20 ஆம் சீர்திருத்தம்; மனோ கணேசன் தூக்கினார் போர்க்கொடி

20 ஆம் சீர்திருத்தச் சட்டத்தின் புதிய தேர்தல் முறையின் கணக்கை தமிழ் முற்போக்குக் கூட்டணி ஏற்காது என அந்தக் கூட்டணியின் தலைவர் மனோ கணேசன் தெரிவித்துள்ளார்.

 

இது தொடர்பில் மனோ கணேசன் கருத்து வெளியிடுகையில், புதிய நிலைமைகளை ஆராய்வதற்காக சிறு கட்சிகளின் பேரவை கூட்டம் எதிர்வரும் 11 ஆம் திகதி  வியாழக்கிழமை கூட்டப்படவுள்ளது என்று தெரிவித்தார்.

 

“திங்கட்கிழமை காலை வரை நாம் ஜனாதிபதியால் கட்சி தலைவர்களுக்கும் அமைச்சரவைக்கும் வழங்கப்பட்ட யோசனைகளையே பரிசீலித்து வந்தோம். அந்த யோசனையில் தொகுதிகள் 165 + மாவட்ட விகிதாசாரம்  31+ தேசிய விகிதாசாரம் 59 என்றே இருந்தது.

 

“இந்நிலையில் திடீரென திங்கட்கிழமை மாலை புதிய கணக்கு அமைச்சரவைக்கு வந்துள்ளது. 20 ஆம் திருத்தத்தின் அடிப்படை விருப்பு வாக்கு முறைமையை அகற்றுவதும் தொகுதிக்கு ஒரு எம்பியை தெரிவு செய்வதும் ஆகும். இதை நாம் ஏற்றுக்கொண்டுள்ளோம்.   அதில் மீள் நிர்ணய ஆணைக்குழுவின் மூலம் வட-கிழக்கிற்கு வெளியே வாழும் தமிழ், முஸ்லிம் சிறுபான்மை மக்களுக்கு புதிய தனித்தொகுதிகளும்  பல்-அங்கத்தவர் தொகுதிகளும் உருவாக்கித் தரப்படும் என்று உறுதி வழங்கப்பட்டது.

 

“165 தொகுதிகள் என்று சொல்லும்போது அதற்குள் புதிய தனி தொகுதிகளும்இ பல்-அங்கத்தவர் தொகுதிகளும் வழங்கப்பட வாய்ப்பு இருக்கிறது. ஆனால் புதிய கணக்கின்படி  125 தொகுதிகளுக்குள் புதிய தனி மற்றும் பல்-அங்கத்தவர் தொகுதிகள் உருவாக்க இடமில்லை.  எனவே புதிய யோசனையை நாம் ஏற்க மாட்டோம்.

“பிரதமர் ரணில் விக்கிரமசிங்க இந்த புதிய யோசனைகளை அமைச்சரவைக்கு சமர்பித்துள்ளார். இதுபற்றி இன்று நான் அவரிடம் பேசி எமது எதிர்ப்பை தெரிவித்தேன். தான் இந்த யோசனையை ஐதேக யோசனையாக அமைச்சரவையில் சமர்பிக்கவில்லை எனவும் ஏற்கனவே சமர்ப்பிக்கப்பட்ட்ட பல்வேறு யோசனைகளை சமநிலை படுத்தவே இந்த யோசனைகளை தான் சமர்பித்ததாகவும் அவர் எனக்கு பதில் கூறியுள்ளார்.

 

“மேலும் இவற்றை சிறுபான்மையினர் ஏற்க மறுப்பதால்  சிறுபான்மை கட்சிகளுடன் ஒரு கலந்துரையாடலை ஜனாதிபதி நடத்த வேண்டும் எனவும் தான் ஜனாதிபதிக்கு யோசனை கூறியுள்ளதாகவும் பிரதமர் என்னிடம்  கூறினார். எனவே நமது கூட்டணி இன்று அல்லது நாளை ஜனாதிபதியை சந்தித்து கலந்துரையாட உள்ளது.

 

இதை நாம் அனுமதிக்க முடியாது. இதுபற்றி நான் இன்று ஜேவிபி தலைவர் அனுர குமார திசாநாயக்கவுடனும்  ஸ்ரீலங்கா முஸ்லிம் காங்கிரஸ் தலைவர் ரவுப் ஹக்கீமுடனும் கலந்துரையாடியுள்ளேன். வியாழக்கிழமை நமது சிறு கட்சிகளின் பேரவையை கூட்டி தொகுதிகள், மாவட்ட விகிதாரம், தேசிய விகிதாசாரம் பற்றிய நமது யோசனையையும், இரட்டை வாக்கு முறைமை பற்றியும் இறுதி முடிவுகளை எடுக்க தீர்மானித்துள்ளோம்,” என்று அவர் தெரிவித்தார்.

 

http://www.colombomirror.com/tamil/?p=5026

இதை ஆரம்பத்திலிருந்தே சாதாரண பாமர மக்கள் முதல் அனைவரும்  எதிர்த்தார்கள். மகிந்தாவை வீட்டுக்கு அனுப்புவதாக கூறி அனைத்து சிறுபான்மையினரும் கையை சுட்டு விட்டு நிற்கிறீர்களே? உங்கள் அடுத்த நடவடிக்கைதான் என்ன?மைத்திரி அவர்கள் இந்தியாவுடனும் ரணில் அவர்கள் அமெரிக்காவுடனும் இந்தியாவுடனும் சல்லாபித்து கொண்டிருந்தால் நாட்டின் நிலை என்னவாகும்.இப்படியே போனால் அமெரிக்காவின் உத்தரவின் பேரில் இலங்கை ராணுவம் அனைவரும் வடக்கு கிழக்கிலிருந்து வெளியேறவேண்டிய நிலை தான் வரும். இந்த நிலைக்கு சிங்களவர்களே வழி கோலுகின்றார்கள்.தற்போது அமெரிக்காவால் வளர்க்கப்படும் இலங்கையர் ஒருவர் வட கிழக்கு முதலமைச்சராவாரோ? யாருக்கு தெரியும் பொறுத்திருந்து பார்ப்போம்.ஆகவே இலங்கை அரசியல் பிரச்சனை யாராலும் தீர்க்க முடியாதவொன்று ஆகின்றது.