திறமையை வளர்த்துக் கொள்ளுங்கள்

திறமையை வளர்த்துக் கொள்ளுங்கள்

டாக்டர் எம்.எஸ். உதயமூர்த்தி

தொழிலில் இறங்கும் நாம் தொழிலதிபர்களை வெற்றி பெறச் செய்த குணங்கள் எவை? அவற்றை நாம் வளர்த்துக் கொள்ள முடியுமா என்று யோசிக்கவேண்டும்.

தொழில் செய்பவர் என்ன செய்கிறார்? ஒரு பொருளை விற்கிறார். தன்னிடம் இருக்கும் பொருளை இடமாற்றம் செய்கிறார். அதனால்தான் நம் வீட்டுக்கு மளிகைக் கடையிலிருந்து சர்க்கரை வந்து சேருகிறது.

நேற்று வரை அந்த வகை சோப்பு இல்லை. நேற்று வரை குடிநீரை சுத்தப்படுத்தும் கருவி இல்லை. ஒரு காலத்தில் சிக்கிமுக்கிக் கல்தான் இருந்தது. இப்போது தீப்பெட்டியை அவர் உற்பத்தி செய்கிறார். முன்பு ஓரிடத்திலிருந்து மற்றோர் ஊருக்கு நடந்து போனார்கள். இப்போது நமது தொழிலதிபர் பஸ் விடுகிறார்.

இல்லாத ஒன்றை ஏற்படுத்துகிறார்; உருவாக்குகிறார்; மனித தேவையைப் பூர்த்தி செய்கிறார். கடல் தண்ணீரில்தான் உப்பு கரைந்து கிடக்கிறது. எங்கள் உப்பளக்காரர் கடல் தண்ணீரைப் பாத்தி கட்டி, காயவைத்து, உப்பெடுத்து கடைகளுக்கெல்லாம் விற்கிறார். நம் வீட்டுக்கு உப்பு வருகிறது.

சொந்த பணம்!

எப்படி இதைச் செய்கிறார்? தன் உழைப்பைக் கொட்டுகிறார். சிலருக்கு வேலை கொடுக்கிறார். தன் சொந்த பணத்தைப் போட்டு ஆட்களுக்கு சம்பளம் கொடுக்கிறார். நாளை உப்பு விற்கும்போது இதை எடுத்துவிடலாம் என்று அவருக்குத் தெரியும். அவரிடம் சம்பளம் கொடுக்கவும் தூசியிலிருந்து உப்பைக் காக்க கொட்டகையும் போடுகிறார். அதற்கு அவரிடம் பணம் இருக்கிறது.

அந்த மனிதர் சாதனையாளர் ! ஏன்?

சமுத்திரத்தை தினமும் பார்க்கிறவர்கள் ஏராளம்! கடல் தண்ணீரில் காலை நனைத்தவர்கள் ஏராளம்! ஒரு சிலர்தான் கடல் தண்ணீருக்குள் உப்பு ஒளிந்திருப்பதைப் பார்க்கிறார்கள். ஒரு சிலர்தான் அதை வெளிக் கொண்டுவரலாம் என நினைக்கின்றனர். ஒரு சிலர்தான் அதில் பணம் ஒளிந்திருக்கிறது என்பதை புரிந்து கொள்கிறார்கள்.

அந்த மனிதர் வெறும் உப்பளக்காரர் அல்ல; புத்திசாலி! சூட்சுமமான மனிதர்! உழைக்க; வெயிலில் நிற்க தயங்காதவர். தொழிலதிபராக-தொழில் முனைவோராக மாற எது உதவும்?

பாரம்பரியம் உதவும்

உங்கள் தந்தையோ, மாமாவோ, அண்ணனோ தொழில் செய்துகொண்டிருந்தார்களானால