விடுவிக்கப்பட்ட இலங்கை மீனவர்கள் ஊருக்கு அனுப்பிவைப்பு

எல்லை தாண்டி மீன்பிடித்தனர் என்ற குற்றச்சாட்டில் இந்திய கடலோர காவற்படையினரால் கைது செய்யப்பட்ட இலங்கை மீனவர்கள் 16 பேர் நேற்று முன்தினம் விடுதலை செய்யப்பட்டுள்ளனர். 

 

கைது செய்யப்பட்டு இந்திய சிறைச்சாலைகளில் தடுத்து வைக்கப்பட்டிருந்த இலங்கை மீனவர்களை நேற்றையதினம் காலை இலங்கைக் கடற்படையினரிடம் ஒப்படைக்கப்பட்டனர்.

 

அதன்படி நேற்று காலை 10 மணியளவில் காங்கேசன்துறையை வந்தடைந்த 16 பேரையும் யாழ். மாவட்ட கடற்றொழில் திணைக்களத்தினர் பொறுப்பேற்றனர்.

 

திருகோணமலை மற்றும்  மாத்தறை மாவட்டங்களைச் சேர்ந்தவர்களாவர். இவர்கள் அனைவரையும் அவர்களது சொந்த இடங்களுகளுக்கு பேருந்து மூலம் தாம்  அனுப்பி வைத்துள்ளதாக யாழ். கடற்றொழில் திணைக்கள உதவிப் பணிப்பாளர் பி.ரமேஸ்கண்ணா தெரிவித்தார். 

 

இதேவேளை, இலங்கை சிறைச்சாலைகளில் தடுத்து வைக்கப்பட்டிருந்த இந்திய மீனவர்கள், ஜனாதிபதி மைத்திரிபால சிறிசேனவின் உத்தரவுக்கிணங்க அனைவரும் ஏற்கனவே விடுதலை செய்யப்பட்டிருந்தமை குறிப்பிடத்தக்கது.