புலம்பெயர் நாடெங்கும் வெற்றிகரமாக நடந்த மாவீரர் தினம் 2012

[size=4]1989ம் ஆண்டு நவம்பர் மாதம் 27ம் நாளை முதலாவது தமிழீழ மாவீரர் நாளாகத் தமிழீழம் உணர்வார்ந்த நிலையில் கடைப்பிடித்தது. அன்றிலிருந்து தமிழீழத்தின் மிகப் பெரிய நிகழ்வாக, எழிற்சியாக, புனிதமாக உணர்வார்ந்த நிகழ்வாக தமிழீழ மாவீரர் நாள் மக்களால் கடைப்பிடிக்கப்பட்டு வருகிறது.[/size]

[size=4]“ஒரு விடுதலை வீரனின் சாவு ஒரு சாதாரண் மரண நிகழ்வல்ல. அந்தச் சாவு ஒரு சரித்திர நிகழ்வு. ஒரு உன்னத இலட்சியம் உயிர் பெறும் அற்புதமான நிகழ்வு. உண்மையில் ஒரு விடுதலை வீரன் சாவதில்லை. அவனது உயிராக இயங்கி வந்த இலட்சிய நெருப்பு என்றுமே அணைந்து விடுவதில்லை. அந்த இலட்சிய நெருப்பு ஒரு வரலாற்றுச் சக்தியாக மற்றவர்களைப் பற்றிக் கொள்கின்றது. ஒரு இனத்தின் தேசிய ஆன்மாவைத் தட்டியெழுப்பிவிடுகின்றது.” -தலைவர் வே.பிரபாகரன்.[/size]

[size=4]சிங்களப் பேரினவாத இனமொன்றினால் அதன் அரச இயந்திரத்தாலும் சிறுபான்மைத் தமிழினம் அழிக்கப்பட்ட சந்தர்ப்பத்தில் தவிர்க்க முடியாத தெரிவாய் ஆயுதத்தைக் கொண்டு அழிப்பவனை அழிக்கும் எமது விடுதலைப்போராட்டம் தொடங்கியது. படைவளம், படைப்பலம் கொண்ட ஆக்கிரமிப்பு இராணுவத்திற்கு எதிராய் ஒரு சில உணர்வுள்ள தமிழ் இளையோரால் தொடங்கப்பட்டதே இந்த விடுதலைப்போராட்டம், ஆட்பல ஆயுதப்பல ஒப்பீடுகளுக்கு அப்பால் எந்தவகைத் தியாகத்தையும் செய்யத்துணிந்தெழுந்த போராளிகளின் மனபலம் தனிப்பெரும் சக்தியாகவே தமிழரைக் காத்து நின்றது. அந்தக் காப்பு சகத்திகளின் சாட்சியாக 33000 இற்கு அதிக மாவீரர்களை இந்த மண்ணிலே விதைத்து இன்று நிற்கின்றோம்.[/size]

தாயக நிலைமை

[size=4]இன்று தாயகம் முற்று முழுதாக ஆக்கிரமிப்பிற்குள் உள்ள நிலையில் அங்கு பல தடைகளையும் மக்கள் தமது மாவீரர்களை நெஞ்சில் நிறுத்தி தீபங்களை ஏற்றினர். சிலர் அழிக்கப்பட்ட மாவீரர் இல்லங்களுக்கு செல்ல முனைந்தார். சிலர் தமது வீடுகளில் வணக்கம் செலுத்திய நிழல்படங்களை உலகறியச்செய்தனர். [/size]

[size=4]பல்கலைக்கழக மாணவ சமுதாயம் மேலும் ஒருபடி சென்று தமது அடிப்படை உரிமையை பல சவால்களுக்கும் மத்தியில் நிறைவேற்றி சிறையும், அடியும், காயமும் பெற்று உள்ளனர். [/size]

[size=4]இவை அங்குள்ள மக்கள் தமது அடிமை வாழ்க்கையில் இருந்து சுதந்திரம் பெற வேண்டுபவர்களாக உள்ளனர் என்பதை கூறி நிற்கிறது. [/size]

[size=4]புலம்பெயர்ந்து போராட்டம்[/size]

ஏனைய நாடுகளில் மாவீரர் நாள் கடைப்பிடிக்கப்படுவதற்கும், தமிழீழ மாவீரர் நாள் கடைப்பிடிக்கப்படுவதற்கும் பெரும் வேறுபாடுகளுண்டு. ஏனைய நாடுகளில் எல்லாம் விடுதலைக்குப் பின் அமைந்த அரசுகளால் விழாக்கள் எடுக்கப்படுகின்றனவே தவிர போராட்டம் வீறோடு நடைபெற்றுக் கொண்டிருக்கும் காலங்களில் விழாக்கள் எடுக்கப்படுவதில்லை.

[size=4]சில இடங்களில் ஒன்றிற்கு மேற்பட்ட நிகழ்வுகள் நடந்தன. சில இடங்களில் ஒரு இடத்தில் நடக்க இருந்த நிகழ்வையும் குழப்ப சதிகள் தீட்டப்பட்டன. தமிழகம் உட்பட வெகுசிறப்பாக ஆசிய, அமெரிக்க, ஐரோப்பிய மற்றும் அவுஸ்திரேலிய கண்டங்களில் பல வேறு சவால்கள், தடைகள், குழப்பங்கள், சதிகள் மத்தியிலும் மக்கள் தமது இனிய இளைய உயிர்களை அர்ப்பணித்த தேசத்தின் செல்வங்களை நினைவு கூர்ந்தனர். [/size]

[size=4]2012 இல், சிங்கள பேரினவாத அடக்குமுறையின் கீழே உள்ள தமது உறவுகளுக்கு தெளிவான ஆதரவான செய்தியை மீண்டும் உறுதியாக சொல்லி நிற்கின்றனர். உங்களின் உரிமைப்போராட்ட விடுதலைக்கு நாம் தொடர்ந்தும் உறுதுணையாக நிற்ப்போம். நீங்கள் உங்களின் நியாயமான விடுதலையை வெல்லும்வரை சேர்ந்தே பயணிப்போம். [/size]

[size=4]2013 இல் தாயக மக்கள் சுதந் திரமாக தமது நிலத்தில் மாவீரர் தினத்தை கொண்டாடுவார்கள். [/size]