இலங்கையில் நடைபெறும் காமன்வெல்த் மாநாட்டில் இந்தியா பங்கேற்கக் கூடாது

1987ஆம் ஆண்டு இந்திய-இலங்கை ஒப்பந்தத்தை திருத்தம் ஏதுமின்றி நிறைவேற்ற வேண்டும் என்பது உள்ளிட்ட கோரிக்கைகளை வலியுறுத்தி ஆகஸ்ட் 8-ந் தேதி தமிழகத்தில் மாவட்ட தலைநகரங்களில் டெசோ சார்பில் ஆர்ப்பாட்டம் நடத்த தீர்மானம் நிறைவேற்றப்பட்டுள்ளது. 

தமிழீழ விடுதலைக்கான ஆதரவாளர்கள் அமைப்பான டெசோவின் கூட்டம் சென்னையில் திமுக தலைவர் கருணாநிதி தலைமையில் இன்று நடைபெற்றது. இந்தக் கூட்டத்தில் திராவிடர் கழகத் தலைவர் கி.வீரமணி, விடுதலை சிறுத்தைகள் கட்சியின் தலைவர் தொல். திருமாவளவன், திராவிட இயக்க தமிழர் பேரவையின் தலைமை நிர்வாகி சுப. வீரபாண்டியன், திமுகவின் மு.க. ஸ்டாலின், சுப்புலட்சுமி ஜெகதீசன் உள்ளிட்டோர் கலந்து கொண்டனர்.

இந்தக் கூட்டத்தில், 1987ஆம் ஆண்டு இந்திய-இலங்கை ஒப்பந்தத்தை எந்தத் திருத்தமும் இல்லாமல் நிறைவேற்ற வேண்டும், இலங்கையில் நடைபெறும் காமன்வெல்த் மாநாட்டில் இந்தியா பங்கேற்கக் கூடாது, தமிழக மீனவர் பிரச்சனைக்கு நிரந்தர தீர்வு காண வேண்டும், இலங்கையில் தமிழர் பகுதியில் சிங்களக் குடியேற்றங்களை தடுக்க வேண்டும் என தீர்மானங்கள் நிறைவேற்றப்பட்டன. மேலும் இந்த கோரிக்கைகளை வலியுறுத்தி ஆகஸ்ட் 8-ந் தேதி மாவட்ட தலைநகரங்களில் டெசோ சார்பில் ஆர்ப்பாட்டம் நடத்தவும் இக்கூட்டத்தில் தீர்மானிக்கப்பட்டுள்ளது.

ஈழத் தமிழ் மக்களின் பிரச்சினைக்கு 13 ஆவது சட்டத்திருத்தம் ஒரு முழு அரசியல் தீர்வாக அமையாது எனவும், இன்று திமுக தலைவர் கருணாநிதி தலைமையில் நடைபெற்ற டெசோ கூட்டத்தில் நிறைவேற்றப்பட்ட ஒரு தீர்மானத்தில் கூறப்பட்டுள்ளது.

இலங்கை உள்ளிட்ட அனைத்து நாடுகளிலும் வாழும் ஈழத் தமிழர்களிடையே பொது வாக்கெடுப்பு நடத்தி, அவர்களுடைய கருத்தினைக் கேட்டுத் தீர்வு காண்பதுதான், ஈழத் தமிழர்களின் நலனுக்கு உகந்த தீர்வாக இருக்கும் என்பதே டெசோ அமைப்பின் நிலைப்பாடாகும் எனவும் அக்கூட்டத்தின் தீர்மானம் கூறுகிறது

இருப்பினும் தற்காலிகத் தீர்வாகவாவது, ராஜீவ் ஜெயவர்த்தன ஒப்பந்தம் பயன்பட வேண்டும் என்றும் டெசோ கூட்டத்தில் தெரிவிக்கப்பட்டது .

இலங்கை அதிபர் மற்றும் அவருடைய அமைச்சரவையில் உள்ளவர்கள் தெரிவித்து வரும் கருத்துக்கள் இந்த ஒப்பந்தத்திற்கு ஊறுவிளைவிக்கும் வகையில் அமைந்துள்ளது என்றும், எனவே இந்திய அரசு அந்த ஒப்பந்தத்தை, எந்தவித திருத்தங்களும் இல்லாமல் நிறைவேற்றப்படுவதற்குப் பொறுப்பேற்க வேண்டும் என்று டெசோ வலியுறுத்துவதாகவும், இந்நிலையிலேயே மாநிலம் முழுதும் ஆர்ப்பாட்டங்கள் நடத்துவதெனவும் அக்கூட்டத்தில் தீர்மானிக்கப்பட்டது.

 

தமிழக மீனவர்கள் தொடர்ந்து இலங்கை கடற்படையினரால் தாக்கப்படுகின்றனர், இலங்கையில் பாரம்பரிய தமிழ் பிரதேசங்களில் சிங்களக் குடியேற்றம் நடைபெறுகிறது எனக் குறை கூறும் தீர்மானங்களும் இலங்கைத் தமிழர்களுக்கு இழைக்கப்பட்ட கொடுமைகள் குறித்து விசாரணை எதுவும் நடைபெறாத நிலையில் கொழும்பு காமன்வெல்த் மாநாட்டை இந்தியா புறக்கணிக்கவேண்டும் என வலியுறுத்தும் தீர்மானமும் இன்றைய கூட்டத்தில் நிறைவேற்றப்பட்டன.

http://www.globaltamilnews.net/GTMNEditorial/tabid/71/articleType/ArticleView/articleId/94089/language/ta-IN/article.aspx

 

அப்ப மன்மோகனின் 13+, 13++, 13+++ வாக்குறுதிகள் என்வாச்சு? அது வேண்டாம் என்று கருணாநிதி சிங்கள அரசின் சார்பில் செயற்படுகிராரோ?

ஈழத் தமிழரின் சனத்தொகையை குறைக்கும் வகையில், தமிழகத்தில் உள்ள ஈழத் தமிழ்  மக்களை ஆஸ்திரேலியா செல்ல அனுமதிக்க வேண்டும் அண்மையில் கருணாநிதி கொலைகார சிங்கள அரசின் சார்பாக அறிக்கை விட்டவர் தானே.

இதற்காக கருணாநிதி சிங்கள அரசிடம் எவ்வளவு காசு வாங்கினார் என்பதை வெளிப்படையாக கூற வேண்டும்.