ஈழத்து கலைத்துறையில் மிகவும் பிரபலமான நடிகர்+இயக்குனர் மன்மதன் பாஸ்கி. இவரின் குறும்படங்கள் ரசிகர்கள் மத்தியில் நல்ல வரவேற்பு பெற்றவை. இவர் நம் ‘சினி உலகம்’ நேயர்களுக்காக பல சுவாரசிய தகவல்களை பகிர்ந்துள்ளார். இதோ உங்களுக்காக....

1)உங்களை பற்றியும், சினிமா துறைக்கு வந்ததை பற்றியும் சொல்லுங்கள்?

முதலில் ஒரு பாடகராக தான் என் சினிமா பயணத்தை தொடங்கினேன். பின் படி படியாக ஒவ்வொறு துறையிலும் பயணிக்க ஆரம்பித்தேன். 96ம் ஆண்டு ஆரம்பிக்கப்பட்டது என் பயணம். பாரிஸில் இருக்கும் பொன்குமரன் என்பவர் தான் என்னை இந்த துறைக்கே அறிமுகப்படுத்தினார். நான் முதல் இயக்கிய குறும்படம் நதி. இக்குறும்படம் நிறைய இடங்களில் திரையிடப்பட்டது.

2)நீங்கள் எத்தனை குறும்படங்களை இயக்கிய இருக்கிறீர்கள்?

நான் இதுவரை 12 குறும்படங்களை இயக்கி இருக்கிறேன். இதுவரை 10 குறும்படங்கள் இணையதளங்களில் வெளியாகியுள்ளது. அதோடு நிறைய குறும்படங்களில் நடித்திருக்கிறேன்.

3)நீங்கள் நடிகராக அறிமுகமானது எப்போது?

நான் எப்போது இயக்குனராக அறிமுகமானேனோ, அப்போதே நடிகராக அறிமுகமாகிவிட்டேன்.

4)நீங்கள் இயக்கி படைப்புகளில் உங்களுக்கு பிடித்தது?

நான் இயக்கி படைப்புகள் எல்லாமே பிடிக்கும். அதில் மிகவும் பிடித்தது எனக்கும் உனக்கும், அடங்காமதவி.

5)உங்களுடைய ரோல் மாடல், அல்லது நீங்கள் யாரையாவது பின்பற்றி இருக்கிறீர்களா?

இல்லை இதுவரை நான் யாரையும் ரோல் மாடலாக எடுத்துக் கொள்ளவில்லை. எனக்கு எது சரியாக வருமே அதை தான் நான் செய்து வருகிறேன். ஆனால் இயக்குனர்களில் எனக்கு மிகவும் பிடித்தது பாலா. அவரை போல படம் இயக்க வேண்டும் என்பது எனது ஆசை.

6)தென்னிந்திய சினிமா பிரபலங்களுடைய தொடர்பு உங்களுக்கு எப்படி கிடைத்தது?

தென்னிந்திய சினிமா பிரபலம் என்றால் எனக்கு முதலில் அறிமுகமானது பி.எல். தேனப்பன். எதிர்பாராமல் தான் நான் அவரை சந்தித்தேன்.

7)வஞ்சகம் படத்தை பற்றி சொல்லுங்க?

பி.எல். தேனப்பன் அவர்கள் என்னிடைய பேனரில் ஏதாவது ஒரு குறும்படம் இயக்குங்கள் என்று கூறினார். அப்படி தான் வஞ்சகம் படம் உருவானது.

8)உங்களுடைய அடுத்த படைப்பு?

தெரியவில்லை என்னுடைய அடுத்த படம் எப்போது என்று, கதையெல்லாம் எழுதிக் கொண்டு தான் இருக்கிறோம்.

9)வஞ்சகம் படம் இயக்கும் போது சுவாரஸ்யமான நிகழ்வு பற்றி சொல்லுங்கள்?

சுதா என்பவர் இருக்கிறார், அவர் படப்பிடிப்பை முடித்ததும் உடனே குரட்டை விட்டு தூங்குவார். அதேபோல் நிறைய பேர் லேட்டாக வந்துவிட்டு காமெடியாக காரணம் சொல்லுவார்கள்.

10)தீராநதி திரைப்படத்தை பற்றி சொல்லுங்கள்?

2011ல் காட்சியமைக்கப்பட்டு, 2012 இல் ரிலீஸ் செய்தேன். நான் இயக்கிய ஒரு படம் கூட கஷ்டப்படாமல் இயக்கவில்லை. இப்படமும் மிகவும் கஷ்டப்பட்டு தான் இயக்கி இருக்கிறேன். ஒரு பெரிய சம்பவத்திற்கு பிறகு தான் இப்படம் உருவாகி இருக்கிறது.

11) A Gun And A Ring திரைப்படம் பற்றி?

லண்டன் சென்ற போது நான் அவரை சந்தித்தேன். அப்போது அவர் படத்தின் கதையை சொல்லி இந்த வேடத்தில் நீங்கள் கண்டிப்பாக நடிக்க வேண்டும் என்று கூறினார். ஒரு மாதம் இப்படத்தின் படப்பிடிப்புக்கு சென்றேன். படம் வெளியான பிறகு இப்படம் இவ்வளவு பெரிய வெற்றியடைந்தது பார்த்து நான் அப்படியே மிரண்டு போனேன்.

12)உங்கள் குடும்பத்தில் உங்களுடைய படைப்புகளுக்கு ஆதரவு எப்படி?

என் பெற்றோர்கள் என் படைப்புகளுக்கு சரியான ஆதரவு கொடுத்தார்கள். என்னால் தான் என் பெற்றோர்களுக்கு பெரிய கஷ்டமாக இருந்தது. ஏனென்றால் படைப்புகளை இயக்குவதில் நான் என்னை கவனிக்காமல் இருந்தேன், அது அவர்களுக்கு கொஞ்சம் கஷ்டமாக இருந்தது.

13)உங்களுக்கு நகைச்சுவையான கதாபாத்திரம் பிடிக்குமா? அல்லது சீரியஸான வேடம் பிடிக்குமா?

எனக்கு நகைச்சுவையாக நடிப்பது தான் பிடிக்கும்.

http://www.cineulagam.com/eelatamil/news-tamil/cinema/110480/#sthash.SX7KKhGa.dpuf

Edited November 17, 201411 yr by துளசி

அற்புதக் கலைஞன்.

 

ஜேர்மனி பிறேமன் தமிழ் கலை மன்றத்தின் செயலாளராக இருந்த பொழுதில்... அவரையும் பொங்கல் விழாவின் சிறப்பு விருந்தினராக பங்குபற்ற வைத்த மனத்திருப்தி கிடைத்தது.