மின்னஞ்சல் மூலம் ஆனந்த் ஷா அனுப்பியது :

 

நண்பர்களுக்கு வணக்கம்

சிங்கள சினிமாவின் ஆரம்பகால வளர்ச்சிக்கு அடிகோலியவர்களே தமிழர்கள்தான். சிங்கள சினிமாத் தயாரிப்பிலும், தென்னிந்திய சினிமா விநியோகத்திலும் தங்கள் நேரத்தை முடக்கி லாபம் சம்பாதித்த இலங்கைத் தமிழ் முதலாளிகள், தங்களுக் கென்று ஒரு  தமிழ் சினிமாவை அதன் அடையாள முகவரிகளோடு வளர்க்கத் தவறிவிட்டார்கள் என்பதுதான் வருத்தமான உண்மை.

இலங்கையின் சிங்கள சினிமா கூட, சிறிதளவாகச் சர்வதேச தரத்தில் வைத்துப் பேசக் கூடிய நிலையை நெருங்கிக் கொண்டிருக்கிறது.ஆனால், இலங்கை தமிழ் சினிமா…? மிகமிகப் பின்தங்கிப் போய், இன்றும் அரிச் சுவடிக் கட்டத்திலேயே இருக்கிறது. இந்திய சினிமாவின் குறிப்பாகத் தென்இந்திய சினிமாவின் ஆதிக்கமும், அந்த சினிமாவே தங்கள் சினிமா என்று இலங்கை மக்கள் கொண்டாடியதும் இதற்கு முக்கிய காரணங்கள். யுத்தத்திற்கு முன்னர்  இலங்கையில் பல தமிழ் திரைப்படங்கள் வெளிவந்து அவை பெரு வெற்றியும் பெற்றிருக்கின்றன.  ஆனால் இன்று இலங்கையில் தமிழ் சினிமாவுக்கான சுவடே அழிந்து மறைந்து போய் இருக்கின்றது .

இதன்  ஆரம்ப கட்ட முயற்சியாக SUN SONIC நிறுவனத்தாருடன் WIDESCREEN CINEMAS & ENTERTAINMENT நிறுவனம் இணைந்து 1023 years ( 1023 வருடங்கள் ) என்ற 40 நிமிட குறும்படத்தினை மிகுந்த பொருட்செலவில் தயாரித்திருக்கின்றோம். தற்கால சினிமா தொழிநுட்பங்களுக்கு இணையான தொழிநுட்பங்களை பயன்படுத்தி உருவாக்கப் பட்டிருக்கும் இந்த குறும்படம் வரும் 03-03-2013 அன்று திரைக்கு வர இருக்கின்றது.

மேலும் இந்த குறும்படத்தின்  படப்பிடிப்பும் எடிட்டிங்  தவிர்ந்த ஏனைய தொழிநுட்ப விடயங்கள் இந்தியாவிலேயே மேற்கொள்ளப் பட்டிருக்கின்றது. இது வரை இலங்கையில் வெளிவந்த குறும்படங்களில் இது விதியசமானதும் சிறந்த அனுபவமாகவும் இருக்கும் என்பது எமது அசைக்க முடியாத நம்பிக்கையாகும்.

இலங்கை குறும்பட வரலாற்றில் முதன் முறையாக  03-03-2013 அன்று மன்னார் அயன் திரையரங்கிலும், வவுனியா கலாச்சர மண்டபத்திலும் ஒரே நாளில் திரையிடப்பட இருக்கின்றது. இந்தக் குறும்படத்தின் முன்னோட்டக் காட்சிகளை  தற்போது வெளியிட்டிருக்கின்றோம். இதக்கு தங்கள் முழு ஆதரவினையும் ஒத்துழைப்பினையும் வழங்கி எமது முயற்ச்சியினை வெற்றியடையச் செய்வதுடன்  இலங்கையிலும் சர்வதேச தரத்திலான திரைப்படங்கள் வெளிவர ஊடகங்களும் எம்முடன் உடனிருந்து  எமக்கு ஆதரவு வழங்க வேண்டும் என  தாழ்மையுடன் கேட்டுக்கொள்கிறேன்.
                                                                                                                             - ஆனந்த் ஷா -

 

1023 years

இயக்கம் : த.சமிதன்
கதை : சைதன்யன்
எடிட்டிங் : பா. பார்த்தீபன்
ஒளிப்பதிவு : அனுதீபன், பா. பார்த்தீபன்
பாடல் இசை : தர்சனன்
பின்னணி இசை : அருள் வாசகன்
பாடல் வரிகள் : அமல்ராஜ்
உதவி இயக்குனர்கள் : தொம்சன், மணிமாறன், லிங்கரூபன்
தயாரிப்பு : பிரபாகரன், ஆனந்த் ஷா, உதய் சந்த், டிலான், மதுசூதனன்

 

 

Edited February 25, 201312 yr by இணையவன்

பகிர்வுக்கு நன்றி.