சங்கக்கார அதிசிறந்த தொழில்சார் கிரிக்கெட் வீரர் - ஃபார்ப்ரேஸ் புகழாரம்

சர்­வ­தேச கிரிக்கெட் அரங்கில் அதி­சி­றந்த தொழில் கிரிக்கெட் வீரர் இலங்­கையின் குமார் சங்­கக்­கார என இலங்­கையின் முன்னாள் உதவி பயிற்­றுநர் போல் ஃபார்ப்ரேஸ் புக­ழாரம் சூடியுள்ளார்.

''பயிற்­சி­க­ளின்­போது ஒரு முதிர்ச்­சி­பெற்ற தொழில்சார் வீர­ராக அவரை நான் பார்த்தேன். நான் ஒரு சிறந்த பயிற்­று­ந­ரா­வ­தற்கும் அவர் நிறைய உதவி­யுள்ளார்'' என ஃபார்ப்ரேஸ் கூறினார்.

இங்­கி­லாந்து கிரிக்கட் அணியின் தற்­போ­தைய உதவி பயிற்­று­ந­ராக பணி­பு­ரியும் ஃபார்ப்ரேஸ் 2007 முதல் 2009வரை இலங்­கையின் உதவி பயிற்­று­ந­ரா­கவும் பின்னர் 2014இல் குறு­கிய கால பிர­தம பயிற்­று­ந­ரா­கவும் கட­மை­யாற்­றினார்.

''எவ்­வித சந்­தே­கத்­திற்கும் இட­மின்றி பயிற்­சி­க­ளின்­போது அதி சிறந்த தொழில்சார் வீர­ராக நான் பார்த்­த­வர்­களில் குமார் சங்­கக்­கா­ரதான் சிறந்­தவர். வேறு ஒருவர் அவரைப் போன்று பயிற்­சி­களில் ஈடு­பட்­ட­தில்லை.

சிலர் கடு­மை­யாக பயிற்­சியில் ஈடு­ப­டக்­கூடும். ஆனால் நம்­ப­மு­டி­யாத அள­வுக்கு சங்­கக்­கார பயிற்­சியில் ஈடு­ப­டுவார்'' எனவும் ஃபார்ப்ரேஸ் குறிப்­பிட்டார்.

''பந்­து­வீச்­சா­ளர் கள் பந்­து­வீசும் பாணியை அவர் வீடியோ மூலம் உன்னிப்­பாக அவ­தா­னிப்பார்.

இவ்­வாறு அதா­னித்தே அவர் தனது நகர்­வு­களை முன்­னெ­டுப் பார். அவ­ரது இந்த செயற்­பா­டுகள் ஆழ சிந்­திக்க வைக்­கின்­றது.

அவ­ரி­ட­மி­ருந்து பல விட­யங்­களை அறிந்­து­கொள்­ளலாம். அவர் உண்­மையில் ஒரு கிரிக்கெட் மேதை'' என ஃபார்ப்ரேஸ் மேலும் தெரி­வித்தார்.

''பயிற்­று­விப்பில் மிகவும் பெறு­ம­தி­யான நுணுக்­கங்­களை குமார் எனக்கு கற்­றுக்­கொ­டுத்தார்.

அவர் தனது இடது கால் நகர்வு குறித்து முக்­கிய கவனம் செலுத்தி வந்தார். அவர் துடுப்­பாட்ட பயிற்­சியில் ஈடு­பட்­டி­ருந்­த­போது அவ­ரது நகர்­வு­களைப் பார்ப்­ப­தை­விட பந்­து­வீச்­சா­ளர்­க­ளி­லேயே கவனம் செலுத்­தினேன்.

ஆனால் பத்து பந்­து­வீச்­சு­களின் பின்னர் அவர் தனது நகர்வு குறித்து என்­னிடம் கேட்­ட­போது அபாரம் என்றேன்'' என ஃபார்ப்ரேஸ் கூறினார்.

''பயிற்­சியின் பின்னர் ஒரு ஓர­மாக என்னை அழைத்துச் சென்ற குமார், 'அடுத்த முறை நான் இவ்­வா­றான கேள்வி கேட்­கும்­போது நேர்­மை­யாக பதில­ளிக்­க­வேண்டும்.

