அமெரிக்காவின் LSSU எனப்படும் பல்கலைக் கழகத்தால் கடந்த 39 வருடங்களாக ஒவ்வொரு வருடமும் ஆங்கில அகராதியில் தடை செய்ய வேண்டும் என்று கருதப் படும் சொற்களின் பட்டியல் வெளியிடப் படும்.

அந்த வகையில் கடந்த 2013 ஆம் ஆண்டு மிக மோசமாகப் பாவிக்கப் பட்டு இவ்வருடம் தடை செய்யப் பட வேண்டும் என்று கருதப்படும் சொற்களின் பட்டியலில் சமீபத்தில் ஆக்ஸ்ஃபோர்ட் அகராதியில் புதிதாகச் சேர்க்கப் பட்ட செல்ஃபியே (Selfie) என்ற வார்த்தை அடங்கியுள்ளது.

Selfie தவிர்த்து மற்றைய வார்த்தைகளாக 'Twerking' மற்றும் 'hashtag' ஆகியவை உள்ளடக்கப் பட்டுள்ளன. இந்த வார்த்தைகளை நீக்குவதற்குக் குறித்த பல்கலைக் கழகம் கூறும் காரணம் ஒன்று இவை தவறாகப் பாவிக்கப் படுதல் அல்லது அளவுக்கு அதிகமாகப் பாவிக்கப் படுதல் அல்லது பிரயோசனமற்றவை என்பதாகும். கடந்த வருடம் இப்பட்டியலில் 'double down', 'bucket list' மற்றும் 'YOLO' ஆகியவை அடங்கியிருந்தன.

இந்நிலையில் 2014 இல் தடை செய்யப் பட வேண்டும் என மும்மொழியப் பட்ட வார்த்தைகளில் 'Selfie' என்பது தனது ஸ்மார்ட் ஃபோன் மூலம் தன்னைத் தானே எடுக்கும் புகைப் படத்தையும் 'Twerk' என்பது ஒரு பிரசித்தமான பாடலுக்கு ஆபசாமான நடன அசைவுகளுடன் கூடிய நடனத்தையும் 'Hashtag' என்பது கணனித் தட்டச்சில் # எனும் குறியீட்டுடன் டுவிட்டரில் பதியப் படும் சொல்லையும் குறிப்பன ஆகும்.

http://www.4tamilmedia.com/newses/world/19726-selfie-should-be-banned-from-2014-dictionary

Twerk என்டைதை எடுத்தால் கறுப்பு இளசுகள் தான் பாவம் அகராதியில் சேர்த்தவுடனேயே இதுகள் அடிச்ச Twerking  பஸ் தரிப்பிடங்களிலும் நிலக்கீழ் தொடரூந்துகளிலும் படு அவலட்சனம் இப்படியாண அசைவுகள் வேறு நடனங்களில் உண்டா? யாரவது இதில் கிரீடம் எடுத்திருந்தால் விளக்கவும்