'நான் அவனை அடிப்பேன், அவன் என்னை அடிப்பான்'

'நான் அவனை அடிப்பேன், அவன் என்னை அடிப்பான்': விஜயகாந்த்

ஜூலை 13, 2006

திருச்சி:

திருச்சியில் கூட்ட நெரிசலில் நான் சிக்கியபோது, என்னிடம் அடி வாங்கியது வேறு யாரும் அல்ல, சிறு வயதிலிருந்தே என்னுடன் பழகி வரும் எனது நண்பன் ரவிதான் என்று நடிகர் விஜயகாந்த் கூறியுள்ளார்.

திருச்சியில் முகாமிட்டு தர்மபுரி படப்பிடிப்பில் கலந்து கொண்டுள்ளார் விஜயகாந்த். நேற்று ஸ்ரீரங்கம் விஸ்வகர்மா காலனி பகுதியில் தீவிபத்து ஏற்பட்டு சில குடிசைகள் சாம்பலாயின. இதைக் கேள்விப்பட்ட விஜயகாந்த் அங்கு சென்று பாதிக்கப்பட்ட மக்களுக்கு ஆறுதல் கூறினார்.

அப்போது கூட்டத்தினர் முண்டியடித்தபடி விஜயகாந்த்தை நெருங்கி தங்களது குறைகளைக் கூற முயன்றனர்.

கூட்ட நெரிசலில் சிக்கிய விஜயகாந்த், கோபமடைந்து, தன்னுடன் வந்திருந்த உதவியாளர் ஒருவரை பளார் என கன்னத்தில் அறைந்தார்.

இதைப் பார்த்ததும் அந்த நபர் வேகமாக கூட்டத்தை ஒழுங்குபடுத்த ஆரம்பித்தார். நூற்றுக்கணக்கான பொதுமக்கள் முன்னிலையில் விஜயகாந்த் இப்படி நடந்து கொண்டது சலசலப்பை ஏற்படுத்தியது.

அடி வாங்கியவர் யார் என்ற ஆர்வ¬ம் எழுந்தது.

இந்த நிலையில், திருச்சி ராயல் சதர்ன் ஹோட்டலில் கரூர் மாவட்டத்தைச் சேர்ந்த கவுன்சிலர் கிருஷ்ணன் தலைமையில் 2000 பேர் விஜயகாந்த் முன்னிலையில் தேமுதிகவில் இணைந்தனர்.

அப்போது பேசிய விஜயகாந்த், ஒருவரை அழைத்து கூட்டத்தினருக்கு அறி¬கப்படுத்தினார். இவன் பெயர் ரவி. இவனைத்தான் நான் காலையில் பளார் என அறைந்தேன்.

இவன் எனது பால்ய காலத்து நண்பன். சிறு வயதில் இருந்தே ஒன்றாக வளர்ந்தவர்கள், பழகியவர்கள். நாங்கள் அடித்துக் கொள்வோம், அப்புறம் பிடித்துக் கொள்வோம்.

அவன் என்னை அடிப்பான், நான் அவனை அடிப்பேன். அந்த அளவுக்கு இருவருக்கும் இடையே நெருக்கமான நட்பு உள்ளது. இப்போது வேண்டுமானால் நான் கட்சித் தலைவராகி விட்டதால் அடிக்க இவன் யோசிக்கலாம்.

இது ஒரு சாதாரண விஷயம், நண்பர்களுக்குள் அடித்துக் கொள்வதும், சேர்ந்து கொள்வதும் ரொம்பச் சாதாரணமானது. இதை தேவையில்லாமல் பெரிதுபடுத்தி விட்டார்கள்.

இதற்குக் காரணம் எனது வளர்ச்சியைப் பார்த்து சிலருக்குப் பொறாமைதான் என்று கூறினார் விஜயகாந்த்.

விஜய்காந்த் பேசுவதைப் பார்த்தால், ''நான் அவனை திட்டுவேன், அவன் என் குடும்பத்தை பத்தி ரொம்ப கேவலமாக திட்டுவான்.. இது எங்களுள்ள ஒரு வெளையாட்டு ''.. என்று என்னம்மா கண்ணு படத்தில் சத்யராஜிடம் திட்டு வாங்கும் 'டெலக்ஸ் பாண்டியன்' வடிவேலு கோவை சரளாவிடம் சொல்லும் வசனம் தான் நினைவுக்கு வருகிறது.

¦ºÕôÀÊ þо¡§É¡