இன்று நடிகர்திலகம் சிவாஜிகணேசன் அவர்களின் ஐந்தாவது நினைவுதினம். இதனையொட்டி அவரது உருவச்சிலையை அவரது நெருங்கிய நண்பரும் தமிழக முதல்வருமான கலைஞர் கருணாநிதி அவர்களால் இன்று புகழ்பெற்ற மெரினாக்கடற்கரையின் அருகில் திறந்து வைக்கப்பட்டது. இந்நிகழ்ச்சிக்கு திரையுலகமும் பொதுமக்களும் திரண்டு வந்திருந்தனர். அப்போது நடிகர்திலகம் சிவாஜி சமூகநலப் பேரவையின் சார்பில் வழங்கப்பட்ட வரவேற்புரை.

அவன் ஒரு சரித்திரம்

நடிகர்திலகம் சிவாஜி அவர்கள் மறைந்து ஐந்து ஆண்டுகள் ஆகியும், அவருக்கு ஒரு நினைவிடமோ, சிலையோ அமைக்கப் படாமல் இருந்தது கண்டு லட்சோப லட்சம் ரசிகர்கள் மனம் வெதும் பினர்.

இந்நிலையில், திராவிட முன்னேற்றக் கழகம் தனது தேர்தல் அறிக்கையிலேயே சிவாஜிக்கு மணிமண்டபம், சிலை அமைக்கப்படும் என்று அறிவித்தது. ஆட்சிக்கு வந்தவுடன் மிகச்சிறப்பு வாய்ந்த மெரீனா கடற் கரையில், சிவாஜி சிலையை அமைக்க உத்தரவிட்டு, தன்னுடைய நட்பின் மேன்மையை வெளிப்படுத் தியிருக்கிறார் நடிகர் திலகத்தின் நெருங்கிய நண்பரும், தமிழக முதல்வருமான டாக்டர் கலைஞர் அவர்கள். கப்பலோட்டிய தமிழனையும், வீரபாண்டிய கட்டபொம்மனையும், தியாகி கள், அறிஞர்கள், கடவுளர்கள் ஆகியோரையும் நம் கண் முன்னே கொண்டு வந்து நிறுத்தியதோடு குடும்பப் பாசம், தேசப்பற்று ஆகியவற்றை தன் நடிப்பால் இளைஞர்களுக்கு ஊட்டி வளர்த்தவர் நடிகர்திலகம் சிவாஜி.

நடிப்பில் மட்டுமல்ல, தன்னுடைய செயலாலும் அத்தகையோரைப் போற்றியவர் நடிகர்திலகம். பாஞ்சாலங்குறிச்சி யில் கட்டபொம்மன் தூக்கிலிட்பபட்ட இடத்தை தானே வாங்கி, பல ஆண்டு காலம் தன் சொந்த செலவிலேயே பராமரித்து, இறுதியில், தமிழக அரசிடம் அந்த இடத்தை ஒப்படைத்தவர் சிவாஜி. இந்திய-சீனப் போரின்போது எல்லையில் நடிகர், நடிகைகளை ஒன்றுதிரட்டிச் சென்று கலை நிகழ்ச்சிகள் நடத்தி போர் வீரர்களை உற்சாகப்படுத்திய தோடு, பெருந்தொகையை யுத்த நிதியாகவும் வழங்கினார். பாரதியாருக்கு எட்டயபுரத் தில் மாபெரும் விழா எடுத்தார். இப்படி சிவாஜி பெருமை சேர்த்தவர்களின் பட்டியல் நீளும்.

நடிகர்திலகத்திற்கு பராசக்தியில் முதல் வசனத்தை எழுதிய டாக்டர் கலைஞர் அவர்களே தமிழகத்தின் முதல் சிலையை நிறுவுவது மிகவும் பொருத்தமான ஒன்றாகும்.

தமிழினத்திற்குப் பெருமை சேர்த்தவர்களைப் போற்றுவதிலும், அவர்களுக்கு நினைவுச் சின்னங்கள் அமைப்பதிலும் டாக்டர் கலைஞர் அவர்களுக்கு நிகர் யாருமில்லை என்பதை, நடிகர்திலகம் சிவாஜி சிலை திறப்பு மூலம் மீண்டும் நிரூபித்திருக்கிறார்.

நம் இதயக்கோயிலில் என்றென்றும் வீற்றிருக்கும், அவன் தான் மனிதன் என்று வாழ்ந்து மறைந்த அந்த உயர்ந்த மனிதனை, வரலாற்று நாயகனை கம்பீரமான சிலை உருவில் காண வருகை புரிந்துள்ள அனைவரையும், நடிகர்திலகம் சிவாஜி சமூகநலப் பேரவையின் சார்பில் வரவேற்கிறோம்.

நன்றி மாலைமுரசு

எங்கள் தங்கமடா

சென்னை, ஜூலை 22:

சிங்கத் தமிழனடா; சிவாஜி கணேசனடா;

எங்கும் புகழ் மணக்கும் எங்கள் தங்கமடா!

வங்கக் கடலோரம் சிலையாக வந்தாரடா;

வாழும் நாளெல்லாம் கலையாக வாழ்ந்தாரடா!

பொங்கு தமிழர் கண்டெடுத்த புதையலடா;

புத்தர் வழி வந்த காந்தி மகான் பக்தரடா!

பெருந்தலைவர் காமராசர்

விரும்பி நின்ற வீரமிகுத் தளபதியடா!

பெரியார்க்குப் பிரியமுள்ள பேரனடா;

வறியோர்க்கு வாரி இறைத்த வள்ளலடா!

பேரறிஞர் அண்ணாவின் தம்பியடா

பெருங்குடும்பம் கலைக் குடும்ப

அருங்கலைஞர் ஆருயிர் நண்பனடா;

அவர் உயிருக்கும் மேலான தோழனடா!

அலைகடல் பெருகி எதிர்த்த போதும்

மலை பல உருண்டு தடுத்த போதும்

கலையுலக வேந்தனுக்குக் கட்டாயம்

சிலை வைத்தே தீருவோ மென்ற

நிலை குலையா நெஞ்சத்தைப் பெற்றோமடா;

தலை வணங்காத் தமிழனுக்கு

தமிழ்க் குலம் போற்றுகின்ற

தன்மானக் கடமைதனைச் செய்தோமடா!

சிங்கத் தமிழனடா; சிவாஜி கணேசனடா;

எங்கும் புகழ் மணக்கும் எங்கள் தங்கமடா!

(சிவாஜி பற்றி முதல்வர் கருணாநிதி இயற்றிய இந்த இசைப்பாடலை, சிவாஜி சிலை திறப்பு விழாவில், டாக்டர். சிவசிதம்பரம் இசையமைத்து பாடினார்.)

நன்றி தினகரன்