உறவுகளே! உண்மையைக் காக்க

உறவுகளே! உண்மையைக் காக்க –
உரிமையை வென்றெடுக்க ஒன்றாகி உடன் செயற்படுவோம் வாரீர்!
உறவுகளே– உண்மையைக் காக்க – உரிமையைப் வென்றெடுக்க – ஒன்றுபட்டு செயற்படுவோம் -சிறிலங்கா
அரசுகளின் – ஈழத் தமிழினத்துக்கு எதிரான உண்மை நிலை தெரியாதவர்கள் -அரசியல் வரலாறு புரியாதவர்கள் -
தமிழ் இனத்திற்குக் – களங்கத்தை – பங்கத்தை –மக்கள் மத்தியில் குளப்பத்தை – ஏற்படுத்துகின்ற
கருத்துக்கள் வெளியிடுவதை உடன் நிறுத்துமாறு வேண்டுகின்றோம் -
தலைவர்களே! தமிழ் மக்களின் உரிமைக்காக உழைப்பவர்கள்தானே நீங்கள்?
நாங்கள் எந்த நாட்டில் வாழ்ந்தாலும் – எந்த அமைப்பிலிருந்தாலும் – தமிழினத்தின் உரிமைகளை வென்றெடுக்க –
எமது விட்டுக் கொடுப்புக்களின் ஊடாக ஒன்றுபடுவோம் -
எமது உரிமைபெற்ற – பாதுகாப்பான – வாழ்வுக்காக- அயராது – தூய்மையாக உழைக்கும் தலைவர்களே!
நீங்கள் அனைவரும் ஒன்றுபட்டு உழைக்க முன்வருமாறு மக்கள் நாம் வேண்டுகின்றோம் – நீங்கள் ஒன்றுபட்டால்
எமது துயரங்கள் தீர்ந்துவிடும் என்பதிலும் நாங்கள் உறுதியாக உள்ளோம் என்பதறிக -
சிறிலங்கா அரசின் வீழ்ச்சிக்கானது இன்றைய காலம்:
சிறிலங்கா அரசின் வீழ்ச்சிக்கான காலமிது –பொய்யர்களின் ஏமாற்றுத் தனங்கள் சிதறடிக்கப்படும் காலமிது –
எம்மை அழிப்பதற்கு உதவிய – அண்டை நாட்டவரை ஏமாற்றிய சிங்களத்தின் முகத்திரை –
அவர்களாலேயே கிளித்தெறியப்படும் காலமிது என்பதறிக உறவுகளே -
அண்மைய- கனடிய – சிறிலங்கா – வெளிவிவகார அமைச்சர்களின் கூற்றுக்கள் இவற்றையே தெரிவாக
விளக்கி நிற்கின்றன – தலைவர்களே ஓரணியாகுங்கள் – இது உங்களுக்கான நேரம் -நீங்கள் ஒன்றுபட்டால்
எமக்குண்டு அமைதியான வாழ்வு – எம்மைக் காக்கத் தங்களைத் தந்தவர்களின் நினைவோடு – ஒன்றுபடுங்கள் -
மக்களுக்காக – தர்மத்திற்காக – தூய்மைப்படுங்கள் – கனடியத் தேச மக்களே எமது தாயகத்தை முதலில்
நீங்கள் அங்கீகரிக்க முன்வாருங்கள் என அழைக்கின்றோம் -
நாம் பிறப்பால் ஓர்தாய் பிள்ளைகள் என்பதை மறந்து விடக்கூடாது:
இன்றைய சூழலில் பலவிதமான நெருக்கடிகளை சந்திக்க முடியாத சிங்களத் தலமைகள் – எமக்குள் – தமிழின
உணர்வற்ற – அறியாமையின் உச்சத்தில் இருக்கும் – தனிநபர்கள் – இணையங்கள் -தொலைக்காட்சிகள் ஊடாக -
மீண்டும் குழப்பத்தில் ஆழ்த்துவதற்கான செயற்பாடுகளை முன்னெடுப்பதை அவதானியுங்கள் – எனவே உணர்வோடு –
பொறுமை காத்து – தெளிவாக உரிமையை வென்றெடுக்கச் செயற்படுவோம் விரைந்து வாரீர் -
சனநாகயப் பண்புகளற்ற சிறிலங்கா தேசம்:
