அனுராதபுரம்: புலிகளின் ‘எல்லாளன்’ நடவடிக்கையும், மகிந்தவின் மேடைச் சரிவும்.

தமிழ் மன்னனான எல்லாளனை சிங்கள மன்னன் துட்டகைமுனு அனுராதபுரத்தில் தோற்கடித்ததாக ஒரு வரலாறு சொல்கிறது.அதேவேளை, தேசத்தாய் பார்வதி அம்மா கர்ப்பமுற்று தேசியத் தலைவர் பிரபாகரன் அவர்களை தன் வயிற்றில் சுமந்தபோது, திருவேங்கடம்பிள்ளை வேலுப்பிள்ளை ஐயா அவர்களுடன் அனுராதபுரத்தில் தங்கியிருந்தார். அந்த காலப்பகுதியில், எல்லாள மன்னனுடைய சமாதிக்கு அருகில் மாலை வேளைகளில் போய் உட்கார்ந்ததாகவும், அதனை பார்த்த சில பௌத்த பிக்குகள், தமிழ் கர்ப்பிணி பெண்ணொருவர் சமாதிக்கு அருகில் தொடர்ச்சியாக உ;டகார்வது, தமது சித்தாந்தத்துக்க ஆபத்தினை ஏற்படுத்தக் கூடும் என கருதியதால், பார்வதி அம்மா எல்லாளன் சிலைக்கு அருகில் அமைர்வதை அச்சுறுத்தல் மூலம் தடுத்திருந்தார்கள்.

ஆனால், சிங்கள பௌத்த பேரினவாத்துக்கு எதிராக தேசியத் தலைவர் பிரபாகரன் அவர்கள் பார்வதி அம்மாவின் வயிற்றில் கருவுற்றதை அவர்களால் தடுக்க முடியவில்லை.

அந்தப் பிரபாகரன் அவர்கள்தான், சுமார் ஐந்து தசாப்த காலங்களின் பின்னர் அனுராதபுரத்தில் சிங்களப் பௌத்த பேரினவாத்துக்கு எல்லாளனை காட்டினார். அனுராதபுரத்தில் அமைந்திருந்த சிங்கள வான்படை தளம் மீது தாக்குதல் நடைபெறுவதற்கு முன்னர், தளபதி கலைக்கோன் அவர்களை அழைத்திருந்த தலைவர், ‘இன்றிரவு உங்களுக்கு எல்லாளனை காட்டப் போகிறேன்’ எனக் கூறியிருந்தமை வெளிப்படை உண்மை.

இன்று, அந்த அனுராதபுரத்தில், தமிழின அழிப்பாளர் மகிந்த ராஜபச்ச பேசுவதற்கென அமைக்கப்பட்டிருந்த மேடை தீடிரென உடைந்து விழுந்தமை சிங்கள பௌத்த பேரினவாதிகள் மத்தியில் கடும் பீதியை எழுப்பியுள்ளதற்கு மேற்கூறிய விடயங்களும் காரணம் என தென்தமிழீழத்தை சேர்ந்த ஒரு வரலாற்றுத்துறைப் பேராசிரியர் தெரிவித்துள்ளார்.

http://thaaitamil.com/?p=30273