குடாநாட்டில் கடந்த வருடத்தில் 28 ஆயிரம் மெற்றிக் தொன் மீன் கிடைத்ததாக கடற்றொழில் நீரியல்வளத் திணைக்கள புள்ளி விவரம் தகவல்

யாழ். மாவட்டத்தில் கடந்த வருடம் 28 ஆயிரத்து 392 மெற்றிக் தொன் மீன் கடற்றொழிலாளர்களால் பிடிக்கப்பட்டுள்ளது. யாழ். மாவட்ட கடற்றொழில் நீரியல் வளத்துறை திணைக்கள புள்ளி விவரங்கள் இந்தத் தகவலைத் தெரிவிக்கின்றன.

அந்தப் புள்ளி விவரத்தில் மேலும் தெரிவிக்கப்பட்டுள்ளதாவது:

கடந்த ஜனவரி மாதம் 2 ஆயிரத்து 182.3 மெற்றிக் தொன் மீன்பிடிக்கப்பட்டுள்ளது. பெப்ரவரி மாதம் 2 ஆயிரத்து 451.1 மெற்றிக் தொன் மீனும் மார்ச் மாதம் 2 ஆயிரத்து 396.4 மெற்றிக் தொன் மீனும் ஏப்ரல் மாதம் 2 ஆயிரத்து 2.293.5 மெற்றிக் தொன் மீனும் மே மாதம் 2 ஆயிரத்து 430.6 மெற்றிக் தொன் மீனும் ஜூன் மாதம் 2 ஆயிரத்து 342.1 மெற்றிக் தொன் மீனும் ஜூலை மாதம் 2 ஆயிரத்து 300.7 மெற்றிக் தொன் மீனும் ஓகஸ்ட் மாதம் 2 ஆயிரத்து 354.3 மெற்றிக் தொன் மீனும், செப்ரெம்பர் மாதம் 2 ஆயிரத்து 630.5 மெற்றிக் தொன் மீனும் நவம்பர் மாதம் 2 ஆயிரத்து 369.8 மெற்றிக் தொன் மீனும் ஒக்ரோபர் மாதம் 2 ஆயிரத்து 552.7 மெற்றிக் தொன் மீனும் டிசெம்பர் மாதம் 2 ஆயிரத்து 88.2 மெற்றிக் தொன் மீனும் யாழ்.மாவட்டத்தில் பிடிக்கப்பட்டுள்ளன.

2011 ஆம் ஆண்டை விட 4 ஆயிரத்து 62.3 மெற்றிக் தொன் மீன் கடந்த வருடத்தில் அதிகமாகப் பிடிக்கப்பட்டுள்ளது. 2011 ஆம் ஆண்டு 24 ஆயிரத்து 229.9 மெற்றிக் தொன் மீன் கொள்வனவு செய்யப்பட்டுள்ளது.

இதேவேளை, கடந்த காலங்களில் 1983 ஆம் ஆண்டளவில் 48 ஆயிரத்து 677 மெற்றிக் தொன் மீன் பிடிபட்டிருந்த வேளையில் 1987 ஆம் ஆண்டில் பெரியளவில் வீழ்ச்சிநிலை ஏற்பட்டிருந்தது. ஆயிரத்து 981 மெற்றிக் தொன் மீனே இந்த ஆண்டில் பிடிக்கப்பட்டது.

1991 ஆம் ஆண்டு தொடக்கம் 2002 ஆம் ஆண்டு வரையில் மீன் கொள்வனவு 3 ஆயிரம் மெற்றிக் தொன்னை விட அதிகளவாகக் காணப்படவில்லை. 

பின்னர் போர்க் காலங்களில் 2007 ஆம் ஆண்டு கடற்றொழிலாளர்கள் கடலுக்குச் செல்ல அனுமதி  கிடைக்காத நிலையில் 2 ஆயிரத்து 963 மெற்றிக் தொன் மீன் பிடிக்கப்பட்டது.

2008 ஆம் ஆண்டில் 2 ஆயிரத்து 670 மெற்றிக் தொன் மீன் பிடிக்கப்பட்டதாகவும் புள்ளி விவரங்கள் தெரிவிக்கின்றன.

http://www.onlineuthayan.com/News_More.php?id=877581758911587771