கோத்தாபயவை கண்டிப்பாராம் - நாராயணசாமி

கோத்தாபயவை கண்டிப்பாராம் - நாராயணசாமி
27 அக்டோபர் 2013



கொமன்வெல்த் மாநாட்டில் பங்கேற்காவிடில், இந்தியா தனிமைப்படுத்தப்படும் எனக் கூறிய இலங்கைத் தூதர் கரியவசத்துக்கு மத்திய இணை அமைச்சர் வி. நாராயணசாமி கண்டனம் தெரிவித்துள்ளார். குறிப்பாக இந்திய உள்விவகாரங்களில் தலையிட அவருக்கு எந்தவித உரிமையும் இல்லை என்றும் அவர் குறிப்பிட்டார். தமிழகத்தின் காரைக்காலில் நேற்று (26.10.13) ஊடகவியலாளர்களிடம் கருத்து வெளியிட்ட அவர்

'இலங்கை சிறையில் உள்ள காரைக்கால் மீனவர்களை மீட்க மத்திய அரசு நடவடிக்கை எடுத்துள்ளது. மீனவர் பிரச்னை தொடர்பாக அடுத்த வாரம் இந்தியாவுக்கு வரும் இலங்கை ஜனாதிபதியின் சகோதரர் கோத்தாபய ராஜபக்ஷவிடம் விரிவாக பேசப்படும்.

இலங்கை கொமன்வெல்த் மாநாட்டில் இந்தியா பங்கேற்பது தொடர்பான தமிழக மக்களின் உணர்வுகள் குறித்து பிரதமரிடம் எடுத்துரைக்கப்பட்டுள்ளது.

காமன்வெல்த் மாநாட்டில் பங்கேற்கவில்லையெனில், இந்தியா தனிமைப்படுத்தப்படும் என இலங்கைத் தூதர் பிரசாத் கரியவாசம் கூறியது கண்டனத்துக்குரியது. இந்திய உள் விவகாரங்களில் தலையிட அவருக்கு உரிமை கிடையாது. இது குறித்து இந்திய அரசின் கண்டனத்தை புதுதில்லிக்கு வரவுள்ள கோட்டாபாய ராஜபக்ஷவிடம் தெரிவிக்கப்படும்' எனத் தெரிவித்துள்ளார்.
 
http://www.globaltamilnews.net/GTMNEditorial/tabid/71/articleType/ArticleView/articleId/98190/language/ta-IN/article.aspx