அணுசக்தி பாதுகாப்பு தொடர்பில் இந்தியாவுடன் புரிந்துணர்வு ஒப்பந்தமொன்றை கைச்சாத்திடுவதற்கான ஆவணமொன்றை இந்தியாவிடம் கையளித்துள்ளதாக இலங்கை தெரிவித்துள்ளது. இந்தியாவில் பல பிரதேசங்களில் அணு ஆலைகள் காணப்படுவதாகவும் இந்த அணு ஆலைகளின் மூலம் இலங்கையின் மன்னார் மற்றும் வடக்கு பகுதிக்கு பாதிப்பு ஏற்படுவதனை வரையறுக்கும் வகையில் புதிய புரிந்துணர்வு ஒப்பந்தம் கைச்சாத்திடப்படவுள்ளதாக மின்வலு மற்றும் எரிசக்தி அமைச்சர் பாட்டலி சம்பிக்க ரணவக்க தெரிவித்தார்.

கூடன்குளம் அல்லது வேறு இந்திய அணு ஆலைகளில் விபத்து ஏற்படுமாயின் அதன் கதிர்கள் இலங்கையின் மக்கார் மற்றும் வடக்கு பகுதியை தாக்கக்கூடும் என அமைச்சர் சம்பிக்க ரணவக்க குறிப்பிட்டுள்ளார்.

குறிப்பாக கூடன்குளம் அணுமின் நிலையம் மன்னாருக்கு அருகில் இருப்பதாக அவர் சுட்டிக்காட்டியுள்ளார்.

2052ம் ஆண்டளவில் அணு ஆலைகளின் மூலம் பாரியளவு மின்சாரத்தை உற்பத்தி செய்யும் எனவும், அணு ஆலைகளின் மூலம் இலங்கைக்கு பாதகமான சூழ்நிலை ஏற்படலாம் எனவும் இலங்கை குறிப்பிட்டுள்ளது.

இதேவேளை, கூடன்குளம் அணு மின் நிலையம் இரண்டு மாத்ததுக்குள் செயல்படும் என்று தமிழக முதல்வர் ஜெயலலிதா தமிழக சட்டசபையில் தெரிவித்துள்ளார்.

கூடன்குளத்தில் 1000 மெகாவாட் திறன் கொண்ட இரு அணு உலைகள் அமைக்கப்படுகின்றன. இதில் முதல் உலைக்கான பணிகள் கிட்டத்தட்ட முடிவடைந்துவிட்டதாக முதல்வர் தெரிவித்துள்ளார். தமிழகத்தின் தென்கோடியில் அமைக்கப்பட்டு வரும் கூடங்குளம் அணு மின் நிலையங்களை இயக்குவது மக்கள் போராட்டம் காரணமாக பல மாதங்கள் தள்ளிப்போய் உள்ளது.

தமிழக அமைச்சரவை அணுமின் நிலையப் பணிகளைத் துவங்கலாம் என்று அனுமதி அளித்த அடுத்த நாளில் இருந்து அணு உலை எதிர்ப்பாளர் உதயகுமார் உள்ளிட்ட 15 பேர் காலவரையற்ற உண்ணாவிரதப் போராட்டத்தை மேற்கொண்டனர்.

அந்தப் போராட்டம் கடந்த செவ்வாய் கிழமைதான் கைவிடப்பட்டது. அணு உலையை இயக்கும் பணிகள் தற்போது துவங்கினால் மின் உற்பத்தி எப்போது துவங்கும் என்று அணுசக்தித் துறை இதுவரை திகதி அறிவிக்கவில்லை.

தமிழகத்தில் கடும் மின் வெட்டு நிலவி வரும் நிலையில், கூடன்குளம் மற்றும் தற்போது செயல்படுத்தப்படும் பிற அனல் மின் திட்டங்களிலிருந்து கிடைக்கும் மின்சாரத்தின் மூலம் மாநிலத்தின் மின் சூழல் முன்னேற்றமடையும் என்றும் முதலமைச்சர் தெரிவித்தார்.

திங்கள் கிழமையன்று தாக்கல் செய்யப்பட்ட தமிழக அரசின் வரவு செலவுத் திட்டத்தில் புதிய மின் உற்பத்தி நிலையங்கள் குறித்து எவ்வித அறிவிப்பும் இல்லை என்று ஒரு உறுப்பினர் கேட்டதற்கே முதல்வர் ஜெயலலிதா இவ்வாறு பதிலளித்துள்ளார்.

http://www.saritham.com/?p=56019

இந்த சம்பிக்க, ஒரு சாதாரண ஆளல்ல!

இங்கேயும் தமிழன் அழிய, அந்த அழிவில் 'பணம்'பண்ணும் திட்டம் உருவாகின்றது!

இந்தியாவும், ரஸ்யாவும் செய்த ஒப்பந்தத்தில், அணுக்கசிவு ஏற்படின், யார் நஷ்டஈடு வழங்குவது என்பது, இரகசியமாக வைக்கப் பட்டுள்ளது!

இந்தியா வழங்கும்?

அதைத் தெளிவு படுத்தத் தான் சம்பிக்க, தூண்டில் போடுகின்றார்!

தமிழன் மீதுள்ள கரிசனையால், அல்ல!

இந்தியாவை சீண்டும் இன்னொரு சிங்கள நகர்வு, அணு பாதுகாப்பு என்ற பெயரில்.