கள் கவலை தெரிவித்துள்ளனர்.

அறிக்கைகளுக்காகவும், ஊடகங்களுக்காகவும் வன்னியில் அபிவிருத்தி, வன்னியில் மீள்குடியேற்றம் எனத் தெரிவித்து வருகின்ற அரசு அனைத்தையும் இழந்து அனாதரவான நிலையில் உள்ள வன்னி மக்களின் எஞ்சிய சொத்துக்களையும் விற்று ஏப்பமிடும் அதிகாரிகளைக் கண்டு கொள்ளாதது ஏன் என்றும் அவர்கள் கேள்வி எழுப்பியுள்ளனர்.

http://www.saritham.com/?p=55526

மிச்சம் மீதியிருப்பவற்றையும் விடுகிறாங்கள் இல்லை.