இலங்கையில் நடைபெறவுள்ள கொமன்வெல்த் மாநாட்டில் நியூசிலாந்து பங்கேற்கக் கூடாது என்பதை வலியுறுத்தி ஒக்லாந்தில் மாபெரும் போராட்டம் 30.10.2013

இலங்கையில் எதிர்வரும் நவம்பர் மாதம் நடைபெறவுள்ள கொமன்வெல்த் மாநாட்டில் நியூசிலாந்து பங்கேற்கக் கூடாது என்பதை வலியுறுத்தும் நோக்குடன் நடாத்தும் மாபெரும் எதிர்ப்பு போராட்டம், புதன்கிழமை அக்டோபர் 30 ஆம் நாள் 2013 அஒதிய சென்டரில் (Aotea Centre, 50 Mayoral Dr, Auckland CBD, Auckland.) மாலை 04.45 மணிக்கு நடைபெறவுள்ளது.

30 ஆண்டுகளுக்கு முன்னர் யூலையில் ஆரம்பித்த தமிழினப்படுகொலை இன்று 29 ஆண்டுகள் கடந்தும் தொடர்கின்றது. தனது பொறுப்பில் இருந்து தவறி நிற்கும் சர்வதேசத்தை அதன் மனிதநேயக் கடமைகளை ஆற்ற வைக்க நாம் தொடர்ந்தும் கடுமையாக உழைக்க வேண்டும். இது நாம் துவண்டு கிடக்கும் நேரமல்ல விவேகத்துடன் விரைந்து செயற்படும் காலம்.

முள்ளிவாய்க்காலில் பல இலட்சம் தமிழர்களை இனப்படுகொலை செய்த சிறிலங்கா அரசு இன்றளவும் மூடிமறைத்தே வருகிறது. தமிழர்களுக்கு சரியான நீதி கிடைக்கா இவ்வேளையில், இலங்கையில் கொமன்வெல்த் நடைபெறுவதை தமிழர்கள் யாவரும் அனுமதிக்கக் கூடாது.

இனப்படுகொலை இலங்கையில் கொமன் வெல்த் மாநாடு நடத்தக்கூடாது என உலகம் முழுவதும் தமிழர்கள் போராடிவருகின்றார்கள். மனிதாபிமான அமைப்புகள் தலைவர்களை எமக்கு ஆதரவாக திரும்பி இலங்கைக்கு அழுத்தங்களை கொடுக்க புலம்பெயர் தமிழர்கள் அதிதீவிர முயற்சி எடுத்து வருகின்றார்கள்.
.
தற்போதைய நிலையில் எப்பாடு பட்டாவது கொழும்பில் கொமன்வெல்த் மாநாடு நடைபெறாமல் தடுக்க வேண்டியது உலகத் தமிழர்களது உடனடி கடமையாகும். நியூசிலாந்து மக்களாகிய நாம் , எமது பங்கிற்கு கொமன்வெல்த் மாநாட்டிற்க்கு ஆதரவு தெரிவிக்கும் நியூசிலாந்து அரசாங்கத்திற்கு உடனடியாக நெருக்கடி கொடுத்து அதில் இருந்து பின்வாங்கச் செய்யவேண்டும்.

நாம் ஆரம்பிக்கும் இப்போராட்டத்தின் விளைவாக நியூசிலாந்து அரசாங்கம் இலங்கை நோக்கிய பயணத்தை உடனடியாக கைவிட்டு , இலங்கை அரசாங்கத்திட்கு தொடர் அழுத்தங்களை கொடுக்க வேண்டும்.
 

சர்வதேசமும், மனித உரிமை அமைப்புக்களும் இலங்கைக்கு அழுத்தம் கொடுக்கின்ற இவ்வேளையில் புலம் பெயர் தமிழர்களாகிய நாங்கள் ஒன்றுபட்டு ஒரே குடையின் கீழ் தமிழின அழிப்பையும், ஐ.நா தலைமையில் தமிழீழ சுதந்திரத்திற்கான வாக்கெடுப்பையும் முன்நிறுத்தி எம் இனத்தின் விடிவிற்காக ஒவ்வொரு தமிழனும் ஒற்றுமையாக ஒன்றுகூடுவோம்.

இடம்: அஒதிய சென்டரில் (Aotea Centre, 50 Mayoral Dr, Auckland CBD, Auckland.)
காலம்: அக்டோபர் 30 , புதன்கிழமை
நேரம்: மாலை: 4:45 மணி

இலட்சியத்தில் ஓர்மம் கொண்டு ஒன்றுபட்டு உறுதிகொண்ட மக்களே வரலாறு படைப்பார்கள்.
வாருங்கள், வரலாறாக வாருங்கள்.
ஒன்றாய் இணைந்து வரலாறு படையுங்கள்.

(event page: https://www.facebook.com/events/377278892404069/?source=1)

Edited October 28, 201312 yr by துளசி