இந்திய நாடாளுமன்றத்தின் வரவுசெலவுத் திட்டக் கூட்டத்தொடர் இன்று ஆரம்பமாகவுள்ள நிலையில், சிறிலங்கா விவகாரம் குறித்து பிரச்சினை எழுப்ப தமிழ்நாட்டு அரசியல் கட்சிகளும், இடதுசாரிக் கட்சிகளும் முடிவு செய்துள்ளன. 

ஐ.நா மனிதஉரிமைகள் பேரவைக் கூட்டத்தில் சிறிலங்காவுக்கு எதிராக கொண்டு வரப்படும் தீர்மானத்துக்கு இந்தியா ஆதரவு தெரிவிக்க வேண்டும் என்று கோரி, நாடாளுமன்ற கூட்டத்தொடரில், திமுக, அதிமுக மற்றும் இடதுசாரி கட்சிகள் வலியுறுத்த திட்டமிட்டுள்ளன. 

இது குறித்து கருத்து வெளியிட்டுள்ள திமுகவின் மாநிலங்களவை உறுப்பினர் கனிமொழி, "ஐ.நா. மனிதஉரிமைகள் பேரவைக் கூட்டத்தில் சிறிலங்காவுக்கு எதிராக இந்தியா தீர்மானம் கொண்டு வர வேண்டும் அல்லது சிறிலங்காவுக்கு எதிராக கொண்டு வரப்படும் தீர்மானத்தை ஆதரித்து வாக்களிக்க வேண்டும் என்று தெரிவித்துள்ளார். 

அதேவேளை, சிறிலங்காவுக்கு எதிரான தீர்மானத்தை ஐ.நா. மனிதஉரிமைகள் பேரவைக் கூட்டத்தில் இந்தியா கொண்டு வர வேண்டும், சிறிலங்காவுக்கு எதிராக பொருளாதார தடை விதிக்க வேண்டும் என்று அதிமுக உறுப்பினர்கள் நாடாளுமன்றத்தில் வலியுறுத்தவுள்ளதாக அந்தக் கட்சியின் முக்கிய பிரமுகர் ஒருவர் கூறியுள்ளார். 

இதனிடையே, சிறிலங்கா அரசு மீது அனைத்துலக போர்க்குற்ற விதிகளின் படி நடவடிக்கை எடுக்க வேண்டும் என்றும், ஐ.நா. மனிதஉரிமைகள் பேரவையில் கொண்டு வர உள்ள தீர்மானம் குறித்த இந்தியாவின் நிலைப்பாடு குறித்து இந்திய வெளிவிவகார அமைச்சர் சல்மான் குர்சித்தை விளக்கம் அளிக்க வேண்டும் என்றும் கோரும் கவனஈர்ப்புத் தீர்மானம் ஒன்றை மாநிலங்களவையில் கொண்டு வருவதற்கான முன்னறிவித்தலை அ.தி.மு.க. உறுப்பினர் மைத்ரேயன் கொடுத்துள்ளார். 

அதேவேளை, அனைத்துலக விசாரணைக்கு சிறிலங்காவை உட்படுத்த இந்தியா வலியுறுத்த வேண்டும் என்றும், பிற நாடுகளுக்கு முன்னுதாரணமாகத் திகழும் வகையில் சிறிலங்காவுக்கு எதிரான தீர்மானத்தை இந்தியாவே கொண்டு வர வேண்டும் என்றும் தமது கட்சி நாடாளுமன்றத்தில் வலியுறுத்தவுள்ளதாக மார்க்சிஸ்ட் கம்யூனிஸ்ட் கட்சியின் மாநிலங்களவை உறுப்பினர் டி.கே. ரங்கராஜனும் கூறியுள்ளார் என்பது குறிப்பிடத்தக்கது.

 

http://www.puthinappalakai.com/view.php?20130221107821

வழமையான அணுகுமுறையில் இருந்து வித்தியாசமான நடவடிக்கைகளில் தமிழக கட்சிகள் இறங்கினால் மட்டுமே மாற்றங்களை காணலாம்.

இலங்கை தமிழர்களுக்கு சமத்துவம் வேண்டும்: பிரணாப் முகர்ஜி

 

சிறுபான்மைச் சமூகமான தமிழ்ச் சமூகத்திற்கு சமாதானம், கௌரவம் மற்றும் சமத்துவத்துடன் கூடிய வாழ்க்கையை வழங்குவதற்கு இலங்கை நடவடிக்கை எடுக்க வேண்டும் என இந்திய ஜனாதிபதி பிரணாப் முகர்ஜி இன்று தெரிவித்துள்ளார்.

 

 

இலங்கையுடனான கூட்டுச் செயற்பாடுகளில் இந்தியா முன்னேற்றம் கண்டுள்ளதாகவும் இந்திய ஜனாதிபதி நாடாளுமன்றத்தில் தெரிவித்துள்ளார்.

'அங்கு இடம்பெயர்ந்த மக்களை  மீள்குடியேற்றம் செய்வதும் அவர்களுக்கு புனர்வாழ்வளிப்பதுமே இதில் அடங்கும்' எனவும் அவர் கூறினார்.  யுத்தம் காரணமாக ஆயிரக்கணக்கானோர் தங்களது வீடுகளை விட்டு வெளியேற வேண்டிய நிர்ப்பந்தத்திற்கு உள்ளாகியதைக் கருத்திற்கொண்டே அவர் இவ்வாறு கூறியுள்ளார். 

இலங்கையில் இடம்பெற்றதாகக் கூறப்படும் மனித உரிமை மீறல் குற்றச்சாட்டுக்கள் தொடர்பில் தனது உரையின்போது இந்திய ஜனாதிபதி கருத்து எதனையும் கூறவில்லை. தமிழீழ விடுதலைப் புலிகள் இயக்கத்தின் தலைவரின் 12 வயது மகன் கொல்லப்பட்ட சம்பவம் தொடர்பிலும் அவர் கருத்து எதனையும் கூறவில்லை.

 

http://tamil.dailymirror.lk/2010-07-14-09-13-23/59339-2013-02-21-11-32-45.html