ஸ்வீடன் நாட்டு தொழில்நுட்பத்துடன் தஞ்சை பெரிய கோயிலில் 31 இடங்களில் கண்காணிப்பு கேமரா

அதன்படி தஞ்சை பெரிய கோயில் மராட்டா நுழைவு வாயில், கேரளந்தான் நுழைவு வாயில், ராஜராஜன் நுழைவு வாயில், விமான கோபுரம், நந்தி மண்டபம், கோயில் திருச்சுற்று என்று 31 இடங்களில் கண்காணிப்பு கேமராக்கள் பொருத்தும் பணி கடந்த சில மாதங்களுக்கு முன் துவங்கியது. இந்த பணிகள் அனைத்தும் முடிவு பெற்றதையடுத்து கண்காணிப்பு கேமராக்கள் நேற்று முதல் செயல்பட துவங்கியது.இக்கேமராக்களை கண்காணிப்பதற்கான கட்டுப்பாட்டு அறை பெரிய கோயில் ராஜராஜன் நுழைவு வாயில் பகுதியில் உள்ள ஒரு அறையில் ஏற்படுத்தப்பட்டுள்ளது. இந்த கட்டுப்பாட்டு அறையை டிஎஸ்பி சுகுமாறன் நேற்று துவக்கி வைத்தார். 

அதிநவீன தொழில்நுட்பம்
தஞ்சை பெரிய கோயிலில் 31 இடங்களில் பொருத்தப்பட்டுள்ள கண்காணிப்பு கேமராவில் 10 கேமராக்கள் அதிநவீன தொழில்நுட்பம் கொண்டது. இந்த 10 கேமராக்கள் 1000 மீட்டர் சுற்றளவில் எந்த ஒரு நிகழ்வையும் துல்லியமாக படம் பிடித்து சேமிப்பில் வைத்து கொள்ளும். கோயில் உள்ளே வந்தவர்களில் சந்தேகப்படும் நபரை கட்டுப்பாட்டு அறையில் இருந்து கொண்டே ஒரு கேமராவில் அந்த நபரை குறிப்பிட்டால் மற்ற எல்லா கேமராவும் அந்த நபர் எங்கு சென்றாலும் அவரது அனைத்து நடவடிக்கையையும் பதிவு செய்யும். உடனுக்குடன் கட்டுப்பாட்டு அறைக்கு அந்த நபர் குறித்த அனைத்து தகவல்களும் வந்து கொண்டே இருக்கும்.

http://www.dinakaran.com/News_Detail.asp?Nid=93605

Edited May 26, 201411 yr by Athavan CH