[size=2]

[size=4] "கிபிர்' குண்டு வீச்சு விமானங்கள் பேரிரைச்சலுடன் முல்லைத்தீவு, புதுக்குடியிருப்பு பிரதேசத்தில் நேற்று திங்கட்கிழமை காலை வட்டமிட்டு தாழப் பறந்து சென்றன. இதனால் அந்தப் பகுதி மக்கள் சிறிது நேரம் பதற்றமடைந்தனர். மாணவர்கள் பாதுகாப்புத் தேடி மேசைகளின் கீழ் ஒளித்தனர்.[/size][/size]

[size=2]

[size=4]"கிபிர்' விமானங்கள் போர்க் காலத்தில் வன்னியில் செயற்பட்டதைப் போல நேற்று முல்லைத்தீவில் பல பிரதேசங்களிலும் தாழப்பறந்தன. அத்துடன் அவை தாக்குதல் நடத்துவது போல வட்டமிட்டு குத்துச் சாய்வாகக் கீழிறங்கி மீண்டும் மேலெழும்பின. இதனால் அந்தப் பகுதி மக்கள் கலவரமடைந்தனர்.[/size][/size]

[size=2]

[size=4]போர் முடிவடைந்து 3 ஆண்டுகளின் பின்னர் இந்த மாதம் 10 ஆம் திகதி முதல் தடவையாக "கிபிர்' விமானங்கள் முல்லைத்தீவு வான் பரப்பில் வட்டமிட்டன. அதன் பின்னர் கடந்த 13 ஆம் திகதி தீபாவளித் தினத்தன்றும் "கிபிர்' விமானங்கள், முல்லைத்தீவில் தாழப் பறந்து மக்களை அச்சுறுத்தின.[/size][/size]

[size=2]

[size=4]இதன் பின்னர் நேற்று திங்கட்கிழமை காலை 8 மணியளவில் திடீரெனப் பேரிரைச்சலுடன் முல்லைத்தீவு பிரதேசத்துக்குள் நுழைந்த "கிபிர்' விமானங்கள் தாழப் பறந்து வட்டமடித்தன. புதுக்குடியிருப்பு, கேப்பாபிலவு, ஆனந்தபுரம் மற்றும் அதனை அண்டிய பகுதிகளிலும் முல்லைத்தீவுக் கடல் பிரதேசத்திலும் தொடர்ச்சியாக 10 நிமிடங்கள் வரை அவை பேரிரைச்சலுடன் வட்டமடித்தன.[/size][/size]

[size=2]

[size=4]மாணவர்கள், ஆசிரியர்கள் பாடசாலைக்குச் சென்றுகொண்டிருந்த நேரத்திலேயே "கிபிர்' விமானங்கள் வட்டமடித்தமையால் மாணவர்கள் வீதிகளில் சைக்கிள்களைப் போட்டுவிட்டு மரங்களின் கீழ் ஒளித்துக்கொண்டனர். மக்களும் பதற்றத்தில் தமது விடுகளைவிட்டு வெளியேறி பாதுகாப்பான இடங்களைத் தேடி ஓடினர். [/size][/size]

[size=2]

[size=4]பாடசாலையில் இருந்த மாணவர்கள் மேசைகளின் கீழ் பாதுகாப்புத் தேடினர்.[/size][/size][size=2]

[size=4]"சண்டைக் காலத்தில்தான் இப்படிச் செய்தார்கள். இப்பவும் எங்களைப் போட்டுபடாத பாடுபடுத்துறாங்கள்'' என்று மக்கள் சலித்துக்கொண்டனர். [/size][/size]

[size=2]

[size=4]காவலரண்களில் கடமையிலிருந்த படையினர் மக்களைப் பார்த்து "பயப்பட வேண்டாம். பயிற்சிக்காகத்தான் இப்படிச் செய்கிறார்கள்'' எனத் தெரிவித்துள்ளனர்.[/size][/size]

http://onlineuthayan.com/News_More.php?id=607281626220171791

இவை சாகசங்களல்ல. அட்டகாசங்கள். தமிழர்களைப் பயங்கொள்ள வைக்கிறார்கள். தமிழர்களால் இனி என்ன செய்ய முடியும் என்ற எண்ணம் கிஞ்சித்துமில்லை. உலகத்தால் கூட தங்களை ஒன்றும் செய்ய முடியாதென்ற ஆணவம். வெற்றி மமதை.