அடிப்படைவாத முஸ்லிம்களின் நடவடிக்கைகளுக்கே எதிர்ப்பு : பொது பலசேனா

       

நாட்டில் இனங்களுக்கிடையில் முறுகல் நிலையை உருவாக்குவதற்கு பொது பலசேனா ஒருபோதும் துணையாக இருக்கமாட்டாது. பொது பலசேனா முஸ்லிம்களுக்கு விரோதமான இயக்கமல்ல என்று பொது பலசேனா அமைப்பு நேற்று ஸ்ரீலங்கா முஸ்லிம் கவுன்ஸில் பிரதிநிதிகள் மற்றும் ஐக்கிய தேசியக் கட்சி பாராளுமன்ற உறுப்பினர்களிடம் தெரிவித்தது.

 

மேற்படி கலந்துரையாடல் நேற்று செவ்வாய்க்கிழமை பாராளுமன்ற கட்டடத் தொகுதியில் இடம்பெற்ற போதே பொது பலசேனாவினால் மேற்கண்டவாறு தெரிவிக்கப்பட்டது.

 

இது குறித்து பொது பலசேனா அமைப்பின் செயலாளர் கலகொட அத்தேஞானசார தேரர் அமைப்பு சார்பாக கருத்துத் தெரிவிக்கையில்,

 

பொது பலசேனா பௌத்தர்களின் உரிமைகளையும் கலாசாரத்தையும் காப்பாற்றுவதற்காகவும் பௌத்தர்களுக்காக குரல்கொடுப்பதற்காகவுமே நிறுவப்பட்டது. ஒரு இனத்திற்கு எதிராக நடைபெறும் நடவடிக்கைகளுக்கும் எமக்கும் எதுவித தொடர்பும் இல்லை.

 

இதேவேளை, பௌத்தர்களுக்குள் வேறு தீவிரவாதக் குழுக்களும் இல்லாமல் இல்லை. முஸ்லிம்கள் ஹலால் உணவை ஒருபோதும் பௌத்தர்களுக்கு பலவந்தப்படுத்தக் கூடாது. இதனை நாம் வன்மையாகக் கண்டிக்கின்றோம். ஹலாலை நிறுத்துவதற்கு நடவடிக்கை எடுக்க வேண்டும்.

 

பொது பலசேனா நாட்டிலுள்ள சம்பிரதாய முஸ்லிம்களுக்கு எதிரானவர்களல்ல. அடிப்படைவாத முஸ்லிம்களின் நடவடிக்கைகளையே எதிர்க்கின்றோம். பொது பலசேனா நாட்டிலுள்ள முஸ்லிம் பள்ளிவாசல்களைத் தாக்கியுள்ளதாகக் கூறப்படுகின்றது. ஆனால் இத்தகைய தாக்குதல் சம்பவங்களுக்கும் பொது பலசேனாவுக்கும் எதுவித தொடர்புமில்லை. எம்மீது குற்றம் சுமத்தப்படுவதை நாம் எதிர்க்கின்றோம் என்றார்.

 

http://www.virakesari.lk/article/local.php?vid=3003

 

சிங்கள பயங்கரவாதிகளின் இன்னொரு வடிவம் பொதுபல சேன. இவர்கள் தமிழின அழிப்புக்கு துணை போன முஸ்லிம் மதவாதிகளுடன் மோதுவதை வேடிக்கை பார்பதைத் தவிர நாம் எதுவும் செய்யும் நிலையில் இல்லை.