'மௌனிக்கப்பட்ட குரல்கள்'

[size=5]இலங்கை ஊடகவியலாளர்கள் குறித்த நோர்வே இயக்குநரின் ஆவணப்படம்[/size]

[size=4]நோர்வே இயக்குநர் ஒருவரால் நெறிப்படுத்தப்பட்ட இலங்கை ஊடகவியலாளர்கள் பற்றிய 'மௌனிக்கப்பட்ட குரல்கள்' என்னும் ஆவணப்படம் இவ்வாரத்தின் முற்பகுதியில் 'மனித உரிமை கண்காணிப்பகத்தின் திரைப்பட விழா 2012' இல் திரையிடப்பட்டது.

இந்த படம் மறைந்த லசந்த விக்ரமதுங்கவின் மனைவி சொனாலி சமரசிங்க மற்றும் தப்பியோடி வெளிநாட்டில் வாழ்கின்ற பல ஊடகவியலாளர்களை மையப்படுத்தி தயாரிக்கப்பட்டுள்ளது.

இலங்கையில் காணப்படும் சுதந்திர ஊடகங்களுக்கு பாதகமான சூழல் மற்றும் மாற்றுக் கருத்துக்களை ஒடுக்கும் அரசாங்கம், தமிழீழ விடுதலை புலிகள் ஆகியவற்றின் செயற்பாடுகளை வெளிக்கொணர்வதாக இந்த ஆவணப்படம் உள்ளதென கூறப்படுகிறது.

நாட்டைவிட்டு வெளியேறுமாறு பயமுறுத்தப்பட்ட சொனாலி சமரசிங்க அதற்கு சிறிது காலம் முன்னரே தனது கணவனை பறிகொடுத்திருந்தார். அவர் இப்போது தனது நீதிக்கான போராட்டத்தை நியூயோர்க்கிலிருந்து நடத்தி வருகின்றார்.

சொனாலிக்கு அதிக முக்கியத்துவம் கொடுத்து இந்த ஆவணப்படம் தயாரிக்கப்பட்டுள்ளதாக திரைப்பட விழா வலையமைப்பு கூறியுள்ளது.

அரசாங்கம் அல்லது தமிழீழ விடுதலை புலிகளினால் வேண்டுமென்று கொல்லப்பட்ட 10 பேர் அடங்கலாக, 1992 இலிருந்து அண்ணளவாக 25 ஊடகவியலாளர் கொல்லப்பட்டதை கருத்தில் கொண்டு இந்த நிறுவனம் இலங்கையை அதிகூடிய ஆபத்துமிகுந்த நாடுகளின் பட்டியலில் சேர்த்துள்ளது.

வெளிநாட்டில் வாழும் இலங்கை ஊடகவியலாளர்களின் அனுபவத்தின் அடிப்படையில் உள்நாட்டு யுத்தத்தை இயக்குநர் பீற் அரன்ஸ்ரட் படமாக்கியுள்ளார் என கருதப்படுகிறது.

சிவில் சமூகம் மௌனம் காக்குமளவுக்கு பயமுறுத்தபட்டுள்ளது. ஊடகங்கள் சுய தணிக்கையை மேற்கொள்கின்றன. இந்த நிலையில் இப்படத்தில் காட்டப்படும் ஊடகவியலாளர்கள் போன்ற ஒரு சிலரே உண்மைக்கான போராட்டத்தை முன்னெடுக்கின்றனர்.

இந்த ஆவணப்படம் ஏற்கெனவே பல நாடுகளில் திரையிடப்பட்டுள்ளது.[/size]

[size=4]http://www.tamil.dailymirror.lk/2010-07-14-09-13-23/43556-2012-06-26-10-18-14.html[/size]