திங்கள் 11-12-2006 14:33 மணி தமிழீழம் [நிலாமகன்]

இலங்கையின் அமைதி முயற்ச்சிகளில் நோர்வேயின் அடுத்த கட்ட நடவடிக்கைகள் குறித்து இன்று முக்கிய தீர்மானங்கள் வெளியிடப்படலாம என எதிர்பார்க்கப்படுகின்றது

நோர்வேயின் விசேட சமாதானத் தூதுவர் ஜோன் ஹன்சன் பௌவர் அரசாங்க தரப்பு மற்றும் விடுதலைப் புலிகள் தரப்பு நிலைப்பாடுகள் குறித்து இன்று நோர்வே அபிவிருத்தி அமைச்சர் எரிக் சொல்ஹெய்முடன் பேச்சுவார்தை நடத்தவுள்ளார்.

இந்த சந்திப்பின் போது இலங்கையின் அமைதி முயற்ச்சிகளில் நோர்வேயின் எதிர்கால பங்களிப்பு எவ்வாறு அமையும் என்பது குறித்து ஆராயப்படவுள்ளது

ஹன்சன் பௌவருடனான சந்திப்பில் ஆராயப்பட்ட விடயங்களை எரிக் சொல்ஹெய்ம் நோர்வே அரசாங்கத்தின் கவனத்திற்கு கொண்டு செல்லவுள்ளதாகவும் அதனை தொடர்ந்து நோர்வே அரசாங்கம் சில தீர்க்கமான முடிவுகளை அறிவிக்கவுள்ளதாகவும் இராஜதந்திர தரப்பு தகவல்கள் தெரிவித்துள்ளன

சிறீலங்கா அரசாங்கத்திற்கும் தமிழீழ விடுதலைப்புலிகளுக்கும் இடையில் மீண்டும் அமைதிப் பேச்சுவார்தைகளை ஆரம்பிக்க முடியாத இறுக்கமான சூழல் குறித்தும் வடக்கு கிழக்கில் தோன்றியுள்ள மோதல் நிலை குறித்தும் நோர்வே ஆழ்ந்த கவலை அடைந்துள்ளதாக தெரியவந்துள்ளது.

நன்றி : பதிவு இணையதளம்

இந்தா பாரு அந்தா பாரு என்பினம் பிறகு மார்ச் மாதத்துக்குப் பின்போடுவினம் அல்லது அடுத்த மாவீரர்தின உரைவரை தள்ளிப்போடுவினம் அவ்வளவுதான்.

நோர்வேயின் அடுத்த நடவடிக்கை குறித்து இன்று சொல்ஹெய்முடன் பௌர் ஆராய்வார்.

இலங்கை சமாதான முயற்சிகள் தொடர்பாக அடுத்து மேற்கொள்ள வேண்டிய நடவடிக்கைகள் குறித்து நோர்வே அனுசரணையாளர்கள் இன்று திங்கட்கிழமை ஆராயவுள்ளதாகத் தெரிவிக்கப்படுகிறது.

இலங்கையில் ஒரு வாரத்திற்கும் மேல் தங்கியிருந்த நோர்வேயின் விசேட பிரதிநிதி ஜொன் ஹான்சன் பௌர் நேற்று முன்தினம் சனிக்கிழமை ஒஸ்லோ திரும்பியிருந்தார்.

இன்று அவர் ஒஸ்லோவில், நோர்வேயின் சர்வதேச அபிவிருத்தி அமைச்சர் எரிக் சொல்ஹெய்மைச் சந்தித்து இலங்கை நிலைமைகள் தொடர்பாகப் பேசவுள்ளார்.

இதன் போது , கடந்த ஒரு வாரத்திற்கும் மேலாக இலங்கையில் தானிருந்தபோது அரச தரப்பினருடனும் விடுதலைப் புலிகளுடனும் தான் நடத்திய பேச்சுகள் தொடர்பாக சொல்ஹெய்முடன் ஆராயவுள்ளார்.

இலங்கையில் நிலைமைகள் மோசமடைந்து வருகையில் அடுத்து தாங்கள் மேற்கொள்ள வேண்டிய நடவடிக்கைகள் குறித்து இதன்போது இவர்கள் ஆராயவுள்ளதாகவும் தெரிவிக்கப்படுகிறது.

இம்முறை பௌரின் இலங்கை விஜயம் எதிர்பார்த்த பலனெதனையும் தரவில்லையென நோர்வே தரப்பு தெரிவித்துள்ளது.

கடந்த வெள்ளிக்கிழமை வன்னியில் விடுதலைப் புலிகளைச் சந்தித்த பின்னர் பௌர் கொழும்பு திரும்பியதும் அரச சமாதான செயலகப் பணிப்பாளர் பாலித கோஹனவைச் சந்தித்து பேசியிருந்ததும் தெரிந்ததே

www.tamilwin.com