தமிழ் இணையங்களே – தொலைக்காட்சி முகவர்களே! –சிறிலங்கா அரசால் – கைது செய்யப்பட்டு – வதைமுகாம்
களில் – சிறைச்சாலைகளில் -அழிக்கப்பட்டுக்கொண்டிருக்கும் – எமது உறவுகளைக் காப்பாற்றுவதற்கு – அவர்களை
விடுதலை செய்வதற்காக எழுதுங்கள் – குரல் தாருங்கள் – கருத்துக்களைப் பகிர்ந்து கொள்ளுங்கள் – இவை
தமிழினத்திற்கு நன்மை பயக்கும் – இது உங்களுடைய – கருத்துச் சுதந்திரத்தில் நாம் குறுக்கிடவில்லை –
இன்றைய பொருளாதார நிர்ணய உலக ஒழுங்கில் – அழிக்கப்பட்டுக் கொண்டிருக்கும் ஒரு இனத்திற்கு எதிரான
கருத்தை நீங்கள் முன்னெடுப்பதால் – தர்மம் அல்லவா அழிக்கப்படும்? மீண்டும் சிங்களத்தின் தமிழின அழிப்புக்கு
உதவுவதாகவே இருக்கும்? – நாங்கள் திரண்டு நிற்க வேண்டிய காலத்தில் -அவதூறு செய்து தமிழினத்தை
அழிக்கத் துணைபோகலாமா? எங்களுக்கான உரிமைகளையும் பாதுகாக்கத்தானே போராடினோம் – பல இலட்சம்
உயிர்களை இழந்தோம் – மறந்து விட்டீர்களா? அல்லது தமிழ்த் தேசிய அபிலாசை அற்றவரா நீங்கள்? -
சனநாகயப் பண்புகள் அறவேயற்ற சிங்கள இனத்தவரால் – இரண்டாயிரம் ஆண்டுகளுக்கு மேலாக அழிக்கப்பட்டு
வரும் இனம் தமிழினம் என்பதை மறந்து விடடீர்;களா? – சிறிலங்கா அரசுக்கு ஆதரவான கருத்துக்களை
வெளியிடுவதன் ஊடாக – மீண்டுமொரு தமிழின அழிப்புக்கு திட்டமிடுகின்றீர்களா? -
சிறிலங்கா அரசு – எமது பாதுகாப்பான வாழ்வு தொடர்பாக –நடத்திவரும் – நடத்தி முடித்த ஏமாற்றுக்களை–
அழிவுகளை மறந்துவிட்டீர்களா? தமிழர்களின் உரிமைபெற்ற – பாதுகாப்பான வாழ்வை முன்னிறுத்தித்தானே
மக்கள் நாங்கள் போராடினோம்? – எவருடைய அச்சுறுத்தலும் அற்ற- உரிமை
கொண்ட வாழ்வைப் பெறுவதற்காக இணைந்து செயற்படுவோம் உடன் வாரீர் உறவுகளே. -

வடக்கும் கிழக்கும் தமிழர் தாயகம்:
சிங்கள அரசுக்கு ஆதரவாக – தமிழினத்தை – வடக்கு – கிழக்கு என்று கூறுபோடும் கருத்துக்களை உடன் நிறுத்தி –
நாம் தமிழர்களாக எழுவோம். தாயகத்தில் நடந்து கொண்டிருக்கும் அவலங்களை மனதார உணர்ந்து -
எமது தாயகத்தையும் – மக்களையும் பாதுகாக்க உடன் செயற்படுவோம் வாரீர் -
இசுலாமிய உறவுகளே! விலைபோகும் தலமைகளுக்கூடாக மீண்டும் சுயத்தை இழந்து விடாதீர்கள் – உரிமைக்காக
ஒன்றுபடுவோம் – மக்களுக்காகவே தலைவர்கள் – தலைவர்களின் அபிலாசைகளுக்கு மக்களை பலியிட
அனுமதிக்காதீர்கள் உரிமைக்காக ஒன்று படுவோம் – இதனூடாகவே எமது வாழ்வாதாரத்தைப் பாதுகாக்க முடியும்.
தமிழ்க் கலைஞர் ஒன்றியம் – 09-01-2013

www.irruppu.com