குழந்தைகளின் உணவு பழக்கம் அவர்களிற்கு இதய நோய் ஏற்படுவதற்கு காரணமாகலாம் .....

அண்மையில் 3-5 வயதுக்கு உட்பட்ட 1076 சிறுவர்களின் உணவு பழக்கம், அவர்களின் குருதியில் இருக்கும்  உயர் அடர்த்தி கொல்ஸ்திரோல் (HDL - cholesterol), குறைந்த அடர்த்தி உடைய கொல்ஸ்திரோல் (LDL - cholesterol) தொடர்புகளை ஆய்வு செய்யப்பட்டது. குருதியில் அதிக அளவில் குறைந்த அடர்த்தி உடைய கொல்ஸ்திரோல் (LDL - cholesterol) இருப்பது இதய வருத்தங்கள் ஏற்படும் சந்தர்ப்பத்தை அதிகரிக்கும் காரணி ஆகும்.

அதிக கொழுப்புள்ள / உடல் நலனுக்கு உதவாத (அதிக சீனி, குறைந்த நார் சத்து) உணவுகள் கொடுக்கப்பட்ட சிறுவர்களின் குருதியில் அதிகரித்த LDL - cholesterol இருப்பது அறியப்பட்டது, இது பின்னாளில் இதய வருத்தங்கள்  ஏற்பட காரணமாகலாம். அத்துடன் சிறுவர்களுக்கு தரமான அதிக மரக்கறி, பழ வகைகளை கொடுக்கும் பொது அவர்களின் குருதியில் கொல்ஸ்திரோல் அளவு நல்ல நிலையில் இருப்பது அறியப்பட்டது. மேலும் சிறுவர்கள் தொலைக்காட்சி பார்க்கும் பொது உணவு கொடுப்பது, சிற்றுண்டி , பழச்சாறு என்பவை கொடுப்பதால் அவர்களின் வயிறு நிரம்பி விடும் எனவும், இதனால் சரியான சாத்தான் உணவுகளை உண்ணாது போக சந்தர்ப்பம் அதிகம் எனவும் சொல்லபடுகிறது. இதன் காரணமாக சிறுவர்கள் தொலைக்காட்சி பார்க்கும் பொது உணவு கொடுப்பதை தவிர்ப்பதும், அவர்களுக்கு பல்வேறுப்பட்ட சத்தான உணவுகளை கொடுத்து அவர்களுக்கு உணவை ரசித்து சாப்பிட பழக்குவதும் அவசியம் என சொல்லப்படுகிறது.

மேலும் அறிய

http://www.theglobeandmail.com/life/health-and-fitness/health/poor-preschooler-eating-habits-can-raise-cholesterol-set-stage-for-heart-disease/article12600105/

http://www.cmaj.ca/content/early/2013/06/17/cmaj.121834

குழந்தைகளின் உணவு பழக்கத்தை தீர்மானிப்பதில் பெற்றோரின் பங்கு மிக முக்கியமானது. எனவே உங்கள் குழந்தைகள் எதிர்காலத்தில் இதய நோயாளி ஆவதை தவிர்க்க விரும்பினால் சிறுவயதில் இருந்தே தரமான சத்தான உணவை கொடுத்து வளருங்கள்.

Edited June 18, 201312 yr by KULAKADDAN