-வடிவேல் சக்திவேல்

மட்டக்களப்பு மாவட்டத்தில் தற்போது அதிகமான வயல்கள் தரிசாக விடப்பட்டுள்ளன. இந்த நிலையில்,  விவசாயிகள் மத்தியில் மறுபயிர் செய்கையை விவசாயத் திணைக்களம் அறிமுகப்படுத்தி நெல் வயலில் கிடைக்கும் வருமானத்தை விட 03 மடங்கு வருமானம் மறுபயிர்ச் செய்கையில் கிடைப்பதற்கு சந்தர்ப்பம் ஏற்படுத்திக் கொடுக்கப்பட்டுள்ளது என கிழக்கு மாகாண விவசாய பணிப்பாளர் எஸ்.எம்.குசைன் தெரிவித்தார்.

ஒருங்கிணைந்த விவசாயம் மற்றும் மறுபயிர்ச் செய்கை பற்றி அவரிடம்  கேட்டபேதே அவர் இவ்வாறு கூறினார்.

இது தொடர்பில் மேலும் அவர் தெரிவிக்கையில், 

'அரசாங்கத்தின் மஹிந்த சிந்தனைத் திட்டத்தில் இவ்வருட இறுதிக்கு முன்னர் மாற்றுப்பயிர்ச் செய்கையின் உற்பத்திகளை இறக்குமதி செய்வதைக்  குறைத்து உள்ளூர்; உற்பத்திகளை அதிகரிக்க வேண்டும் என குறிப்பிடப்பட்டுள்ளது. 

கிழக்கு மாகாணத்தில்  30 சதவீதமான அளவு உற்பத்தி செய்யப்பட்டு நெல்லில் தன்னிறைவு அடைந்திருக்கின்றோம். எனவே, விவசாயிகள் தொடர்ந்து நெல் உற்பத்தியில் ஆர்வம் காட்டாமல் நிலக்கடலை சோளன், பயறு போன்ற மாற்றுப்பயிர்ச் செய்கைகளில் அதிக ஆர்வம் காட்ட வேண்டும்.  அது விவசாயிகளின் வாழ்வாதாரத்தை  அதிகரிக்க ஏதுவாக அமையும். 

தற்போது பிரதேச மட்டத்திலும் திவிநெகும செயற்பாட்டின் கீழ் உள்ளூர் உற்பத்திகளை அதிகரிப்பதற்கு நடவடிக்கைகள் மேற்கொள்ளப்பட்டு வருவதை காணக் கூடியதாகவுள்ளது. 

கிழக்கு மாகாணத்திலுள்ள விவசாயிகள் தொடர்ந்து நெற்பயிர்களை மாத்திரம் செய்து சோர்ந்து போயுள்ளனர். வடமாணாகத்திலுள்ள விவசாயிகள், அரச உத்தியோகஸ்தர்கள் 8 மணித்தியாலம் கடமை புரிவது போன்று அவர்களும் 8 மணித்தியாலத்திற்கு மேல் வயலிலே இருந்து கடமை செய்து அதிக வருமானம் ஈட்டுகின்றார்கள். அவர்கள் பல நுட்பங்களையும் யுக்திகளையும் பயன்படுத்தி விசாயத்தினை மேற்கொண்டு வருகின்றார்கள். 

விவசாயிகள் விவசாயத் திணைக்களத்தினை நன்கு பயன்படுத்த வேண்டும். விவசாயத் திணைக்களம் உள்ளீடுகளை வழங்குவது மட்டுமல்லாமல், விவசாயிகள் மத்தியில் புதிய புதிய நுட்பங்களைக் காட்டி ஆலோசனைகள் மற்றும் பயிற்சிகளையும் வழங்கிவருகின்றது' என்றார். 

 

tamilmirror

"கிழக்கு மாகாணத்திலுள்ள விவசாயிகள் தொடர்ந்து நெற்பயிர்களை மாத்திரம் செய்து சோர்ந்து போயுள்ளனர்."

நவீன இரசாயன விவசாயம் செய்தோர் எல்லாம் உலகம் பூரா சோர்ந்து போயுள்ளனர்.

இயற்கை விவசாயத்தில் தான் வருமானம்.

இரசாயன விவசாயம் ஒரு பிரமிட் திட்டம். (Pyramid Scheme)

கனடாவில் ஐம்பது வருடத்திற்கு முன்பு விவசாயி 5 ஏக்கர் வருமானத்தில் வாழ்கை ஓட்டினார் ஆனால் இன்று 2000 ஏக்கர் செய்தால் தான் வருமானம்.

கனடாவிலும் விவசாயிகள் கடன் சுமையால் தற்கொலை செய்கிறார்கள்.