கிளிநொச்சி, புதுமுறிப்பு குளத்தின் கீழ் இந்தாண்டு 800 ஏக்கரில் சிறுபோக செய்கை மேற்கொள்வதற்கு தீர்மானிக்கப்பட்டுள்ளதாக கிளிநொச்சி நீர்ப்பாசனத் திணைக்கள தகவல்கள் தெரிவிக்கின்றன. புதுமுறிப்புக் குளம் புனரமைக்கப்பட்டு அணைக்கட்டு உயர்த்தப்பட்டமையால் நீர் சேகரிக்கும் அளவு அதிகரித்துள்ளது.  குளத்தில் தற்போது உள்ள நீரின் மூலம் 800 ஏக்கர் நிலப்பரப்பில் பயிர்ச் செய்கை மேற்கொள்ள முடியும். 276 விவசாயிகள் இக்குளத்தினால் பயனடைவார்கள் என அந்த தகவல்கள் தெரிவிக்கின்றன.

 

http://www.tamilmirror.lk/142506#sthash.9HrxiJGy.dpuf

ஒலுமடுவில் 228 ஏக்கரில் நெல், எள்ளு செய்கை

 

 

 

முல்லைத்தீவு, ஒலுமடு கமநலசேவை நிலையத்துக்கு உட்பட்ட 8 சிறிய நீர்ப்பாசனக் குளங்களின் கீழ் 158 ஏக்கரில் நெற்செய்கையும் 70 ஏக்கரில் எள்ளுச் செய்கையும் மேற்கொள்ளப்படவுள்ளதாக கமநலசேவை நிலைய தகவல்கள் தெரிவிக்கின்றன. தச்சடம்பன் குளத்தின் கீழ் 33 ஏக்கரிலும் கற்சிடங்கு குளத்தின் கீழ் 24 ஏக்கரிலும் தருமுறிகண்டி குளத்தின் கீழ் 8 ஏக்கரிலும் பெரிய புளியங்குளத்தின் கீழ் 20 ஏக்கரிலும் இயங்கன்குளத்தின் கீழ் 3 ஏக்கரிலும் புதுமச்சிநாத குளத்தின் கீழ் 20 ஏக்கரிலும் புதுமுறிப்பு குளத்தின் கீழ் 10 ஏக்கரிலும் ஒலுமடுக்குளத்தின் கீழ் 40 ஏக்கரிலும் நெற்செய்கை செய்யப்படவுள்ளது. எள்ளுச் செய்கையானது ஒலுமடுக்குளத்தின் கீழ் 70 ஏக்கரில் செய்கை பண்ணப்படவுள்ளதாக தகவல்கள் தெரிவிக்கின்றன.

 

http://www.tamilmirror.lk/142479#sthash.85s4jMq2.dpuf