இலங்கை பிரச்னையில் நேரடியாக இந்தியா தலையிட மறுப்பு

சென்னை: "இலங்கை பிரச்சனையில் இந்தியா நேரடியாக தலையிடாது. இது தான் இந்தியாவின் நிலைப்பாடு. அதே நேரத்தில் அங்கு அமைதி நிலவ வேண்டும்; தமிழர்கள் நிம்மதியுடன் வாழ தீர்வு காணப்பட வேண்டும் என்று இந்தியா விரும்புகிறது,"என்று வெளியுறவு அமைச்சர் பிரணாப் முகர்ஜி திட்டவட்டமாக அறிவித்தார்.

நாடு முழுவதும் உள்ள பாஸ்போர்ட் அதிகாரிகளின் ஆண்டு மாநாடு சென்னையில் நடந்தது. இதில் கலந்து கொண்ட வெளியுறவு அமைச்சர் பிரணாப் முகர்ஜி, இலங்கை பிரச்னை குறித்த இந்தியாவின் நிலைப்பாடு குறித்து திட்டவட்ட பதில் அளித்தார். அவர் அளித்த பேட்டி;

போலீஸ் விசாரணையின்றி பாஸ்போர்ட் வழங்குவதால் பாதுகாப்புத் தன்மை இருக்காதே? 'தட்கல்' திட்டத்தின் கீழ் விண்ணப்பிப்பவர்களுக்கு கால தாமதம் செய்யாமல் போலீஸ் விசாரணையின்றி பாஸ்போர்ட் வழங்கப்பட்டுவிடும். அதன் பிறகு வழக்கமான விசாரணை நடைபெறும். வெளியுறவுத் துறை அமைச்சகத்தின் மண்டல கிளையை சென்னை நகரில் ஆரம்பிப்பதன் ர்நிம்க்கம் என்ன? சென்னையில் ஆரம்பிக்க வேண்டும் என்ற எண்ணம் எங்களுக்கு நீண்ட நாட்களாகவே இருந்தது.

மேலும் இந்த கோரிக்கையை தமிழகம் தொடர்ந்து வலியுறுத்தி வந்தது. முதல்வர் கருணாநிதியும் கோரிக்கை விடுத்தார். அதனால், கோரிக்கையை நிறைவேற்றியுள்ளோம். இதன் மூலம் வெளியுறவுத்துறையின் சேவை இங்கு உடனுக்குடன் கிடைக்கும்.இலங்கை ராணுவ வீரர்களுக்கு இந்தியாவில் பயிற்சி அளிப்பதற்கு அரசியல் கட்சித் தலைவர்கள் கடும் எதிர்ப்பு தெரிவித்துள்ளனர். ஆனால், அவர்களுக்கு புனேயில் பயிற்சி அளிக்கப்படுவதாக கூறப்படுகிறதே? இது ஒன்றும் புதிதல்ல. வழக்கமாக அளிக்கப்படும் பயிற்சி தான். ராணுவ வீரர்களுக்கு சிறப்பான முறையில் பயிற்சி அளிக்கும் நிறுவனங்கள் நம் நாட்டில் உள்ளன. அதனால், பல்வேறு நாடுகளைச் சேர்ந்த வீரர்கள் நம் நாட்டு ராணுவ பயிற்சி நிறுவனங்களில் பயிற்சி பெறுகிறார்கள். இதன் மூலம் இந்திய ராணுவத்தின் பொருளாதாரமும் மேம்படுகிறது.

நாகபூரைச் சேர்ந்த நிறுவனத்தின் மூலம் இலங்கைக்கு வெடிபொருட்கள் எடுத்துச் சென்றது கண்டுபிடிக்கப்பட்டுள்ளதே? சுரங்கங்களில் பயன்படுத்துவது உள்ளிட்ட பல்வேறு காரணங்களுக்காக வெடிபொருட்கள் இலங்கைக்கு அனுப்பப்பட்டு வந்தன. ஆனால், அங்கு சூழ்நிலை சரியில்லாததால் தற்போது வெடிபொருட்கள் அனுப்பப்படுவது முற்றிலும் நிறுத்தப்பட்டுள்ளது. இலங்கைப் பிரச்னை குறித்து தமிழக முதல்வர், பிரதமருக்கு கடிதம் எழுதியிருந்தார்.

இந்த பிரச்னையில் இந்தியாவின் நிலை என்ன? தமிழக முதல்வரின் கடிதத்திற்கு பதில் கடிதம் அனுப்பினோம். இலங்கைப் பிரச்னையை பொறுத்தவரை இந்தியா நேரடியாக தலையிடாது. அதே நேரத்தில் இலங்கை இறையாண்மைக்கு தகுந்தபடியும், அங்குள்ள சட்ட திட்டங்களுக்கு தகுந்தபடியும் சரியான தீர்வு காண வேண்டும் என்று இந்தியா விரும்புகிறது. அங்கு அமைதி நிலவ வேண்டும், தமிழர்கள் அமைதியான முறையில் வாழ வேண்டும் என்று விரும்புகிறோம். அங்கு அமைதியை ஏற்படுத்தும் முயற்சியில் ஏற்கனவே நார்வே நாட்டு தூதர்கள் ஈடுபட்டுள்ளனர். அந்த பேச்சுவார்த்தையில் தீர்வு ஏற்பட வேண்டும் என்று வாழ்த்துகிறோம்.

"பாகிஸ்தானின் ஒரு அங்கம் தான் காஷ்மீர்" என்று அந்நாட்டு அதிபர் முஷாரப் கருத்து தெரிவித்துள்ளாரே? பாகிஸ்தான் அதிபரின் கருத்துக்களை உன்னிப்பாக கவனித்து வருகிறோம். முஷாரப்பின் கருத்து குறித்து ஏற்கனவே பிரதமர் மன்மோகன் சிங் தெளிவாக பதிலளித்திருக்கிறார். இவ்வாறு பிரணாப் முகர்ஜி கூறினார். இலங்கை தமிழ் எம்.பி.,க்கள், புதுடில்லியில் பிரதமர் மன்மோகன் சிங்கை நேற்று காலை சந்தித்தனர். இந்த சந்திப்பு நடந்த அதே நாளில், வெளியுறவு அமைச்சர் பிரணாப் முகர்ஜி சென்னையில் திட்டவட்ட அறிவிப்பு வெளியிட்டுள்ளது குறிப்பிடத்தக்கது.

http://www.vanakkammalaysia.com/

இலங்கை ராணுவத்திற்கு இந்தியாவில் அளிக்கப்பட்டு வரும் பயிற்சி தொடரும் என்றும் வெளியுறவுத் துறை அமைச்சர் பிரணாப் முகர்ஜி கூறியுள்ளார்.

இலங்கை பிரச்னையில் நேரடியாக இந்தியா தலையிட மறுப்பு

இலங்கை ராணுவத்திற்கு இந்தியாவில் அளிக்கப்பட்டு வரும் பயிற்சி தொடரும் என்றும் வெளியுறவுத் துறை அமைச்சர் பிரணாப் முகர்ஜி கூறியுள்ளார்.

அத்தோட பாகிஸ்தான்காரனிட்ட Deal போட்டு ஸின்கள ஆர்மிக்கு MBRLயும் அனுப்பலாம்முங்கோ!

...அங்குள்ள சட்ட திட்டங்களுக்கு தகுந்தபடியும் சரியான தீர்வு காண வேண்டும் என்று இந்தியா விரும்புகிறது....