எனது பின்­னங்கால் மூன்று தட­வைகள் மறு­பு­ற­மாக நகர்ந்­தது. எனவே இனிமேல் இவ்­வா­றான தவ­றான தகவல் வழங்­க­வேண்டாம்' என்றார்.

அது எனக்கு ஒரு பெரிய பாட­மாக அமைந்­தது. நான் அவ­ரது கால் நகர்­வு­களைக் கவ­னிக்­க­வில்லை எனக் கூறி­யி­ருக்­க­வேண்டும்.

நான் நேர்­மை­யாக செயற்­பட்­டி­ருக்­க­வேண்டும். நான் அவ­ரிடம் நிறைய கற்றுக்­கொண்டேன்.

அவ­ரது உயரிய தொழில்சார் அனு­ப­வங்­க­ளி­லி­ருந்து ஏனைய வீரர்கள் கற்­றுக்­கொண்­டார்கள் என்­ப­தையும் நான் அறிவேன்'' என்றார்.

குமார் சங்­கக்­கா­ரவும் மஹேல ஜய­வர்­த­னவும் உலகத் தரம்­வாய்ந்த வீரர்கள் என ஃபார்ப்ரேஸ் புக­ழாரம் சூட்­டினார்.

''ஒரு முறை கண்­டியில் நடை­பெற்ற டெஸ்ட் போட்­டி­யின்­போது நான் சுகவீன­முற்றேன். அப்­போது சங்­கக்­கார என்னை டாக்டர் ஒரு­வ­ரிடம் அழைத்துச் சென்றார்.

அதன் பின்னர் மைதானம் ஒன்­றுக்கு நாங்கள் சென்­ற­போது அங்கு அவர் தனது தந்­தையார் முன்­னி­லையில் கொங்­கிறீட் ஆடு­க­ளத்தில் துடுப்­பெ­டுத்­தா­டினார்'' என ஃபார்ப்ரேஸ் தெரி­வித்தார்.

''ஹோர்­பார்ட்டில் ப்ரெட் லீக்கு எதி­ராக குமார் சங்­கக்­கார 192 ஓட்­டங்கள் குவித்­ததை நான் பார்த்தேன்.

அத்­துடன் அவர் அதி­சி­றந்த சுழல்­பந்­து­வீச்­சா­ளர்கள் முன்­னி­லையில் 150 ஓட்டங்கள் குவித்­த­தையும் நான் பார்த்தேன்.

இரண்டு வகை­யான ஆடு­க­ளங்கள், பந்­து­வீச்­சா­ளர்­க­ளுக்கு ஏற்ப அவர் தன்னை மாற்­றிக்­கொண்டு திற­மை­யாக துடுப்­பெ­டுத்­தா­டி­யமை அவ­ரிடம் உள்ள சிறப்­பம்­ச­மாகும்'' எனவும் ஃபார்ப்ரேஸ் தெரி­வித்தார்.

''மற்­றை­ய­வர்­களைப் புக­ழும்­போது குமார் மிகச் சிறப்­பான கருத்­துக்­களை வெளி­யி­டுவார்.

மஹேல எவ்­வ­ளவு சிறப்­பா­னவர் என்­பதை அடிக்­கடி கூறி­வந்­துள்ளார். மஹேல தங்­க­ளது அதி சிறந்த அணித் தலைவர் என குமார் சங்­கக்­கார கூறி­யுள்ளார்.

குமார் தேசத்­திற்­கா­கவும் கிரிக்கெட்­டிற்­கா­கவும் நிறைய அர்ப்பணித்துள்ளார். கடந்த காலங்களில் இங்கிலாந்து வீரர்களுடன் கதைக்குமாறு அவரிடம் கேட்டுக்கொண்டேன்.

அவர் யாருடனும் தனது அறிவாற்றல்களைப் பகிர்ந்துகொள்வார்.

கிரிக்கெட் விளையாட்டிற்கு குமார் எந்தளவு பங்களிப்பு வழங்கியுள்ளார் என்பதை அவர் ஓய்வு பெற்ற பின்னரே இலங்கை அணியினர் உணர்வர்'' என போல் ஃபார்ப்ரேஸ் மேலும் குறிப்பிட்டார்.