50% கனடியர்கள் இரண்டு வருடங்களிற்கு முன்னதை விட குறைவான பாதுகாப்பை தற்சமயம் உணர்கின்றனர். பயங்கரவாத ஆய்வு.

கிட்டத்தட்ட அரைவாசி கனடியர்கள் இரண்டு வருடங்களிற்கு முன்னர் இருந்ததை விட தற்போது பயங்கரவாத நடவடிக்கைகள் காரணமாக  பாதுகாப்பு குறைந்துள்ளதாக தாங்கள் உணர்வதாக கணக்கெடுப்பு ஒன்றின் மூலம் தெரியவந்துள்ளது. கனடாவில் அடுத்த ஐந்து வருடங்களில் தாக்குதல் இடம்பெறலாம் என மூன்றில் இரண்டு பகுதியினர் கூறியுள்ளதாகவும் 42-சதவிகிதத்திற்கு உட்பட்டவர்கள் இதன் காரணமாக வெகுஜன இறப்பு மற்றும் அழிவுகள் ஏற்படலாம் என எதிர்பார்ப்பதாகவும் தெரிவிக்கப்பட்டுள்ளது. பயங்கரவாதம் பற்றி மக்கள் மிகை உணர்ச்சி கோளாறினால் பாதிக்கப் படவில்லை ஆனாலும் அன்றாட வாழ்க்கையில் எத்தகைய பாதிப்பை ஏற்படுத்தும் என்பதில் கவனம் கொள்வதாகவும் கூறப்பட்டுள்ளது. கனடாவில் பயங்கரவாத தாக்குதல் இடம்பெறுவது  குறித்து தாங்கள் கவலை கொள்வதாகவும் அதே சமயம் பொருளாதாரம், சுகாதார பராமரிப்பு, வேலை வாய்ப்பு ,டொலர் பெறுமதி, சுற்றுச்சூழல், எண்ணெய் விலை, வீட்டு விலைகள் குறித்தும் தாங்கள் கருதுவதாகவும் மூன்றில் இரண்டு பகுதியினர் தெரிவித்துள்ளனர். பயங்கரவாத தாக்குதல் குறித்து கட்சி தலைவர்கள் கவனம் செலுத்த வேண்டும் என்றும் சிலர் தெரிவித்துள்ளதாக கூறப்படுகின்றது. பிரதம மந்திரி Stephen Harper-ன் மத்திய அரசாங்கம் பயங்கரவாதம் மற்றும் தேசிய பாதுகாப்பு விடயத்தில் சரியான பாதையில் நிர்வாகம் செலுத்துவதாகவும் பலர் தெரிவித்துள்ளனர். அண்மையில் அரசாங்கம் அறிமுகப்படுத்திய பயங்கரவாத தடுப்புசட்ட மசோதா C-51 ஒரு எடுத்துக்காட்டு எனவும் தெரிவித்துள்ளனர். கனடிய இளைஞர்கள் பயங்கரவாதிகளால் தீவிரமயமாக்கப்படுவது அல்லது பணியமர்த்தப்படுவது குறித்து கவலை கொண்டுள்ளதாக 71-சதவிகித மானவர்கள் தெரிவித்துள்ளதாக கூறப்படுகின்றது.

- See more at: http://www.canadamirror.com/canada/38874.html#sthash.w75WEpDr.dpuf