இறுதிக் கட்ட யுத்தத்தில் இல்லாத அக்கறை இப்போது எப்படி இந்தியாவுக்கு வந்தது கேள்வி எழுப்புகிறார்; விமல்

இறுதிக் கட்ட யுத்தத்தில் இல்லாத அக்கறை இப்போது எப்படி இந்தியாவுக்கு வந்தது கேள்வி எழுப்புகிறார்; விமல்

news

இலங்கையில் இனங்களுக்கு இடையே ஐக்கியம் உருவாகுவதனை விரும்பாது ஜெனீவாவில் மனித உரிமைகள் மீறல் குற்றத்தினை முன்வைத்து மீண்டும் குழப்பத்தினை ஏற்படுத்தவே தென்னிந்தியா முயற்சி செய்கின்றது என வீடமைப்பு அமைச்சர் விமல் வீரவன்ச குற்றம் சாட்டியுள்ளார்.

யாழ்ப்பாணத்திற்கு விஜயத்தினை மேற்கொண்ட விமல் வீரவன்ச குருநகர் 5 மாடி வீட்டுத்திட்டத்தின் மீள்நிர்மாணப் பணிகளை ஆரம்பித்து வைத்து உரையாற்றும் போதே மேற்கண்டவாறு குறிப்பிட்டுள்ளார்.

மேலும் தெரிவிக்கையில்,

யுத்தத்தினால் ஏற்பட்ட ஓட்டைகளை நாங்கள் அடைப்பதற்கு முயற்சி எடுத்துவரும் இந்த நேரத்தில் யுத்ததினால் ஓட்டையாகிப் போன இதயங்களின் ஓட்டைகளை மிகவும் ஆழமாக்கும் செயல்களையே பலர் செய்து வருகின்றனர்.

கடந்த காலத்தில் ஏற்பட்ட யுத்தத்தினால் உருவாகியுள்ள துன்பங்கள் மீண்டும் நியல்பு நிலைக்கு வந்து கொண்டிருக்கும் போது இயல்பு நிலையினை அடையக் கூடாது என்பதற்காக ஒரு சில தீயசக்திகள் செயற்பட்டு வருகின்றன.

அத்துடன் ஆரம்பத்தில் இருந்த சிங்கள - தமிழ் நட்புறவை இல்லாது செய்வதற்குமே தென்னிந்தியாவில் பாரிய ஒரு குழப்ப நிலை ஏற்பட்டுக் கொண்டிருக்கிறது.

அவர்களுடைய நாட்டுக்குள் இருக்கின்ற பிரிவினை வாதம் தெரியாது இந்திய மத்திய அரசு எங்களிடம் கூறுகிறது நாட்டைப்பிரித்துக் கொடுக்கும் படி. யுத்தத்தின் இறுதிக் கட்டத்தில் தென்னிந்தியாவில் இல்லாத குழப்பம் இன்று திடீரென ஏற்பட்டுள்ளது.

தமிழ் மக்கள் மீது நேர்மையான உன்னதமான அன்பு இருந்திருந்தால் இறுதி யுத்தத்தில் உதவியிருக்க வேண்டும். இறுதி யுத்தத்தின் போது நடந்த ஒரே ஒரு எதிர்ப்பு செயற்பாடு கருணாநிதி 2 பக்கமும் குளிர்சாதனப் பெட்டியினை வைத்துவிட்டு உண்ணாவிரதம் இருந்தது தான். அத்துடன் உலகத்தில் குளிர்சாதங்கள் சுற்றிவர வைத்துக் கொண்டு உண்ணாவிரதம் இருந்த உலகின் முதலாவது நபர் கருணாநிதி தான்.

அதைத் தவிர எந்த ஆரப்பாட்டமும் இறுதி யுத்த காலத்தில் அங்கு நடைபெறவில்லை. அன்று இல்லாதது ஏன் இன்று நடாத்தப்படுகின்றது. இதற்குரிய இரகசியம் என்ன? அவர்கள் தூக்கத்தில் இருந்து விழித்தார்களா?

அதற்கும் மேலாக இன்று வெளிநாடுகளில் இருந்து இந்தியாவிற்கு பாரிய நிதி வந்து கொண்டு இருக்கின்றது. அந்த நிதியைப் பெற்றுக் கொண்டே அவர்கள் பாரிய ஊர்வலங்களையும் எதிர்ப்பு ஆர்பாட்டங்களையும் நடத்திக் கொண்டு இருக்கிறார்கள் .

மேலும் இலங்கையில் இனங்களுக்கு இடையில் ஐக்கியம் உருகுவதனை அவர்கள் விரும்பவில்லை. மீண்டும் தனிநாட்டுக்குரிய போராட்டத்திற்கான வாய்ப்பினை தூண்டுவதற்கு முயற்சிக்கின்றனர்.

அத்துடன் யுத்தம் ஏற்பட்டால் வெளிநாட்டு சக்திகள் சமாதான தூதுவர்களாக வந்து எமது வளங்களை அள்ளிச் செல்லும் நிலையும் ஏற்படும் இதற்காகவே இவர்கள் பாடுபடுகின்றனர்.

எது எவ்வாறாக இருந்தாலும் அர்ப்பணிப்புடன் பெற்றுக் கொண்ட சமாதானத்தை நாம் அனைவரும் தக்கவைத்துக் கொள்ள வேண்டும் எனவும் அவர் மேலும் தெரிவித்தார்.

 

http://onlineuthayan.com/News_More.php?id=488771940802375342#

தமிழ்ப் போராளிகளை மதிக்க வேண்டும் என்று இவ்வளவு நாளும் தோன்றாத எண்ணம் இப்போது மட்டும் எப்படி தோன்றியது?

சிங்களக் காட்டுமிராண்டிக்கு உதாரணமான விமலின் நாடகத்தை பார்த்து தமிழ் மக்கள் ஏமாறப் போவதில்லை!