டக்ளஸ் பெரிய கோடீஸ்வரர்! போட்டு உடைத்தார் ஈ.பி.டி.பி பிரமுகர்!

[ புதன்கிழமை, 15 யூலை 2015, 10:20.29 AM GMT ]

டக்ளஸ் தேவானந்தா ஒரு கோடீஸ்வரர்தான். இவர் வைத்திருக்கின்ற கோடீஸ்வர செல்வம் மக்களாகிய நீங்களே. என எதிர்வரும் நாடாளுமன்ற தேர்தலில் ஈழ மக்கள் ஜனநாயக கட்சியின் சார்பில் போட்டியிடுகின்ற சமூக சேவையாளர் சொல்லின் செல்வர் இரா. செல்வவடிவேல் தெரிவித்தார்.

ஈழ மக்கள் ஜனநாயக கட்சியால் நடத்தப்படுகின்ற மகேஸ்வரி பவுண்டேசன் நிறுவனம் உண்மையில் மக்கள் சேவை நிலையமே ஆகும், மாறாக மணல் கொள்ளை நிறுவனம் அல்ல என்றும் அவர் குறிப்பிட்டார்.

இவர் வட்டுக்கோட்டையில் துணவி கிராமத்தில் இடம்பெற்ற மக்கள் சந்திப்பில் கலந்து கொண்டு பேசியபோதே இவ்வாறு கூறினார்.

இவர் மேலும் தெரிவித்தவை வருமாறு-

யாழ். போதனா வைத்தியசாலையில் தொண்டர்களாக கடமையாற்றி வந்தவர்களை நிறுத்த அரசாங்கம் தீர்மானம் எடுத்தது.

இத்தொண்டர்களில் அநேகர் வறிய குடும்பங்களை சேர்ந்தவர்கள்,யுத்தத்தால் பாதிக்கப்பட்டவர்கள், பெண்கள் ஆவர். இந்நிலையில் இவர்களுக்கான ஊதியத்தை மனிதாபிமான அடிப்படையில் கொடுத்து இவர்களை வைத்தியசாலையில் தொடர்ந்து வைத்திருப்பது என எமது செயலாளர் நாயகம் டக்ளஸ் தேவானந்தா தீர்மானம் எடுத்தார்.

ஒரு வருட காலம் இவர்களுக்கான ஊதியம் மகேஸ்வரி பவுண்டேசனாலேயே வழங்கப்பட்டது. சுமார் ஒரு இலட்சம் ரூபாய் வரையில் வழங்கப்பட்டு இருக்கின்றது.

டக்ளஸ் தேவானந்தா விரும்பி இருந்தால் கோடீஸ்வரராக மாறி ஆடம்பரமாக வாழ்ந்து இருக்கலாம். ஆனால் காட்சிக்கு எளிமையான தோற்றத்துடன் தோன்றுகின்றார். மக்களை நேரில் சந்தித்து குறைகளை செவிமடுத்து நிவாரணம் பெற்றுக் கொடுக்கின்ற மிக எளிமையான அமைச்சர் உலகத்திலேயே இவர் ஒருவர் மாத்திரமே ஆவார்.

இவரும் ஒரு கோடீஸ்வரர்தான். இவர் வைத்திருக்கின்ற கோடீஸ்வர செல்வம் மக்களாகிய நீங்களே.

டக்ளஸ் தேவானந்தாவுக்கு எந்தவொரு சமயச் சார்பும் கிடையாது. இவரின் தெய்வங்கள் மக்களே. மக்கள் சேவையே இவரின் சமயம் ஆகும்.

http://www.tamilwin.com/show-RUmtyHSZSVnqyB.html#

இரா செல்வவடிவேல்.. சேரா இந்த நிலைக்கு தள்ளப்பட்டிருக்கிறார். ஏன்... எதுக்கு..?! உங்க பொண்ணுங்க தானே லண்டனில வாழ்க்கைப்பட்டு நல்லா இருக்குதுங்களே. அப்புறம் என்ன. இதே டக்கிளஸ் கும்பலால்.. இந்தியப் படை காலத்தில் பிள்ளை பிடிக்கு ஆளாகி துன்பம் அனுபவித்த உங்கள் ரியூசன் மாணவர்களை மறந்து.. இந்தக் கொடூரனுக்கு துதிபாட என்ன தேவை வந்தது...?!

 

இரா செல்வவடிவேல்.. யாழ் நகர் பகுதியில்... யாழ் மாவடத்தில் சாதாரண தரத்திற்கு விஞ்ஞானம் கற்பித்து வந்தவர். விடுதலைப் புலிகளின் காலத்தில் யாழ் கம்பன் கழகத்தோடு நெருங்கி பணியாற்றியும் வந்தவர். இப்ப இப்படி ஆகிட்டார். குடும்பியர் வரிசையில்.. ?!