அந்நிய மீட்புக்குழுவினர் தனது மகளை தொடவிடாமல் நீரில்மூழ்கி இறப்பதற்கு அனுமதித்த தந்தை

மறக்­க­மு­டி­யாத அதிர்ச்சி சம்­பவம் என்­கிறார் துபாய் பொலிஸ் அதி­காரி
நபர் ஒருவர் தனது மகளை அந்­நிய நபர் ஒருவர் தொடு­வதை விரும்­பா­ததால், மீட்­புக்­கு­ழு­வினர் அவரை நெருங்­கு­வதை அனு­ம­திக்­காமல் அந்த யுவ­தியை நீரில் மூழ்கி மர­ண­ம­டைய அனு­ம­தித்த சம்­பவம் துபாயில் இடம்­பெற்­றுள்­ளது.

துபாய் கடற்­க­ரை­யொன்றில் இச்­சம்­பவம் இடம்­பெற்­ற­தாக துபாய் பொலிஸின் தேடுதல், மீட்புப் பிரிவின் பிரதி பணிப்­பா­ள­ரான லெப். கேணல் அஹமட் புர்­கிபாஹ் தெரி­வித்­துள்ளார்.

“எனக்கும் இதில் சம்­பந்­தப்­பட்ட அனை­வ­ருக்கும் இது பெரும் அதிர்ச்­சியை ஏற்­ப­டுத்­தி­யது. இச்­சம்­ப­வத்தை என்னால் மறக்­கவே முடி­யாது” என லெப். கேணல் அஹமட் புர்­கிபாஹ் கடந்த வாரம் கூறி­யுள்ளார். 

இது தொடர்­பாக அவர் ஐக்­கிய அரபு எமிரேட்ஸ் ஊட­க­மொன்­றிடம் பேசு­கையில், “ஆசிய நாடொன்றைச் சேர்ந்த நபர், ஒருவர் தனது மனைவி மற்றும் பிள்­ளை­களை அழைத்­துக்­கொண்டு கடற்­க­ரைக்கு வந்­தி­ருந்தார்.

அவரின் பிள்­ளைகள் கரை­யோ­ரத்தில் நீந்­திக்­கொண்­டி­ருந்­தனர். திடீ­ரென அவரின் பிள்­ளை­களில் ஒரு­வ­ரான 20 வயது யுவதி நீரில் மூழ்கத் தொடங்­கினார்.

அந்த யுவதி உதவி கோரி கூக்­கு­ர­லிட்­ட­தை­ய­டுத்து, கடற்­க­ரையில் இருந்த மீட்பு ஊழி­யர்கள் இருவர், உத­விக்கு விரைந்தனர். 

ஆனால், அந்த யுவ­தியை மீட்­புக்­கு­ழு­வினர் நெருங்­கு­வதால் ஒரு தடங்கல் இருந்­தது. 

அந்­நிய ஆட­வர்கள் தனது மகளை தொடக்­கூ­டாது என அந்த ஆசிய நபர் கரு­தினார்.

அந்த தந்தை மிக உய­ர­மான, வலி­மை­யான நபர் ஆவர், மீட்பு ஊழி­யர்­களை தள்­ளி­விட்டு, அவர்­க­ளுடன் வன்­மு­றை­யாக நடந்­து­கொள்ள ஆரம்­பித்தார். தனது மகள் இறந்­தாலும் பர­வா­யில்லை.

அவளை அந்­நிய ஆட­வர்கள் தொடக்­கூ­டாது” என அவர் கூறினார். 

அதனால் அந்த யுவதி நீரில் மூழ்கி உயி­ரி­ழந்தார். மீட்பு ஊழி­யர்கள் அந்த யுவ­திக்கு மிக அருகில் இருந்­தனர்.

ஆனால், துர­திஷ்­ட­வ­ச­மாக அவரை காப்­பாற்ற முடி­ய­வில்லை” எனத் தெரி­வித்­துள்ளார். 

பின்னர் மேற்படி ஆசிய நபர் துபாய் பொலிஸாரால் கைது செய்யப்பட்டு, அவருக்கு எதிராக வழக்குத் தொடுக்கப்பட்டதாகவும் லெப். கேணல் அஹமட் புர்கிபாஹ் தெரிவித்துள்ளார்.