அடுத்து அழகிரியும் கனிமொழியும் கைதா ? பிரிவு: தலையங்கம்

நேற்றைக்கு முந்தைய நாள் மத்திய அரசில் இருந்து திமுக வெளியேறியது . அவர்கள் ராசினாமா கடிதத்தை முறையாக பிரதமர் மற்றும் திமுக கட்சி ஆதரவு வாபஸ் என்ற கடிதத்தை குடியரசு தலைவருக்கும் கொடுத்தார்கள் .

இந்த நடவடிக்கை முழுக்க முழுக்க அதன் தலைவர் கருணாநிதியால் மட்டுமே கட்சிக்குள் அழுத்தி எடுக்கப்பட்ட ஒன்று என்றும் அதற்க்கு அவர்கள் குடும்பத்தில் கனிமொழியை தவிர யாரும் ஆதரவு தரவில்லை என்றும் செய்திகள் கசிந்தன.

இன்றைக்கு அவரது மகனும் கட்சியின் பொருளாளருமான ஸ்டாலின் வீட்டில் , எதற்கு , என்னவென்ற ஒரு அறிவிப்பு கூட இல்லாமல் சிபிஐ சோதனை இட்டு வருகிறது .

அதே நேரம் மதுரையில் , முக அழகிரி மீது எந்நேரமும் வழக்கு பதிய படலாம் என்ற நிலையில்தான் பொட்டு சுரேஷ் படுகொலை வழக்கும் உள்ளது. இது மாநில அரசின் நடவடிக்கையாக இருக்கலாம் என்ற ஊகங்கள் வருகிறது.

மத்திய அமைச்சர் என்ற பலமான அரசியல் பாதுகாப்பு அழகிரிக்கு இப்போது இல்லை .

எனவே மாநில அரசு எந்நேரமும் முன்னால் மத்திய அமைச்சர் அழகிரி மீது உண்மையாகவோ அல்லது காழ்புணர்வு நிலையிலோ வழக்கு பதிந்து அவரை கைது செய்யலாம் என்றே தகவல்கள் வருகிறது.

ஸ்டாலின் வீட்டையே ரெய்டுக்கு உட்படுத்திய மத்திய அரசுக்கு அழகிரி எம்மாத்திரம் என்றே தகவல்கள் தெரிவிக்கின்றன. எனவே அவர் மீதும் உர ஊழல் பிரச்சினையை கை காட்டி தப்பிக்க கூட மத்திய காங்கிரஸ் அரசு செய்யும்.

அதே நேரம் இதுதான் சமயம் ஸ்பெக்ட்ரம் ஊழலில் முன்னாள் அமைச்சர் ராசா மற்றும் கனிமொழி இருவரையும் முழுமையாக சம்பந்தம் கொண்டவர்கள் என்று அவர்களை அதில் அமிழ்த்த , இவர்கள்தான் ஊழல் செய்தார்கள் காங்கிரஸ் கட்சி அல்ல என்று காட்டவும் மத்திய அரசு தயாராக உள்ளது என்பதையே ஸ்டாலின் வீட்டில் நடந்த சோதனை எச்சரிக்கையோடு பொதுமக்களிற்கும் திமுகவிற்கும் அறிவிப்பதாக உள்ளது.

இப்படிப்பட்ட சோதனைகளிற்கு பயந்துதான் மாயாவதியும் மத்திய காங்கிரஸ் அரசிற்கு இன்றளவும் ஆதரவு கொடுக்கிறார் என்பதுவும் உண்மை.

ஒரு மாநிலத்தில், உத்திர பிரதேசத்தில் நேர் எதிர் அரசியல் செய்யும் இரு மாநில கட்சிகளும் மத்திய அரசிற்கு ஆதரவு நிலை என்ற நிலைபாட்டிற்கு காரணம் இந்த சிபிஐ சோதனையே ,சிபிஐ , மத்திய அரசின் ஏவல் துறை என்பதை மீண்டும் நிரூபித்து வருகிறது இந்த சோதனை நடவடிக்கை என்றால் அது மிகையாகாது.

 

http://dinaithal.com/index.php?option=com_content&view=article&id=13486:kanimozli-karuna&catid=135:headnews&Itemid=101

 

கைது நடந்தால் ஒருவித அனுதாபம் மக்கள் மத்தியில் இருந்து திமுக விற்கு கிடைக்கலாம் என காங்கிரசும் - திமுகவும் இணைந்து நாடகமும் ஆடலாம்.

http://www.youtube.com/watch?v=95qpZzMOjn4