உலகம் முழுவதும் உள்ள தொழிலாளர்கள் மே முதல் தேதியை மே தினம் என்றும் தொழிலாளர் தினம் என்றும் கொண்டாடி மகிழ்கிறார்கள்.

18 ஆம் நூற்றாண்டின் இறுதியிலும் 19 ஆம் நூற்றாண்டின் ஆரம்பத்திலும் வளர்ச்சியடைந்த நாடுகளில் தொழிலாளர்கள் ஒரு நாளைக்கு 12 முதல் 18 மணி நேரம் வரை வேலை செய்ய வேண்டும் என்ற கட்டாயம் இருந்தது. இதற்கு எதிரான குரல்கள் பல்வேறு நாடுகளில் ஆங்காங்கே எழத் ...தொடங்கியது. இதில் குறிப்பிடத்தக்கது இங்கிலாந்தில் தோன்றிய சாசன இயக்கம் (Chartists). சாசன இயக்கம் 6 முக்கியக் கோரிக்கைகளை முன்வைத்து தொடர் இயக்கங்களை நடத்தியது. அதில் குறிப்பிடத்தக்கது 10 மணி நேர வேலை என்ற கோரிக்கை.1830 ஆம் ஆண்டு, பிரான்சில் நெசவுத் தொழிலாளர்கள் தினமும் 15 மணி நேரம் உழைத்து வந்தனர்.இதனை எதிர்த்து அவர்கள் வேலை நிறுத்தப் போராட்டத்தில் ஈடுபட்டனர்.

1834 இல் ஜனநாயகம் அல்லது மரணம் என்ற வாசகத்தை முன்வைத்துக் கிளர்ச்சியில் ஈடுபட்டனர். ஆனால், இது தோல்வியில் முடிந்தது. ஆஸ்திரேலியா விலுள்ள மெல் போர்னில் கட்டிடத் தொழிலாளர்கள் 1856 இல் முதன்முதலாக 8 மணி நேர வேலை என்ற கோரிக்கையை முன்வைத்தனர். வேலை நிறுத்தத்தில் ஈடுபட்டு வெற்றியும் பெற்றனர்.

1896 ஏப்ரலில் லெனின் மே தினத்திற்காக எழுதிய சிறுபிரசுரத்தில், ரஷ்யத் தொழிலாளர் களின் நிலைமை குறித்து விரிவாக அலசினார். மேலும், ரஷ்யத் தொழிலாளர்களின் பொருளாதாரப் போராட்டம் அரசியல் போராட்டமாக எழுச்சி கொள்ள வேண்டும். என்பதையும் வலியுறுத்தினார். தொழிலாளி களின் 8 மணி நேர வேலைக்கான போராட்டங்களே ரஷ்யப் புரட்சிக்கு வித்திட்டது எனலாம்.அமெரிக்காவின் பல்வேறு மாநிலங்களில் உள்ள தொழிலாளர் இயக்கங்களை இணைத்து, அமெரிக்கத் தொழிலாளர் கூட்டமைப்பு என்ற இயக்கம் உருவாக்கப் பட்டது. இந்த இயக்கம் 1886, மே 1 ஆம் நாள் நாடு தழுவிய வேலை நிறுத்தத்திற்கு அறைகூவல் விடுத்தது. இந்த இயக்கமே மே தினம் தோன்றக் காரணமாக இருந்தது எனலாம்.

1889 ஆம் ஆண்டு பிரான்ஸ் நாட்டின் தலைநகர் பாரிசில் சோசலிசத் தொழிலா ளர்களின் சர்வதேசத் தொழிலாளர் பாராளு மன்றம் கூடியது. 18 நாடுகளிலிருந்து 400 பிரதிநிதிகள் இக்கூட்டத்தில் கலந்து கொண்டனர். கார்ல் மார்க்ஸ் வலியுறுத்திய 8 மணி நேரப் போராட் டத்தை முன்னெடுத்துச் செல்வது என்று முடிவு செய்தனர். 1890 மே 1 ஆம் நாள், அனைத் துலக அளவில் தொழிலாளர்கள் இயக்கங்களை நடத்திட அறைகூவல் விடுக்கப்பட்டது. இந்த அறைகூவலே, மே முதல் நாள் சர்வதேச தொழிலாளர் தினமாக - மே தினமாக வருவதற்குக் காரணமாக அமைந்தது.

அடுத்த ஆண்டிலிருந்து உலக நாடுகள் பலவற்றில் விடுமுறையும் அறிவிக்கப்பட்டது .!

மூலம் கேக்காதீங்கோ..எங்காவது கொள்ளை அடிச்சு சேர்த்து வைச்சு இருந்துட்டு இப்படியான நாளுகளில் போடுவது வழக்கம்.

Edited May 2, 201411 yr by யாயினி

முதல் மே நாளின் போது உருசியாவில் ஒட்டப்பட்ட சுவரொட்டி.

 

திரட்டிய... தகவல்களுக்கு நன்றி.
ஆக்கம்: யாயினி. என்று போட்டு விடுங்கோ.

 

பிற்குறிப்பு:
தொழிளாளர் (மே) தினம் எப்படி வந்து...?
தொழிளாளர் (மே) தினம் எப்படி வந்த‌து...?
தலைப்பை பார்க்க... சிங்களவன், தமிழ் கதைச்ச மாதிரி இருக்கு.

 

Edited May 2, 201411 yr by தமிழ் சிறி

திரட்டிய... தகவல்களுக்கு நன்றி.

ஆக்கம்: யாயினி. என்று போட்டு விடுங்கோ.

 

பிற்குறிப்பு:

தொழிளாளர் (மே) தினம் எப்படி வந்து...?

தொழிளாளர் (மே) தினம் எப்படி வந்த‌து...?

தலைப்பை பார்க்க... சிங்களவன், தமிழ் கதைச்ச மாதிரி இருக்கு.

 

 

தலைப்பு மாற்றப்பட்டுள்ளது..

தலைப்பு மாற்றப்பட்டுள்ளது....மே தினம் என்று தானே பேசிக் கொள்கிறார்கள்..அவர்களுக்காகத் தான் அப்படி எழுதினேன்..நான் ஏதாச்சும்  எழுதினால் பார்ப்பவர்கள்,கருத்து எழுதுறவர்கள் மிகவும் குறைவு..சோ டோன்ற்வொறி சிறியண்ணா.  

 

அடிக்குறிப்பு சும்மா பண்ணுக்காக எழுதினான்